تحذير لأصحاب ( دقه وقفل ) عملاء STC

امممم
يعني وش استقريتوا عليه؟
انا لسى ماشريت اي فون ومخططه اي فون موبايلي وانزل برنامج سكايب او فايبر
واهلي عندهم نفس البرامج وخلاص

بس انتوا خربطتوني

والبلاك بيري كيف وضعه ؟؟يغني عن الاي فون؟؟


ابي ارخص وسلة اتصال او بالاصح ابي اتصال مجاني
عطوني ارائكم قبل مااشتري الاي فون


وشريحتي السعوديه اجيبها ولالا؟ انا عميل مميز يعني الاستقبال مجاني واهلي عندهم جود بلاس


ترى مو شاطره بامور الاتصال
ابي ارائكم بلييييز

أشكر الجميع

جهاز البلاك بيري ممتاز والآيفون أفضل بكثير إذا دخلتي فيه برامج الإتصال المجانية مثل فايبر وتانقو وغيرها

أنا معاي الآي فون وشريحة تي موبيل من أمريكا ومشترك مع بطائق الإتصال المخفض سمارت فون كارد على الشريحة الأمريكية تي موبيل وأتصل على أهلي وأصحابي في السعوديه بسعر 14 سنت للدقيقه ..

أما شريحتي السعوديه جبتها معاي ومشغلها في جوال ثاني عادي على شبكة AT&T وإستقبال فقط وإذا إحتجت شي ضروري من أحد في السعودية إما إني أكلمه من البطاقة المخفظة الأمريكية .. أو أرسله رساله كول مي من الشريحة السعوديه وهو يتصل بي ..

أما مسألة عميل تميز فما تفرق .. أنا عميل تميز أيضا والإستقبال المجاني لجميع العملاء ..

مافيه احلى من موبايلي
انا اذا ابي اكلم اهلي اسوي لهم كول مي ويدقون علي
والفاتورة ماتجي شي
بس قيمة الاشتراك

اخوي ماجد س ح بعد احترامي لك هالكلام موصحيح واتمنى قبل ماتقول كلام مثل هذا تتأكد من فاتورتك التفصيلية لأن الكلام اللي تقوله فيه تضليل على الناس ودخول في الذمم
التجوال الدولي يعني استقبال المكالمات خارج المملكة واستقبال المكالمات في STC في الدول التي اتفقت معها الشركة مجانا سوا دقيت وقفلت او استقبلت بدون ماتدق وتقفل طالما ان اللي دقيت عليه مارد ماراح تتحمل اي مبالغ
واتمنى الواحد مايعطي عقله غيره وهالسالفة ذكرتني بالإشاعة اللي نشروها الناس انا موظفي شركة الاتصالات يقدرون يشوفون الصور اللي في رسائل الوسائط اللي يرسلونها العملاء
بصراحة لما قرأت هالكلام مدري اضحك والا ابكي على دلاخة اللي كتبها واللي صدقها

الأخ / كلام كليم .. أنا ماكتبت هذا التحذير إلا وأنا متأكد من كلامي 100% .. وبعد ما تأكدت بنفسي أكثر من مره بلإتصال على 902 وسألت موظفين خدمة العملاء وأكدوا لي ذلك .. بعدين أنا أقول الإستقبال فعلا مجانا في أمريكا على شبكة AT&T .. لكن إذا دقيت دقه وقفلت على أحد في السعودية حتى لو مارد تحسب عليك هذي الدقه بـ 6 ريال .. أنا متأكد من هذا الشي .. وكثير من الزملاء إلي أعرفهم في أمريكا إتصلوا بـ 902 وتأكدوا بنفسهم من هذا الكلام .. وبالنسبة لك أتمنى تتأكد إنت بنفسك قبل ماترد على الموضوع والطريقة سهله إتصل على 902 وإطلب موظف خدمة العملاء وإسأله وتأكد بنفسك بدل ماتجلس تقول لي دخول في الذمم وتضليل ومدري وشو ...

والله شغل نصب ... انا عندي شريحة STC ... قالو الاستقبال مجاني .. وفرحان واهلي يكلموني ... بعد فترة انقطع الجوال عشان وصل الحد الإتماني ... لمن سالهم اخوي ... قال التجوال الدولي لعملاء التميز فقط ... الله يخرب بيتهم ... بالنسبة جـوان الـ iPhone مرررره كويس بس لازم اللي تتصلي عليه عنده نفس البرامج اللي عندك بالجهاز .. يعني مثلا انا عندي iPhone وعندي برنامج اتصال مشهور اسمه Tango و Viber و Scydo اذا كان اللي تتصلي عليه عنده نفس البرنامج تقدري تكلميه ببلاش بشرط وجود WiFi عندك ولو كان النت قوي يطلع ممممره صافي وممكن بعد تشغلي الكام ... وبرضو Skype

مشكورين على ردكم لاستفساري

انا كلمت اليوم 902
وقلت لهم ان شريحتي عميل التميز وراح اسافر امريكا هل الاستقبال مجانا ؟؟
قال ايه مجانا اذا استخدمتي شبكة at&t
وقلت له اهلي عندهم جود بلاس يدقوا علي مجانا ولالا
قال 907 راح يفيدك اكثر بخاصية جود حنا بس الجوال ومثل ماقلت لك الاستقبال مجانا


وكلمت 907 وقال عادي اذا معهم جود بلاس يدقوا على امريكا مجانااا


فانا راح اخذ معي شريحتي stc واحطها في i phone
واركب برامج الفايبر والسكايب وجميع برامج الاتصال المجاني
واخليها بس للاستقبال


واخذ شريحه من امريكا واحطها في bb

وش رايكم كويس كذا ولالا؟؟

>>مافيه ثقه في نفسها كل شي تستشير فيه

تمام جوان ولو تسوين العكس أفضل ...

بالنسبة لأوسكا 88 تأك أكثر إتصلي أكثر من مره ... أنا إلي أعرفه إن الإستقبال مجاني لكل العملاء التميز وغيرهم .. أحيانا بعض موظفين خدمات العملاء ماعنده المعلومه الدقيقه ...

يا اخوي لو اني اذا دقيت وقفلت حسبوا علي كان وصلت فاتورتي مليون ريال
موظفين 902 للإسف ثلاث ارباعهم مايعرفون عن خدماتهم واللي يجب تتاكد منه هي فاتورتك التفصيلية تراها موجودة في موقع خدماتي
بالنسبة للتجوال الدولي او اغلب الخصومات اللي تقدمها شركة الاتصالات بالذات فهي احيانا تحسب الى ان تصدر الفاتورة لكن بعد صدور الفاتورة تخصم
عموما ما ابي نتجادل انا واياك وانا اخوك لكن اصبر الى تصدر فاتورتك وتأكد بنفسك

معقوووله !!!!!!!!!!!!!!!