غيرت معهدي .الي مسجل بالفيزاا .. وش اسوي .. تكفون فزعتكم ..؟؟ريحوني

اول شي وبعد السلام ..... على ارواح تسكنها الطهر والع ـفه ...


الي يرد علي ويفك ضيقتي .. ياجع ـل ربي يوسع مدخله ورزقه ... ويوفقه في كل خطوه يخطيها اللهم امين .... فتكفون لاتخلوني


انا ... قبلوني في معهد جيوس بكوستاميسا .. والفيزا طلعت على نفس الاي توني حق هالمعهد جيوس ...


لكن قبل فتره اي بعد صدور الفيزا .... قررت اغير المعهد ... واخذت قبول معهد وجامعه ..في ولاية ميزوري ...سبرنق فيلد .. جامعة ميزوري ستيت ....



لذلك بالله وش اسوي هنااااك ؟؟؟؟ ووش الاشكاليات الي بتصير لي ..؟؟؟!!!



وثاني شي // اي احد يعرف عائله اسكن عندها في سبرنق فيلد يعطيني خبر !! مالقيت والله !!!




بالله يااخوان انا طالبكم ... انكم تفكون ازمتي .. قسم فيني ضيقه مايعلم فيها الا رب العبااد مع العلم اني دارس على حسابي ...

وقسم بديت اكره السفره لو مافكيتوا هالازمه لاتبخلون علي رجاااااء

السلام عليكم
انا صار لي نفس الطريقة طلعت الفيزا وبعدها غيرت المعهد وجاني رقم سيفيس مختلف عن اللي في التأشيرة
بعدها أتصلت على السفارة وكلمتهم وعلمتهم الوضع قالوا لي لازم تسوي تأشيرة جديدة على رقم السيفيس الجديد
وسويت تأشيرة جديدة ودفعت رسوم تأشيرة جديد لكن رسوم السيفيس سويت له تحويل من الرقم القديم إلى الرقم الجديد
وهنا طريقته http://www.mbt3th.us/vb/forum16/thread133543.html
إذا تغير رقم السيفيس عندك لازم تأشيرة جديدة
هذا اللي عندي وانشا الله اني أفدتك
ولا تنسى هذي أحد الحلول وزد أسأل يمكن فيه حلول ثانية غير أنك تسوي تأشيرة جديدة لا تتسرع لين تتأكد

دعواااااااااتك

ياسر سبقنا بالاجر يعطيه العافيه الله ويسهل اموره
بالتوفيق

اقتباس:

---

المشاركة الأصلية كتبت بواسطة الاكتفاء بالمزيد

ياسر سبقنا بالاجر يعطيه العافيه الله ويسهل اموره
بالتوفيق

---

الله يسهل أمورنا وأموركم
تسلم

وعليكم السلام

عزيزي انت قدامك خيارين تشوف المناسب لك منهم
الاول : تروح وتدرس في المعهد الاول لمدة الكورس او الترم الاول بحسب القبول ولاي توني و السيفيس اللي معاك وبعد كذا تعمل نقل على المعهد الثاني بهذه الطريقة ما تحتاج تقدم على تأشيرة جديدة و خصوصا اذا كان موعد الدراسة قريب

الثاني: تقدم على السفارة من جديد لاستبدال التأشيرة بمعلومات المعهد الجديد ولازم تاخذ موعد في السفارة وتسدد رسوم تأشيرة جديدة
بالنسبة للسيفس تعمل تحديث معلومات بمراسلتهم على الايميل الخاص بمركز السيفيس وطلب تعديل رقم الاي تونتي للجديد وما تحتاج تدفع رسوم سيفيس جديدة اذا ما عدا سنة من تاريخ تسديد رسومها

وبالنسبة للمعهد اذا كنت تقصد كوستا ميسا، كاليفورنيا فانا انصحك تكمل فيها
أنا ما اعرف المعهد لكن المدينة آمنة وحلوة وجميلة جداً وفيها كل وسائل الترفيه وقريبة من لوس انجلوس ولونق بيتش وسانتامونيكا
وفيها اكبر مول بلوس انجلوس وحتى اشهر المطاعم العربية
صحيح عيبها غلاء المعيشة وولاية ميزوري رخيصة ومنخفضة المعيشة لكن سبرنق فيلد تعتبر من اخطر مدن امريكا

بالتوفيق

يالبيييييييييييييييييييييه مااحلاكم ..... ربي يسع ـدكم على هالردود

رغم اني مستااااء جدأ من الطريقه الموضحه :(



للعلم دراستي تبدآ في 8 / 6 ...


يعني تتوقعون فيه وقت للتغير واصدار فيزا جديدهـ ؟؟؟!!!


ثانيآ // مكتب مستقبلي ... هو الي جاب لي القبولات .. وقتها قال رح لموعدك بالسفاره ثم اجيب لك قبول من ميزوري الي انا ابيها ..... وبعد ماطلعت فيزتي على الاي توني حق جيوس

قال عادي خذ الاي توني حق جامعه ميزوري ... واول ماتوصل للمطار ... بيقولون لك عطنا الاي توني ... انت عطهم الاي توني حق ميزوري .... واذا قال يخالف الفيزا قول هذا قبولي الجديد

وهو راح يسويه ويعدله ؟؟؟!!!!!!


عااد ماادري وش شايفين انت ........ من هالمسأله ..... وكذلك هل في وقت ؟؟؟؟؟ واذا مافيه وقت اقدر ااجل لمدة شهر ؟؟ ولا لأ :( << مستاااء جدآ جدآ

الله يوفقك ياااااااااااارب

اذا موعد دراستك قريب وماعندك وقت تغير الفيزا

فيه طريقة سهله بشرط موافقة معهدك اللي عليه الفيزا (لأن بعض المعاهد تشترط انك تدرس فترة معينة عندهم وبعضهم مايشترط)

ادخل امريكا باليتونتي حق معهدك اللي مفيز عليه واذا وصلت كلمهم او راسلهم انك ودك تحول ... اذا وافقوا خلاص امورك طيبة هم يضبطون اجراءات التحويل فيما بينهم ....
بعدها بكم يوم يصدر لك معهدك الجديد ايتونتي بنفس رقم السيفيس اللي دخلت فيه لامريكا

كل هذا يعتمد على موافقة معهدك الاول .... وأفضل انك ماتكلمهم لين توصل عشان مايلغون السيفيس حقك

توكل على الله .... والخيرة فيما اختاره الله ..... بالتوفيق لك وللجميع

اقتباس:

---

المشاركة الأصلية كتبت بواسطة الحر83

اذا موعد دراستك قريب وماعندك وقت تغير الفيزا

فيه طريقة سهله بشرط موافقة معهدك اللي عليه الفيزا (لأن بعض المعاهد تشترط انك تدرس فترة معينة عندهم وبعضهم مايشترط)

ادخل امريكا باليتونتي حق معهدك اللي مفيز عليه واذا وصلت كلمهم او راسلهم انك ودك تحول ... اذا وافقوا خلاص امورك طيبة هم يضبطون اجراءات التحويل فيما بينهم ....
بعدها بكم يوم يصدر لك معهدك الجديد ايتونتي بنفس رقم السيفيس اللي دخلت فيه لامريكا

كل هذا يعتمد على موافقة معهدك الاول .... وأفضل انك ماتكلمهم لين توصل عشان مايلغون السيفيس حقك

توكل على الله .... والخيرة فيما اختاره الله ..... بالتوفيق لك وللجميع

---

هذا الحل أحلى وأحلى
الله ييسر الأموووور

هلا و الله ابشر وش صار معك أنا محتار مثلك كان قبل فتره عندي قبول وفيزا وما طلعت عليها و الحين جبت قبول جديد وقدمت على فيزا واستنى الموعد بس هل في مشكله انهم يطلعون لي فيزا جديده او فيه مشكله طبعا الفيزا الاولى طلعتها اول ما تخرجت من الثانوي وما طلعت الحين ناوي اطلع اكمل على دراستي الدبلووم ....

اتمنى لك الخير وتفائلو في الخير تجدوه