ينفع المرافق يكون إمرأه ؟ وكم اسعار البيوت في امريكا < تفضلوا

بسم الله الرحمن الرحيم

السلام عليكم ورحمة الله وبركاتة


اخواني واخواتي حابة اسألكم كم سؤال واتمنى تجاوبوني وما راح انساكم من دعواتي ..

واللي يعرف اجابة ولو سؤال واحد يرد والله يجعل كل حرف له تفريج لكرباتة وهمومة يارب ويوفقة ويرزقة من حيث لا يحتسب


اول سؤال انا ان شاءالله بخلص ثانوي هذي السنة وافكر ابتعث


وطبعا ابوي معي

فحبيت اسألكم

ينفع اخلي المرافق امي بدل ابوي يعني إمرأه

وفي حالة سفري انا واختي ( انا بعثة وهي بعثه ) ينفع يكون مرافقي ابوي واختي مراففتها امي ؟

واذا ما ينفع , احنا نبي نروح كل العائلة امي وابوي واختي واخوي الصغير

انا واختي بعثات وابوي مرافق , لكن امي اذا ما تنفع مرافق وش موقعها من الأعراب يعني بسمحون تجي أو لا واخوي نفس الشي يعني بنجيبة وبندرسة بالسفارة لكن ينفع يجي او لا ؟

وكم متوسط اسعار البيوت في امريكا اقصد بيوت ملك لأن احنا راح نطول هناك لو رحنا ان شاءالله , وانا ما اقصد البيوت الفخمة جدا والكبيرة لا اقصد بيوتهم العادية الصغيره ..

وسؤال قبل الأخير لما اروح بعثة على حساب الحكومة صح لكن اول سنة معهد انجلش على حسابي ولا حساب الحكومة بعد ؟

والسؤال الأخير وش افضل جامعة لدراسة الصيدلة ووبأي مدينة ؟

جزاكم الله الف خير وصدقوني اللي بيرد علي ما راح انساه من دعواتي ومثل ما قلت لكم ردوا ولو على سؤال واحد


تحياتي

الله يوفقك وييسر امورك ..

اعتقد بتلقين الاجابه من احد المسؤولين بالوزاره

ومن وجهة نظري وعلى ما اعتقد.. ابوك يكفي ويوفي الله يحفظه لكم .. اعتقد ما رح تكون في مشكله ^_^

حبيت ادعي لك .. واحرك الموضوع .. وبالنسسبه للصيدله ما ادري والله

بالتوفيق .. وربي ييسر اموركم

جزاك الله خير خيووووو ما تقصر

والله يسهل عليك ويوفقك ويحقق امانيك يارب

بالنسبة لاسعار البيوت في امريكا
هذا السؤال زي سؤال كم متوسط اسعار البيوت في السعودية

لازم تحددي الولاية والمدينة ومنها ممكن تعرفي الاسعار التقريبية من خلال مواقع الانترنت لتملك واستئجار البيوت الامريكية

اذا بتروحي بعثة فترة اللغة والدراسية الجامعية على حساب البعثات ولك مكافئة 1848 دولار

هذا اللي اعرفه وبالتوفيق

كادي امك واخوك يروحون معكم عادي ابد مافي مشاكل بس على حسابهم الخاص لانهم متكفلين فقط بالمبتعثه ومرافقها فقط
بالنسبه للغه والجامعه كلها على حساب البعثه يعني من ركوبك الطائره الين ماتنزلين وبيدك الشهاده كل شي عليهم
اما بالنسبه للبيوت هذس عاد يبغالنا نسوي مسح على امريكا ههههههه صعبه من جد بس اذا انتو بتاخذون بيت معناها لازم تلقون ولايات رخيصه مثل اوهايو او اوريغون عشان ارخص لكم اذا تبين نصيحتي خلصي امورك من الحين وراسلي الجامعات شوي وتطلع شهادتك
انا من المرحله السادسه وباقي مارحت بين انتظار الاسماء وناتظار القبولات من المكاتب وانتظار الفيز مشواااااار ضاعت سنه من عمري هباء منثورا
الله يسهل اموركم

اقتباس:

---

المشاركة الأصلية كتبت بواسطة oska88

بالنسبة لاسعار البيوت في امريكا
هذا السؤال زي سؤال كم متوسط اسعار البيوت في السعودية

لازم تحددي الولاية والمدينة ومنها ممكن تعرفي الاسعار التقريبية من خلال مواقع الانترنت لتملك واستئجار البيوت الامريكية

اذا بتروحي بعثة فترة اللغة والدراسية الجامعية على حساب البعثات ولك مكافئة 1848 دولار

هذا اللي اعرفه وبالتوفيق

---

جزاك الله خير خيو ما تقصر والله يوفقك يارب ويفرج عليك ويسهل امورك

اقتباس:

---

المشاركة الأصلية كتبت بواسطة الاكتفاء بالمزيد

كادي امك واخوك يروحون معكم عادي ابد مافي مشاكل بس على حسابهم الخاص لانهم متكفلين فقط بالمبتعثه ومرافقها فقط
بالنسبه للغه والجامعه كلها على حساب البعثه يعني من ركوبك الطائره الين ماتنزلين وبيدك الشهاده كل شي عليهم
اما بالنسبه للبيوت هذس عاد يبغالنا نسوي مسح على امريكا ههههههه صعبه من جد بس اذا انتو بتاخذون بيت معناها لازم تلقون ولايات رخيصه مثل اوهايو او اوريغون عشان ارخص لكم اذا تبين نصيحتي خلصي امورك من الحين وراسلي الجامعات شوي وتطلع شهادتك
انا من المرحله السادسه وباقي مارحت بين انتظار الاسماء وناتظار القبولات من المكاتب وانتظار الفيز مشواااااار ضاعت سنه من عمري هباء منثورا
الله يسهل اموركم

---

مشكورة حبيبتي ما تقصرين

بس كيف اراسل الجامعات وانا نتائجي ما طلعت

وكم كانت نسبتك ؟ يعني اللي نسبتها عاليه تفرق عن اللي نسبتها نص ونص من ناحية القبول يعني مو بقائمة الأنتظار ؟