الأعضاء الإشتراك و التسجيل

الملتقيات
ADs

استفسار ضآعت من حياتي 5 سنوات بدون فائده !!!

استفسار ضآعت من حياتي 5 سنوات بدون فائده !!!


NOTICE

تنبيه: هذا الموضوع قديم. تم طرحه قبل 2410 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. بداية الطريق خطوة ....

    اعرف واحد شخصيا واعرفه كويس ..

    عمره الان 29 سنه توه داخل الجامعه في امريكا ...

    تأكد اذا جيت امريكا .. وانت شاد حيلك في الدراسه واهم شي تبعد عن المحبطين .. راح تنجح في دارستك بااذن الله

    تفائلو بالخير تجدوه

    تمنياتي لك بالتوفيق والسداد
    7 "
  2. أخوي وحييد أمه مني مكثر كلام لاكن بنبهك على شي بسييط و إن شاء الله إن الموضوع بيهون في عيينك..... الحين الدراسه كم يبيلها ؟ 5 سنوات تقربا ؟ طيب لو نجي نشوف كم سنه بتقعد تشتغل في المجال إلي أنت متوضف فيها كم تطلع ؟ 20 سنه ؟ 25 سنه ؟ يعني بالله في شي راح منك ؟ لات قول يووه عمري 22 خلاص وراح علي قطار الخريجين ولد خالي عمره 27 سنه والحين يدرس بكلوريوس هندسه تخصص جديد يجمع بين الميكانيكا والكهرباء المقصود إنه تخصص قوي ماقال انا راح عمري ومايمدي و أبشرك شاد حيله و أموره في التمام وتراه مب أحسن منك <<< هذا إلي مو مطول خخخخخ ... بالتوفييق
    7 "
  3. لازم تعرف قدراتك وإمكانياتك ومهاراته خذ الموقع دا يساعدك تقييم حوافز القدرات الشخصية سجل فيه وسوي الاختبار المجاني
    ArabicMAPP
    وبعدين الشهادة مو كل شي خذ أقرأ مختصر الاب الغني والاب الفقير لروبرت كيوساكي
    يمكن تغير رأيك وتسمع كلام ابوك وتاخذ ال300 الف وإذا ما بدك أعطيني هيا أستثمر لك هيا وأعطيك أرباح
    http://www.shabayek.com/files/Arabic...ad_Summary.pdf
    7 "
  4. الله يوفقك ان شاءالله

    انا حالتي نفس حالتك بس انا اكبر منك

    عمري 25 وعبال ابدء الدراسة يكون صار عمري 26 وانا بنت ماني ولد ومع ذلك راح اتحمل الغربه ان شاءالله عشان مستقبلي

    قدمت في الجامعات الامريكية والحمدلله انقبلت مع ان نسبتي مو ذاك الزوود ولما اقول مو ذاك الزود يعني من جد مو ذاك الزود فوق ماتتخيل خخ

    خفت زيك في البداية وقعدت افكر اني مامشيت بالعربي كيف راح امشي بالانجليزي

    بس رجعت افكر اني الحمدلله ربي انعم علينا بالعقل وكل اللي يدرسون في امريكا مو احسن مني في شي

    واني قادرة اوصل للي هم وصلوا له .. هم جتهم الفرصة وربي انعم عليهم ببعثه من الملك

    احنا نطلع على حسابنا وننضم ان شاءالله ونصير زيهم ولا يفرق وقتها لا اعمارنا ولا نسبة الثانوية ولا غيره

    اللي يفرق كل واحد وش راح ينجز في غربته ووش راح يبني لمستقبله

    واحنا الحين عرفنا قيمة الدراسة والشهادة يمكن لما كنا في الثانوي كنا ماخذينها لعب وما تنبهنا لمستقبلنا الا الحين

    شيل هالافكار عن بالك وركز الحين في انك تشوف التخصصات وتختار لك تخصص

    وتبدا تختار ولايات وتدور فيها على الجامعات اللي فيها تخصصك

    وانت لما راح تقعد تبحث في الولايات والمدن وتشوف صور ومعلومات

    راح تحس باحساس حلو ودك تجربه

    وودك تتغلب على كل الافكار السلبية وتسوي شي يفيدك بحياتك

    انا واثقه انك راح تتحمس وراح تنسى كل الخوف اللي بداخلك

    وانت لازم تكون اقوى من اي صوت سلبي داخلك .. حاول تشوف النواحي الايجابية من دراستك والسفر لامريكا

    وشيل النواحي السلبية من راسك

    اول شي راح ترفع راس اهلك ان شاءالله وتجيب البكالوريوس وانا واثقه انك بعده راح تفكر بالماستر كمان

    وماراح تكتفي ب البكالوريوس

    التعليم في امريكا غير عندهم وسائل كثير حتى اسلوب المعلمين غير عن هنا

    فيه احترام وتقدير .. انت بس ركز ولا تغيب وسو واجباتك ولا تتاخر فيها وراح تمشي

    وبالنسبه للقبول انت طالب بكالوريوس يعني مو مطلوب منك توفل وهالشي سهل

    مجرد تدرس في معهد الجامعه ولما تخلص من المعهد راح تبدا تدرس في الجامعة

    لاتختار مدينة كبيرة وتقعد تفكر في الترفيه وبس

    دور على مدينة كويسة صغيره نوعا ما .. فيها احتياجاتك

    وفيها جامعة كويسه ومعهد كويس

    وربي يسهلك ان شاءالله

    وان احتجت اي شي انا بالخدمة انت مثل اخوي الصغير واتمنى لك التوفيق ان شاءالله
    7 "
  5. يوه عمرك 22 وماعندك شهاده ؟؟؟؟؟؟ روح انتحر احسن لك خخخ

    امزح معك

    توك انت صغير ياخي 22 في ريعان الشباب

    فيه ابو يدرس مع بنته وولده بنفس المستوى بالمعهد >> كيف ؟

    اعرف 2 اعمارهم 25 باقيلهم 3 شهور على الجامعه

    عادي رجال المستقبل قدامك مشرق

    محاكيك 21 وللحين مادخلت الجامعه
    7 "
  6. ماضاع من عمرك شي ...والضياع الحقيقي هي ضياع اعمارنا في غير طاعة ربي ..
    لاتلتفت لورا ولاتقول اللي بعمري صاروا وصاروا ..ان شاء الله بتمر الايام وبتصير احسن من غيرك
    انت توك صغير..شد حيلك بس واهم شي اوصيك به اختر الرفقه والصحبه الطيبه وحريصة على العلم والدراسه وخلك جاد بحياتك ..كثيرين ما تفوقوا ووصلوا لمراتب عاليه إلا تلقاهم مروا بتجارب فشل في بدايات حياتهم ..وهذي الحياة نتعلم فيها ..ونخطي ونصحح اخطاءنا ..فلا تدعم نفسك بافكار سلبيه تاثر عليك ..كل شي يروح يتعوض انشاالله
    وتعثرك بدراستك مايعني انك غير قادر على النجاح والتفوق ..لا أبدا ...
    يمكن كانت ظروف أو اهمال ..والحين انت انشاء الله ..قد التفوق وقدود ..
    خلاص اهم شي تنسى اللي راح وتفكر اللي بالجاي وتركز بدراستك وتطوير نفسك ..وان شاء الله وباذن الله بتجي بعد كم سنه تكتب انجازاتك ونجاحاتك ..ونحتفل معك بتحقيقها ..
    الله يوفقك ويسهل امرك ويفتح عليك ويهديك ...ويخليك لوالديك ..وتسعدهم ان شاء الله بنجاحاتك ويجعلك انشاالله قرة عين لهم ,,ويرزقك برهم ..
    قل أمين ..
    7 "
  7. وسع صدرك وبحلف لك بالله اني مقأبل طالب عمره 32 وجاي يدرس بكآلوريس ..

    عش حياتك توك بعمر الزهور ولاتندم على اللي فات طالع للامام واترك الخلف وراك زنقه زنقه دراسة دراسة دفرة دفرة تجيب الشهادة طال عمركـ ..
    7 "
7 من 8 صفحة 7 من 8 ... 2678
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.