رد: تـعرف حقـوقك فـــي امـريكا والا ماتعــرفها ؟
صدقيني ضروفي كانت جدا صعبة بس لازم اتكيف معاها
يعني لو بس ابغي اتشكى ماراح اغير شي
وللمعلومية انا وزوجي كلنا دوام كامل ومافي وقت في اليوم بس لازم التكيف والتضحية
وانا ماقلت للاخت الى كاتبة الموضوع شحذة بلعكس مشكورة على المعلومات للي مايعرفها
بس انا اقول هذي الخدمة تقدم للمتدنية اجورهم او رواتبهم واحس انه مو لايق ان الوحدة تجي هنا وتروح وتاخذ كوبونات شرى وتروح لمحلات التسوق وتشتري منها والكل يعرف انها فقيره وهي من السعودية وبصراحة فية بنات كثير يسوو كذا ولما يروحوا المحل يغطوا وجيههم وهم في الازل مايغطوا هنا تخيلي وش الله حادني على هذا الوضع وفية بنات ماهم محتاجيين اصلا بس يبغو يوفروا على حساب كرامتهم
وعلى فكرا اختي الكريمة انا مو زي ماقلتي كان كل شي متوفر لي هنا اول ماجيت قبل سنتين كان وضعي المادي يادوب الراتب يكفي بس بشوية تقنين للمصاريف والخرجات والتمشيات قدرت الكيف بدون هطفسة
وهدي اعصابك شوي ترى نقاش عادي فقط لايفسد للحب قضية
وبلاخير لو تلاحضي الامريكيين الى هنا ماياخذو منها الى طبقة وحدة فقط معروفة لدي جميع الامريكيين ماحب ان اسعوديين يكونوا منها
رد: تـعرف حقـوقك فـــي امـريكا والا ماتعــرفها ؟
كان من المفترض إني أنزل الموضوع بقسم الدارسين على حسابهم هم بحاجه للموضوع أكثر لكن أمر الله شق القربه أتمنى المشرفين ينقلونه هناك
اقتباس:
المشاركة الأصلية كتبت بواسطة eng-adel
بسرااااااااحه مجهود رائع وذكاء انه الواحد يعرف الي له عشان يحترم الي عليه !! كل ماعرفت ايش متاح لك من حقوق كلما تحرم حقوق غيرك لانهم يحترمونك حقيقه شئ جميل
نورتي الموضوع
اقتباس:
المشاركة الأصلية كتبت بواسطة فتون الليل
بصراحة وبدون زعل هذي شحذة
ولو بتشبهها زي جمعية البر عندنا ياخي مستحيل الراتب مايكفي على الاقل لاخر الشهر
ونت جاي هنا تدرس مو تتسوق وتتمشى كل يوم يعني لازم شوي تقنين مصاريف
وخلوا هذي للمحتاجين الامريكيين وترفعوا عن اهانت النفس
وهذا رائيي بدون زعل
ههههههههههههههههه وشو له أزعل يابعد عيني قولي اللي تقولينه وإدلي بدلوك يابعدي لأنك اولا وأخيرا مو قاعده تعنيني بشخصي ولأني انا خيرا شر مو مبتعثه وخير شر ماعندي أطفال
وزي ماذكرت بالموضوع مجرد كنت افيد الناس المحتاجه واللي فعلا فعلا اشوف صحباتي يتشكون من هالناحيه وحده من البنات ولدت ولما راحت للملحقيه تطالب بإضافه راتب للرضيع أعطوها 35 دولار (ماعرف هل هي حقت نص الشهر او نهايه او راتب كامل) .. الزبده إن هذا مايجي فيه علبة حليب ويالله بعد واصلا علبة الحليب كل 3 ايام يبيلك علبه
من عدا الحضانه من عدا الملابس بشكل مستمر كون ان الطفل يكبر بسرعه وأشياء كثيره .
ممكن طريقتك إنو أضغط نفسي وامنع نفسي على الترفيه لو اخذها بشكل أيجابي يعودك كيف تتصرفين بالمستقبل وكيف تضبطين إحتياجاتك وتحطين لها سقف كفايه لإحتياجاتكم
لكن
ما جا ببالي انها زي الشحاذه على قولتك او كأنها جمعيه خيريه يمكن لأني أجهل نظام الجمعيات اللي ممكن يطلق عليه جمعيه خيريه ؟ ولا اعرف وش دخل اهانه النفس بالموضوع ؟
هل المشكله انك ماتوفقتي بوصفك وإختيار الكلمات ؟ او البلا فيني إني مافهمت عليك ؟
والبنت اللي ذكرتي مثال عنها فعلا حسيت بتخلف فيها مو لانها متفشله من الكوبون الا لأنها مصدقه نفسها كأنها بالسعوديه ان الناس الحين كلهاعرفتها وان هي البنت اللي جنب بيتها بير بترول ومتفشله واقفه على سرى كوبون وأنها للحين تحمل عقليه الهياط السعودي خخخخ اذا إنها مهايطيه وتتفشل وتغطي وجهها وش الله حادها على الكوبون وهي لو احلف ان محد جاب خبرها خخخخخ<= هالكلام مااقصدك فيه ولا اشكك فيه س مجرد نقاش طلعنا خارج الموضوع عزيزتي
عموما إنتوا أدرى مني كـ مبتعثين بهالامور ومين اللي يتقبلها ومين اللي ممكن يخلي له دخل اضافي عن طريق التجاره الالكترونيه
لكن ياعزيزتي الكريمه مااقول الا الله يبارك لك بقرشك ويزيده ,, وشكرا إنك شاركتينا تجربتك يالغاليه :)
رد: تـعرف حقـوقك فـــي امـريكا والا ماتعــرفها ؟
الصراحه ردود كثير في هذا الموضوع محتاجه للحذف
كاتب الموضوع يعطيك العافيه وجعله الله في موازين حسناتك
فعلا موضوع قيم وانا من يوم ماشفته حطيته في المفضله علشان ارجع له
اكرر شكري وجزاك الله خير على الجهد المبذول
ودي~
رد: تـعرف حقـوقك فـــي امـريكا والا ماتعــرفها ؟
اقتباس:
المشاركة الأصلية كتبت بواسطة خلود 2010
جزاكم الله خيرا
ولك بالمثل حبيبتي
اقتباس:
المشاركة الأصلية كتبت بواسطة ياراا
انتي اللي فوق بلا فلسفه وانتي منت داري عن الوضع
باقي فالسعوديه وجايه تهايط
لو عندك رضيع بتفكرين الف مره باليوم .....ترجع وتسحب على الدراسه كلهاااا
كل ماصغر الطفل كل ماصار مصروفه اكثر
والقهر لاصار اللي معك مرفق من جد والله يجي اخر اسبوع بالشهر ماتلاقي حتى قيمه حليب للبيبي
ياشين الفلسفه هذا بدال ماتقولون مشكوره وماقصرتي جايين تهايطون
ادري الحكومه ماقصرت بس مااخذت بالاعتبار ان اذا كانت الام مبتعثه وتدرس بدوام كامل
ومعها بزر كم التكاليف اللي تتحملهااااااااا
ولاحظو اني قلت كل ماكان الطفل تحت 4 سنين يعني صغير اعرفو ان الراتب طااااار بح تبخر ......
اجل 400$ هذي ادخل فيها البيبي حظانه ولا اشتري حليبه ولا وش اسوي فيهاااا
اقل حظانه تاخذ طفل تحت عمر سنتين تكلف اكثر من 1700$ دوام كامل
وانا اتكلم عن شيكاقو
وكل اللي حولي يشتكون من هالشي
وهذي يالحلوه اللي فوق ميب شحده
هنا هم عارفين الدخل المعقول للفرد
وانا معك ان المكافئه تكفي شخص فقط
بس لاصار فالنص طفل له احتياجات
حرااااااااااااام من جد قههههههههههههههههههههر
وش احسن ياحلو تشحدين اهلك كل شهر ولا تستفيدين من هالمزايااااا
قولي الله لايبتليك بس
عزيزتي كاتبه الموضوع اهنيكككككك على سعه صدرك
واشكرك
واقدر كل معلومه كتببتيها
انتي سهلتي طريق طويل للي حبين يدرسون على حسابهم وضايعين بمساله التامين
وسهلتي كثير للعوائل اللي عندها اكثر من طفل
وللامهات اللي وسوسو من هم المصروف
تقبلي كل تحياتي وربي يوفقك ويوفق زوجك ويحقق امالكم ويسهلكم كل صعب
واللي عنده شي يسوى يقوله واللي ماعند ياليت يبتعد قليلا عن الهياط
و يصك فمه و لاتنسون(فليقل خيرا او ليصمت) يامعشر الفلاسفه
كفيتي ووفيتي ردك تقريبا كان الاقرب شكوى لأكثر المبتعثين العوائل بخصوص الميزانيه وكيف تقسيمها وانها ماتكفي
والبعض تتفاوت درجات مصاريفه على حسب مدينته مثلا مانقارن مصاريف نيويورك بمصاريف ولايه إنديانا
فيه فرق شاسع بينهم وكله كوم والضرائب كوم ثاني أخوي مبتعث لكندا ولا عائله معاه ولا هم يحزنون مع ذاك يتشكى من الضرائب
الله يسهل عليكم غربتكم يارب
رد: تـعرف حقـوقك فـــي امـريكا والا ماتعــرفها ؟
انتي على سالفتك هذي يا فتون الليل مثل المثل الي يقول خذ خير قال مامعي ماعون
دام فيه مجال توسع على نفسك من ضغط المصاريف وش يردك لا تسويها ..؟
يعني انتي صافطه الخير للأمريكيين واهل ديرتك لازم يضغطون على انفسهم بالمصاريف ولا بحريقه ..!!
انا من المؤيدين لأستغلال هالفرصه ,, ومشكوووره ياوش عقبه على ماقدمتيه من مساعده
والله يجزاك خير ويجعلها في موازين حسناتك ,, ويتحقق لك الي تطمحين له ^_*
رد: تـعرف حقـوقك فـــي امـريكا والا ماتعــرفها ؟
اسأل الله سبحانه وتعالى ان يحشرك مع زمرة النبيين والصديقين والشهداء...
وضعته في المفضله !!
بارك الله فيك****
رد: تـعرف حقـوقك فـــي امـريكا والا ماتعــرفها ؟
ياخوان هذي وجهة نضري مو لازم تكونو معاها بس نحترم الرى
انا اشوفها شحذة ونت ارقى من كذا وكل واحد يشوف الى يبي بدون تجريح
وبعدين تقول فرصة لازم نستغلها يعني لو لقيت محفضة طايحة وفيهل فلوس تاخذها وتقول فرصة مو معقول
وعلى فكرة ترى مافي امريكي ياخذها كلهم الهومس والمكسيك وبعض السعوديين الاسف
رد: تـعرف حقـوقك فـــي امـريكا والا ماتعــرفها ؟
جزاك الله خير وان شاء الله يستفيد منها من يحتاجها سواء انا او غيري والي مو محتاج لايتفلسف ويتريق على الناس عشان مايعافيهم ربي ويبتليه
شكرا لصاحبته الموضوع
سلام
رد: تـعرف حقـوقك فـــي امـريكا والا ماتعــرفها ؟
الله ييسر لكم اموركم ويفرج ضيقتكم ويحقق لكم اللي ببالكم ,, امين
رد: تـعرف حقـوقك فـــي امـريكا والا ماتعــرفها ؟
فتون انا على حسب ماسمعت ان الأمريكيين نازلين من الله بسلسله
مطهرين عن كل السلبيات الي تلقينها بغيرهم هل هو صحيح ..؟ احس اني تأكدت من هالمعلومه بعد كلامك
استحي على وجهك وان بغيتي تتكلمين عن السعوديين او السعوديات تكلمي بـ خير ولا اسكتي ولايكثر
وعلى فكره فرصه عن فرصه تفرق ,, المميزات هذي بالحلال ومافيها ذنب او عيب لو اخذتها
عكس المحفظه ياصاحبة الفكر الراقي والأفق العالي ,, ركزي شوي قبل لا تقولين كلامك ,, وبالأخير هذا رأي لايمثل ألا صاحبه .