الأعضاء الإشتراك و التسجيل

الملتقيات
ADs

طالبكم النصيحه بريطانيا ولا امريكا

طالبكم النصيحه بريطانيا ولا امريكا


NOTICE

تنبيه: هذا الموضوع قديم. تم طرحه قبل 2404 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية hiytham-aljohani
    hiytham-aljohani

    مبتعث مميز Characteristical Member

    hiytham-aljohani الولايات المتحدة الأمريكية

    hiytham-aljohani , ذكر. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى سبحان الله وبحمده , بجامعة سبحان الله العظيم
    • سبحان الله العظيم
    • سبحان الله وبحمده
    • ذكر
    • لا اله الا الله, محمد رسول الله
    • السعودية
    • Mar 2011
    المزيدl

    May 15th, 2011, 09:40 AM

    السلام عليكم ورحمة الله وبركاته

    اخواني بدخل في الموضوع

    انا معي كل الاوراق وجاهز ومابقى لي الا السفاره وبعد حماس 4 شهور وتصفح وتعب وارهاق وسهر

    قابلة الشباب قبل 3 ايام وجالسين الا واحد يفتح موضوع بريطانيا وطلع ان 3 من اللي اعرفهم رايحين في سبتمبر

    واحد ماستر واحد لغه واحد بكالوريوس

    انا هنا انصدمت شفت العالم كلها رايحه بريطانيا قلتلهم انا رايح امريكا افضل وارخص واحاول الف الهرجه علشان يجون معي

    بس تعرفون الكثره تغلب الشجاعه ...المهم

    الشباب ملزمين علي يبوني اجي معهم بريطانيا واترك قبولات امريكا واكنسل كل شي

    انا الحين متوهق ومحتااار اطلع مع الشباب ولا اروح امريكا ماصديقي الا انا

    انا سويت مقارنه بين بريطانيا وامريكا وطلع انها جداً غاليه لكن كل شي متوفر والفيزا في اسبوع ومواصلات ماتحتاج سياره مثل امريكا

    بس مادري والله متلخبط ..انتو حاسين في الحين؟؟

    ياليت اللي يقدر يفيدني يعلمني وش اسوي انا خلاص مخي وقف
  2. امريكا حلوه وتعتبر ارخص كثير عن بريطانيا بس المشكلة ما تقدر تسوي اي شئ بدون سيارة و السيارة يبيلها مصاريف تأمين اقل شئ 100 دولار شهريا و البنزين الجالون ب 4 دولار

    اما بريطانيا يا زينها ما يبيلك سيارة ولا اي شئ الباص يوديك كل مكان وبريطانيا حلوه بشكل مو طبيعي انا لو اقدر احول بعثتي هناك كان حولتها


    موفق بالإختيار
    7 "
  3. باعطيك وجهة نظري وانت بكيفك
    انا موظف قطاع خاص والشركه عندنا يموتون في شئ اسمه واحد متخرج من امريكا والله
    انت رايح تدرس بكالوريوس برا اكيد هدفك قطاع خاص

    عندنا موظفين توهم متوظفين واحد من امريكا والثاني من بريطانيا كلهم ماجستير
    الامريكي راتبه اساسي 17000 ريال
    والبريطاني راتبه اساسي 12000ريال
    كلهم بدون خبره (-------- ركز على هذي
    البريطاني معدله افضل بكثير من معدل الامريكي
    All Saudis Love The American Educated
    وكل اخوياي في شركات خاصه وكبيره مثل لوبريف وسابك وموبايلي كلهم يقولون نفس الكلام

    انا عن نفسي افضل امريكا لانه عندك خيارات كثيره جدافي كل شئ تحتاجه في الحياه مو مثل بريطانيا (------- لندن غاليه ومانشستر غاليه وة ويلز ما تصلح وتصفا في الاخير على 3جامعات

    بعدين تاكد من الملحقيه في امريكا هل هي زي الملحقيه في بريطانيا (------ ترا ما اعرف عنهم شئ
    تقبل تحياتي
    7 "
  4. السلام عليكم

    انا كنت في نفس موقفك وكنت جدا محتار ولكن بعد بحث ومشاورات

    النتيجة كانت لصالح امريكا من جميع النواحي

    1.امريكا فيها مايقارب 4 الاف جامعة واكثر يعني خيارات كتير ..اما جامعات بريطانيا فهي معدودة
    2.امريكا فيها 50 ولاية وكل ولاية بلد بحالها..ولك حرية الاختيار يوجد الغالي والمتوسط والرخيص
    3.امريكا عندك خيارات في اختيار الجو المناسب في البرد القارس وفي الاعتدال وفي الحر
    4.شعب امريكا متعاونين وطيبين اكتر من البريطانين
    5.السكن والمعيشة في امريكا ارخص بكتير من بريطانيا
    6.بالنسبة للسيارة تقدر تشتري سيارة رخيصة وصغيرة يعني ماتاخذ بنزين كتير

    هذا اللي في بالي حاليا
    واتمنى اكون افدتك
    بالتوفيق
    7 "
  5. بما اني معيد في الجامعه .. انا اعطيك راي اعضاء هيئة التدريس

    فيه دكاتره عندنا ماشاء الله تخرجوا من امريكا .. والله كلمتهكم تمشي في القسم .. ولا اخفيك سراً ان خريج امريكا عندنا في الجامعه يجي وماله الا ثلاث سنوات وتجده ماشاء متعين على منصب قيادي

    بغض النظر عن الدكتور الخريج من بريطانيا .. والله يابعضهم له 15 سنه وما عمره مسك منصب قيادي

    خلينا واقعيين امريكا لاتقارن ببريطانيا .. وانت حر

    بالتوفيق,,,,,,,,,,,,,,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.