ليس لدي إلا الله ثم أنتم .. فـ هل تساعدونني ؟

شدتني عبارة / ليس لدي إلا الله ثم أنتم ..


فخجلت أن أخرج دون أن أدون رد

(أسأل الله العلي القدير أن يُسخر لكم ماينفعكم ماينفعكم " معلومة كانت أم علماً " )

اخوي بالنسبة للمدة هذي تعتمد علي الشخص وبما انه بيبتدي من الصفر انشالله تكون كافية له بس اهم شي يدخل معهد محترم وطبعا المعاهد اللي تبع الجامعه غالبا تكون افضل.
بالنسبة للشروط بعد انهاء مرحلة اللغه هي قبول من جامعه وطبعا اذا كان يدرس بمعهد تابع للجامعه مجرد مايعدي المستوي المطلوب بيدخل او راح يطلبون منه التوفل او الايلتس. اذا حصل قبول جامعه يقدر يرسل جدول الدراسه للملحقية وانشالله راح تتسهل امورة (طبعا نظام وزارة التعليم انك لازم تنهي 30 ساعه بالجامعه اي مايقارب السنه) لكن انشالله سهالات...بالنسبة للولايه انا الان بتكساس بمدينه اوستن واشوفها افضل من غيرها من ناحية الاسعار وطبعا في معاهد عندنا قوية مثل ESL وهو تابع لجامعه University of Texas at Austin وفي معاهد كثيرة.
بالنسبة للفيزة تحتاج I 20 اللي راح يرسله لك المعهد اللي بتجيب منه قبول وصور شخصيه وتعبي نموذج بموقعهم وتحدد لك موعد والله يوفق صاحبك..

الله يوفقة و ييسر امرة :

1 - الـ 10 شهور بإذن الله انها ممتازة ، فأنا من واقع خبرتي و معاشرتي للاخوان المبتعثين او الدارسين ، فإلتحاق اهل الدراسات العليا سهل جدا ( ماستر و مابعد ) اما اهل البكلريوس يطولوا شوي لكن في النهاية يلتحقوا بإذن الله ، و المدة بسيطة .
2 - المعاهد كلها وحده ، لاحد يقروش راسك و يزعجك ، من تجربتي الشخصية عرفت ان المعاهد التجارية ممتازة و الجامعية ممتازة و ان الكلام الي بالمنتدى 50 % مايتعدى الا انه يكون " هذرة " ( و انا اعني ما اقول ) انا ادرس في ELS الي يذموة الاخوان و ما شاء الله مستفيد منه بشكل كبير ، فأنا بالنسبة لي اشوف ELS او غيره افضل من ناحية ان الترم عنده شهر واحد بمعني لو لا سمح الله رسبت هل ترم تقدر تعوضة الشهر الجاي ، بعكس بعض معاهد الجامعات الي الترم عندها 3 اشهر !! يعني لو رسبت تعيد 3 اشهر ، عني في معهدي 2 من الاخوان جايين من معهد جامعه لمعهدي بعد مافات الفوت و يضيع وقته في معهد جامعه الترم فيه من 3 شهور !!

3 - يا سيدي ما راح يطول لان الوضع و الواضح و الي انا شايفة بنفسي ، الالتحاق ياخذ من شهر الين 3 اشهر . و بعد الاحيان يطول . لكن الاكيد بإذن الله انه ما ياخذ وقت .
4 - الجامعات هذه بصراحة ما افيدك فيها .
5 - ياخي السعوديين و المسلمين كثير و الحمد لله ، فمافي احد يقدر يحدد لك ولاية معينة ، لكن انت بنفسك حدد و دور و شوف ، و نصيحة لا تسمع لاحد لانه في النهاية 100 % ماراح تعجبك .
6 - مادام هو متفق مع مكتب خلي المكتب يعطية الاوراق الازمة و يخلص له امور السفارة بعد

الله يوفقك اخوك
الاخوان ماقصروا ماشاء الله

الرد باللون الازرق