اشتريت سيارة و مو راضين يسجلوها باسمي
السلام عليكم
أنا موجود باتلانتا
امتحنت النظري و نجحت فيه بموضوع رخصة السياقة
و اشتريت سيارة
مو راضي يسون تأمين و لا يسجلوها باسمي بدون رخصة كاملة
مو عارف أمتحن لأن ما عندي سيارة أمتحن فيها
و صار لي اسبوعين و مو عارف اتحرك بالسيارة
المشكلة بالتأمين ما يرضون يسونه بدون رخصة سياقة كاملة
ويش الحل شباب بالله عليكم
رد: اشتريت سيارة و مو راضين يسجلوها باسمي
أنت اختبر قيادة بسيارتك و خذ الرخصة و قدم على التأمين
انتبه تجلس من دون تأمين لأن كل يوم بيغرمونك 5 دولار
اي سؤال انا جاهز
رد: اشتريت سيارة و مو راضين يسجلوها باسمي
رد: اشتريت سيارة و مو راضين يسجلوها باسمي
حبيبي اختبر بسيارتك .. صدقني الاختبار ماياخذ منك أكثر من 15 دقيقة طبعا اذا انت تعرف تسوق السيارة بيكون سهل جدا مقارنة بالاختبار البغيض اللي بالكمبيوتر .
وإذا ماخانتني الذاكرة .. يطلبون منك لون السيارة ورقم لوحتها ومعلومات بسيطة عنها ثم يخلون واحد يركب معك وتاخذ لفه كذا على الحي المجاور وبعدها يقولك انت ناجح او راسب .. اذا ناجح مبروك عليك الرخصة الكاملة
تطلعها بنفس الوقت .
دعواتك يالغالي
رد: اشتريت سيارة و مو راضين يسجلوها باسمي
ما يختبرونه بسيارته، لانه غير مسجلة و ليس عليها تأمين، و التأمين شرط من شروط الموافقة في إستخدام السيارة في الإختبار
الحل ياصاحب الموضوع هو أن تحدد موعد للإمتحان و تطلب أحد من الشباب ان يذهب معك بسيارته إلى مكان الإمتحان
و الشباب كثير عندك بإتلانتا، تواصل معهم
رد: اشتريت سيارة و مو راضين يسجلوها باسمي
مدري اذا معك الرخصه السعوديه او الدوليه فهي تكفي لهذا الموضوع ما يحتاج رخصه امريكيه عشان تسجل السياره بسمك
واذا ما عندك مثل ما قال ابو قصي
رد: اشتريت سيارة و مو راضين يسجلوها باسمي
يا خااالي .. خذ تأمين بالرخصه السعوديه << ولاتقولن مايصير
..
شوف اذا عندك State ID ومعك رخصه دوليه او السعوديه حتى تقدر..
وغير هذا فيه حل ثاني
بعد ماتجتاز اختبار الكمبيوتر .. راح يعطونك ورقه روح على مكتب State ID وخلهم يطلعون لك رخصه مؤقته . راح تجيك خلال اسبوعين تقريبا وعن طريقها امن (هذا خيار لو حتى ما اعجبك)
لاكن جاااري الباب في الباب مسوي تأمين بالرخصه السعوديه
رد: اشتريت سيارة و مو راضين يسجلوها باسمي
اخوي مالها علاقه هذي بهذي
تقدر تسجل السياره بإسمك وبعدين تأمن عليها
وتقدر تأمن بالرخصه السعوديه اذا هي سارية المفعول وإذا اختبرت نظري ونجحت فيه بيعطونك رخصه مؤقته عباره عن ورقه تمشي فيها لحد موعد اختبار القياده
بالتوفيق ان شاء الله