عرض للطباعة
بسم الله الرحمن الرحيم
الموضوع بسيط وسهل وهو ان صديقي يبي يسافر يدرس في امريكيا وابوه اشترط عليه ان يتزوج قبل يسافر
والرجال توهق توه 22 سنه ويبي يكمل دراسته وما يبي يعصي ابوه وشكالي وقلت اسال مجرب مثلكم يا اخوان
1هل تشوفون ان الفتنه عندكم كبيره لازم يكون الرجال متزوج عشان يقدر يعيش؟
2هل الوقوع في الحرام هناك شي سهل؟
3وش تنصحون صدقي؟
اتحراكم بفارغ الصبر
الله يوفقنا وانتم لما يحبه ويرضاه
شوف حبيبي بالنسبه للفتنه اكييد الفتنه كبيره هناك
والوقوع بالحرام سهل ف هو سهل لان مافي شي يمنعك لا قانون ولا سلم ولا مذهب الا اذا كان رجال عاقل ويعرف يتحكم ب تصرفاته
والي يبي الخراب وانا اخوك بيلقاه حتى لو عندنا ب السعوديه مو بس بامريكا.
1 - والله يا اخي انا ماني شايف شي و شايف الموضوع عادي ( << انا موجود بلوس انجلوس يعني مو قرية ولا بطيخ :) ) فإذا بيتزوج صدقني انه بيعمل خير في بنت الناس ، مافيه شي اسمه " متوهق " و من هل خرابيط ، الوضع عادي جدا ، بنت الناس بتدرس و هو بيدرس ، و اذا ما يبي يخلف فيه شي اسمه ( احتياطات انظر حولك :) ) اتمنى وصلت .
2 - والله ياخي هي ترجع على الشخص نفسة ، اذا هو متأثر بالافلام تبع mbc2 و 4 .. عاد بيروح يدورها من اول يوم ، و اذا كان يعرف وش الموضوع و ان هذا الطريق نهايته مسدوده ، راح يفكر مره ( لاحظ مره و ليست 1000 ) قبل لا يروح له .
3 - اذا حصل له الزواج فخليه يتوكل على الله ، و اذا ما حصل مو مشكلة ..
عدل العنوان وتشوف المشاركات بعدد المشاهدات
والله ياخوي الزواج شي جيد وبالعكس يمكن ماتحس بالغربه مثل لو كنت لوحدك
والله يوفق الجميـــع
والله الوضع عادي .. ليه انت شايف 22 سنه صغير عن الزواج!!!
ياخي انا تزوجت وعمري 21 سنه والان عمري 24 سنه .. اذا كنت رجل محافظ على دينك والله العظيم لو ملكة جمال العالم قدامك ماتهز شعره فيك
اذا كنت من النوع شديد الشهوه انصحك تتزوج وتكمل نصف دينك لان الزواج استقرار..وتحصين للنفس من الوقوع في الحرام>
الله يرزقك ببنت الحلال الصالحة التي تستر عليك
بالتوفيق.,,,,
1هل تشوفون ان الفتنه عندكم كبيره لازم يكون الرجال متزوج عشان يقدر يعيش؟
هنا نقطة مهمة الفتنة بكل مكان لكن بامريكا اشكال وانواع يعني العين بحر ومثل ماقال احد الاخون لو عنده تحكم بتصرفاته بيمشي بدون زواج
لكن انا انصحه بالزواج دام عنده القدرة والامكانية وشي طيب يتساعدون بعد مع بعض..
2هل الوقوع في الحرام هناك شي سهل؟
اسهل شي الوقوع في الحرام لان كل شي مفتوح له وسهل الوصول له
3وش تنصحون صديقي؟
وجهة نظري اذا الرجال يتحكم بتصرفاته وعنده القوة اللي ماتطيحه بشي محرم مايحتاج يتزوج لان حتى الازواج يبتلشون هناك وبما ان صديقك اول مرة يطلع
فما عنده علم بالانظمة يعني ع الاقل يعرف الحياة كيف تمشي هناك..
بالتوفيق لك لان يهمك امر صديقك... ولخويك وعساها تفتح في وجهه ويشوف اللي يتماشى معاه
والاستخارة له افضل الحلول...
والمكتوب ماله مفر...