اللهم اجرني في مصيبتي .. واخلف لي خير منها ..

هلا بك ياعبدالله وحياك الله،

أحيي فيك تخطيطك المبكر لمستقبلك وإصرارك على تحقيق حلمك ... ولكن

ليش الإحباط وتكسير المجاديف في أول جوله ومع ظهور أول عقبه ( هذا اذا كان فيه عقبات أصلاً )


اللي فهمته من كلامك ياعبدالله انك الى الآن ما آخذت التحصيلي بس تخطط انك تاخذه
بس اللي مستغرب منه أنا، هو ليش حتط لك حد ٧٠٪ في التحصيلي؟
أنا فاهم انك تبي تلعب ع المضمون مثل مايقول وتقول في أسوأ الأحول راح آجيب ٧٠٪ عشان تضمن الإبتعاث،

عزيزي عبدالله لموضوع مايستحق منك كل هذا الإحباط والقهر !
وخصوصا انه ماصار شي الى الآن وانت ماخذت التحصيلي،

لذلك لازم تثق بنفسك وتبدأ تجهز نفسك للتحصيلي من الآن واذا كنت آخذته وماجبت درجه كويسه، حاول تآخذه مره ثانيه وبس تكون جهزت نفسك واستعديت عشان تجيب الدرجة المطلوبه،
وبعدين ٨٠٪ ماهي صعبه على طالب مثلك ماشاء الله جايب ٩٨٪،
فالموضوع يحتاج هدوء وتركيز وثقة بالنفس، وصدقني ياعبدالله راح تتجاوز الإختبار وتستوفي كل الشروط ونشوفك معنا في آمريكا،

والشي اللي المفروض يطمنك انك مستوفي لجميع الشروط وماباقي الا شرط واحد، ومابعد حاولت تستوفيه انت،
يعني نسبة تجاوزك وتحقيقك لهذا الشرط كبيرة جداً

آهم شي لا تستلم ولا تهتز ثقتك بنفسك لأنها راح تآثر كثير على اختباراتك،



توكل على الله،
وبدعاء الوالدين،
راح تحقق كل اللي تتمنى،

ولو احتجت آي شي أو استشارة، لا تتردد،


تحياتي،*

الله يحقق حلمك يارب
وبالتوفيق وتاكد من الشروط واذا تقدر تجى على حسابك بعدين تتحول على الملحقيه ان شاء الله
الله يوفقك
مره قصه مؤلمه

امرك بسيط يارجال انا نسبتي 86% بالثانويه هههه والقدرات والتحصيلي لا تسأل خخخ

والحمدلله مبتعث

اعطيك الحل من الاخر..

روح اطلع على حسابك ادرس بمعهد يدخلك الجامعه اذا تخرجت منه . واذا تخرجت من المعهد يحولونك على البعثه مباشره .. وانت تقول لغتك كويسه ممتاز .. اول ماتجي المعهد يسون لك اختبار تحديد مستوى .. ويمكن يحطونك بالمستوى المتوسط .. يعني 5 شهور انت مخلص المعهد .. وخمس شهور يمكن تكلفك 60 الف بالكثير .. او اقل والله

ويمكن يحولونك وانت تدرس بالمعهد .

بسيطه الامور

الله يهداك هذي اسمها مصيبه
اسنعين على امورك بكثرة الدعاء والاستغفار

نسبة الثانوية الان ليست بمقياس

و ليس بالشرط ان تحصل على بعثة، عندك الجامعات السعودية ممتازة في الطب

أجتهد ولن يضيع إجتهادك و بالتوفيق

خرشتني الله يصلحك
أولاً , ثق تماماً أن الله أعلم بالخير لنفسك منك فاسأله الخيرة في كل أمر
ثانياً , الافضل لك دراسة الطب بالسعودية وتكمل دراستك برا , لأن دراسة الطب بأمريكاوغيرها
صعبة وطووووووووووووويلة حسب معلوماتي فابحث وتأكد , برضو المانيا تتطلب درجة عالية في اختبار الايلتس
ثالثاً , صاحب الطموح لايقف عند مشكلة قد كون لها حل , ابحث هنا وهناك عن طموحاتك الاخرى
فربما تكون هي افضل من دراستك للطب

موفق خير والحمدلله على سلامتك

أولا: *ماشاء الله عليك والله يحفظك من كل شر*


ثانيا: حاليا من ثانوي وقدرات تعتبر استوفيت شرطين...باقي شرط وهوا في التحصيلي تجيب80%...

ياأخي التحصيلي مو اصعب من القدرات من معرفتي له اشوفه اسهل من القدرات لأنه يقيس معرفتك بجميع مادرست من مواد....

جد واجتهد مثل ماسويت بالقدرات وبإذن ربنا بتتوفق....**أنا احساسي بيقول إنك قدها وبتجيب الدرجة المطلوبة بالتحصيلي**

وبتبتعث ع برنامج الملك عبد الله..

الله يوفقك وما تعرف ممكن هناك استثناءات او تتغير الشروط