من حفرة لدحديرة ( الله يكون بالعون ) ا

السلام عليكم ورحمة الله وبركاتة


عذرا على الموضوع ولكن هذا ماحصل لي يوم قلت ابدرس بالخارج

انا شاب راسي وانا ماخرجت وشلون لو اخرج .

مشكلتي انا بدرس بالخارج و على حسابي الخاص ولا تخصصي قانون

واحد من اصحاب عمي بأمركيا ارسلنالة الاوراق قال اجيب لكم قبول جامعة وسحب على جدنا ( اهب مكسيكي مافيه خير )

والثاني جاني على الخاص تبغى قبول قانون قلت نعم قال ابشر 1100 قلت كم يستغرق القبول

قال 3 _ 4 اسابيع بالكثير قلت بيض الله وجهك دوووووووس واكثر من 4 شهور المصيبة انه مايرد
على جوالة ( بالاسابيع ) ويوم اقله ليه ماترد يقول مشغول <<< الظاهر انه يشتغل بالخطوط السعودية
طبعا خوينا اخذ 200 دولا الله يسهلة امره ياليتكم تسمعون كلامة يوم يكلمني بالبالبداية عسل وربي

ثم الرجال قام يدف من حاله

وجاني واحد مدرعم انا اجيبة قلت يالله على يدك قال 1300 قلت روح قال حول نصها << لا مكتب لا ابو كلب ويبغاني احولة 650 ريال


المشكلة حتى موقع مبتعث ساحبن على اكتب مواضيع و ( اشكل ) وتطنيش

لو معدلي مقبول اقول معليش لكن معدلي جيد والحمد لله + خبر ة محاماة اربع شهور

ولاني لاقي قبول مشروط .



المشكلة اننا بالمدينة ماعندنا مكاتب تجيب قبولات يعنى مجبور .

شكلي بغير التخصص دلوني على تخصص ثاني انا بكالريوس شريعة من الجامعة الاسلامية

مايستفاد من الموضوع

1/ اذا كنت ناوي تطلع تدرس بالخارج روح لمكتب وريح راسك وخصوصا اذا كان تخصصك منحوس مثلي
2/ لاتصدق كل ماتقرئة في مبتعث يمين يافي ناس داجة الله يصلحها مع احترامي الشديد للبقية
3/ اذا كانت رحلتك بعد 8 ايام وانت ماسويت شي مثلي يمين راسك ينفقع من كثر ماتفكر فخلص امورك بدري ابرك

ودي اعرف هل انا لحالي صار عليه كذا ولا فيه ناس مثلي

جامعة pace في نيويورك ستي تعطي قبول مشروط في القانون والقبول فيها سهل بس استفسرت من الملحقيه عن معهدها رد الدكتور فالح الحقباني انه المعهد ليس للمبتدئين مستواه متوسط وفوق المتوسط شوف لك مكتب يجيب لك قبول من هاذي الجامعه حددها له انا رحت لكذا مكتب هم يبغون يفرضون علي جامعات معينة واخر مكتب وافق بس طلب الفين عشان حددت الجامعه مع اني دبلوم وابغى اكمل بكالريوس مالية

والله الجامعة سمعت عنها كثير حتى سمعت انها تعطي قبول للي معدلة مقبول

انا قدمت عليها عن طريق الشخص المذكور في الموضوع ويقول انرفض قبولي

وبالنسبة للمكاتب ماعندنا بالمدينة المنورة مكاتب لو عندنا كان رحتلها وبعدين باقي رحاتي 8 ايام يعنى

ماراح اقد اتابعهم .

قلم طموح

الف شكر على مرورك

الله يسهلك امرك وتروح تدرس الي تبيه
ماانصحك تغير التخصص لو ضبط معك القانون ادرسه لانه حلو ومطلوب
وبـ النسبه للمكاتب مو لازم يكون عندك مكتب بمدينتك شوف اي مكتب ثقه و كلمهم وكل شي يبونه من اوراق وفلوس ارسله لهم لو انك بعيد
انا عندي مكاتب بنفس مدينتي ولاكن ماحب التعامل معهم اثق بمكاتب الي برا اكثر وماشيه اموري معهم عادي كنهم عندي
الله يسهلك ويسهلي يارب ولكل مجتهد يبحث عن فرصه لأكمال دراسته

مجبور اني اغير التخصص اذا ماحصلت قبول

لو تحطين عناوين المكاتب اكون شاكر لك

كلي وفاء

الف شكر على مرورك

وين القانويون يفدونا بخبراتهم

الله يوفقك ياخي هذا المكتب يجيب قبول مشروط - المكتب بامريكا

راسلهم على الايميل iadmission@hotmail.com

اخوي الكريم نصيحه انا طالب في امريكا حاليا
خش موقع الوزاره وخش الجامعات الموصى بها وبعدها حط تخصصك وتطلعلك قائمه بالجامعات عاد انت لك الطريقه الخاصه الي تحدد فيها اي جامعه
بعد كذا خش موقع الجامعه الي تبغى تقدم عليها
وبعدين يا انك تروح لقسم ادمشن (القبول) وتعبي الابلكيشن وتدفع رسومه التي لا تزيد عن 100 دولار
او انك تراسلهم على ايميل الجامعه الايميل العام وهم بعدها بيحولو ايميلك لقسم القبول
طبعا محتوى الرساله عادي جدا قلهم انك طالب انترناشونال وتخصصك كذا وتبغى قبول كذا تاريخ كذا طبعا اي معلومات ناقصه هم بيعلموك في فتره 24 ساعه غالبا
غالبا القبول ياخذ من 4 الى 6 اسابيع الكامل او المشروط

ملاحظه المستفاد من الموضوع
المكاتب الموجوده داخل السعوديه دائما ورها نكبات وتاخ مبلغ جامد على شغله ايمل وسكنر
فيه شباب كثير تورطو من المكاتب بانهم بعد ما وصلو امريكا وجدو انه المعهد مجبرهم على كونتراكت ما يدري عنه مثلا سكن لمده 3 او 6 شهور وغابا السكن غالي وسيء (الدورم) او كونتراكت في المعهد نفسه قد لا يعجبك المعهد وتبغى تغيره ما تقدر
طبعا فب حاجه ابغى اقولك عليها انه هنا في امريكا اذا تبغى تكسر الكونتراكت (العقد) يعني تبغى مثلا تنقل من السكن وانت موقع عليه(او المكتب باسمك) يجب عليك دفع غرامه لكسر العقد وغالبا الغرامه غاليه جدا قد تصل الى 2000دولار كمثال السكن في جامعتنا

بالنسبه للطريقه الي قلتلك عليها انه تجيب القبول بنفسك فهذي عن تجربتي الخاصه في جامعتي ومعهدي واشوف انها طريقه ناجحه
اي سؤال انا في الخدمه

الحزبي
راسلتهم وماردو علي

اذا تعاملت معاهم ممكن تقولي كم اسعارهم

والله كلامك صحيح لكن ماينفع معاي لسببين

1/ انا ماعندي بطاقة فيزا عشان اسدد الرسوم
2/ رحلتي قريبة ودي يكون القبول اسرع وعن طريق الايميل بيطول والشي الثاني انى ماعرف الجامعات اللي تعطي قبول للي معدلة جيد