السلام عليكم ياقوم......شرفونا شوي
السلاع عليكم ياقوم "وياقومات...... عشان جمعية حقوق الاناث لا تزعل"
اخواني الكرام هذي اول مشاركة لي معكم وحبيت اعطيكم ملخص عني ....
انا ابو فيصل مهندس من مدة 5 سنين في احدى الشركات السعودية وبعد مدة من المناحر مع الشركة وادارتها "كل يوم ناشب في حلوقهم" قررت الشركة ان تبتعثني لدرجة الماجستير في تخصص هندسة الاتصالات
عموما من زود النحاسة الشركة ماخبرتنا بالخبر هذا الا قبل 3 اشهر وشرطوا اني اروح الترم الاول "fall" 2006
والا مافي بعثة وطبعا لازم ادخل على برنامج الماجستير بدون اي تحضيرات سواء لغه او غيره
هم يبون يضيعون علينا الوقت عشان مانروح لاكن معصي اخوكم نشبة وزي مانشبت لهم نشبت للجامعات لين حصلت قبول والحمد للة حصلت قبول من هذي الجامعات وهي:
1- بورتلاند استيت ينفيرستس "في اورجن"
2-كلفورنيا استيت يونيفرستي "لونق بيتش"
3-اوهايو ينفيرستي "اثينز-اوهايو"
4- وست فرجينيا ينفرستي "مورقان تاون -وست فرجينيا"
5-فلوردا انستتيوت اوف تكنلوجي "ملبورن -فلوردا"
6- نيوكاسل ينفرستي "بريطانيا"
7-كونكورديا ينفرستي "مونتريال -كندا"
انتم الحين يمكن تسئلون طيب وين المشكلة؟
المشكلة فيه مثل يقول اذا بغيت تحيره خيره
وانا محتار وين اختار وايش احسن الفرص
طبعا موعدي في السفارة كان قبل اسبوعين والحمد لله استقبلوني بكل حفاوة واول ماشافني القنصل وهو يصرخ يرحب بي ويصيح على المرة تجيب القدوع والقهوه
وهو يقول لي تخير وش تبي. تبي فيزه مفتوحه والا تبي قرين كارد والا جواز حتى لو تامر على جواز دبلامسي امر بس لا يردك الا لسانك
انا عاد استحيت قلتلة لا مابي الا فيزة طالب وناولته الاوراق ويوم قرى الاسم وهو تتقلب عيونه "كنة يبي يرجع ريوس" وينتفخ خشمة تقول توه صافقة تايسون بقس
"الاسم شوي مشبوه ......" المهم ماطول عليكم بعد مانشف نفسي اسئلة قال رح ادفع في الشباك الثاني 323 ريال وارجعلي
طبعا رجعت قال لي ابوفيصل قلت له سم قال لي شمر وابصم بالعشرة قلت طيب وبعدين قال انطر لين يجيك الربيع
المهم الظاهر انهم مارح يفيزونا
انا في السفارة قدمت i-20 حق لونق بيتش طبعا اظن يمديني اغيرة "صح"
الشي الثاني انتم ايش تنصحوني اسوي؟؟؟ استناهام والا اسحب عليهم سيفون واروح كندا
المشكلة اني ماحب البرد
شكرا لكم واسف على الاطالة
مشاركة: السلام عليكم ياقوم......شرفونا شوي
اهلا بييييييييك بين ربعك
اولا دام الدعوه تبصيييييييم ردد ياليل مطولك انا بدون بصمات وللحين 73 يوم من الانتظار :)
المهم انت عطهم شوي وقت لو ردو عليك كان بها اتوكل على الله على امريكا
مع اني اشوف انك تتوكل على بريطانيا احسنلك
الاي تونتي اللي قدمته ما يمديك تغيره لانه على اساسه راح تطلعلك الفيزا يعني لو تبي تغيره ليه وسين وجيم وراح تعطل نفسك
تحياتي لك
مشاركة: السلام عليكم ياقوم......شرفونا شوي
هلابك اخووووي ومرحباااا والله انا ما شد انتباهي ولفت النظر الا انك تقوول معصي رايح رايح
شكلك ناشبلهم في البعثه وعلمووك قبلها بوقت قصير جدا هههههههه لول ..
لاكن الله يعينك ويستر عليك ويوفقك اخوي كان ودي افيدك
لاكن معندي خليفه والله تلقى الي يفيدك انشالله عن هالامووور ..
بالتوفيـــــــــــــــــق .. وشكرا .
مشاركة: السلام عليكم ياقوم......شرفونا شوي
البصمات العشرة تختلف من شخص الى اخر
مثلي انا وبلا فخر اخذو علي البصمات
واذا تبغى تعرف كم يوم صار لي من سويت المقابله
شوف التوقيع
وحط في بالك ان الفيزا يكتبون فيها اسم الجامعه اللي بتروح لها
مشاركة: السلام عليكم ياقوم......شرفونا شوي
اخي مبتعث ولكن شكرا لك انا معطيهم 4 اسابيع اكثر من كذا ابي ازعل عليهم واهون لو يكلمني بوش مارح ارضى عليه :gr_876: اما بريطانيا من يوم تجي سيرتها كبدي تلوع اكره البلد ذا من يوم انزل في لندن تجيني لوعه ياخوي عندي اروح ادرس في ابها ولا اروح بريطانياشكلي بتمم اوراق كندا
مشاركة: السلام عليكم ياقوم......شرفونا شوي
اخي الوابلي شكرا لكوالله انامحجر لهم بس وانا اخوك بلادن وجماعته نكدوا علينا امريكا صارت من المستحيلات السبعواذا تبي تروح تدرس في امريكا يبي لك تخطط قبلها بي 5 سنوات يالله تكفيك يعني اذا عندك اولاد في الابتدائيه من الحين احجز لهم موعد في السفاره يالله يجيك السرا
مشاركة: السلام عليكم ياقوم......شرفونا شوي
اخوي سراب شكرا لكاجل لك 5 اشهرالله يعينكياخوي ماعرفنالهم فيه ناس يبصمونهم ويردون عليهم خلال 3 اسابيع وفيه ناس مابصموهم وماردوا عليهم بالشهور والعكس بالعكسعموما الله يفرجها