رد: شباب امريكا البار مكان محترم!!
الف شكر للناس الحكيمه الي ردو واللي دعو لأكن اللي خلاني احذف الموضوع بعض الرسائل الخاضع اللي يقول اضيفيني واللي تسب وتقول استري على نفسك ليش وش شايفتني الحمد لله ربي يعلم اني حتى عباتي السودا ماغيرتها ومحترمه نفسي وبيتي وزوجي بس الانسان لمين يشكي الأهل لو يدرون مصيبه ولاعندي صديقه هنا اثق فيها على الاقل افضفض وغير هذا وش دراني عن البارات الله يعز السعوديه ماطلعت منها على شان كذا حبيت اعرف هي وشي بالضبط
ووضحت لي الفكره
رد: شباب امريكا البار مكان محترم!!
السلام عليكم ...
اختي لا تزعلين نفسك ... في ردود ما ادري وش يحسون فيه ...
بالنسبه لزوجك ... حاولي تخلينه يحافظ على الصلاة اذا ما كان محافظ عليها ... وانتي ادعي له بالهدايه .... وابيكي تكونين عون له على ترك هالشي ... وفيه اماكن كثيره ممكن الواحد يروح لها .... وان شاء الله ربي يهديه ... كل شي بالأصول كويس حتى لو كان عمله هو مو من الأصول ...
تحياتي لك
رد: شباب امريكا البار مكان محترم!!
أسأل الله له الهدايه,,
وأعجبني رد اللي يقول إذا شفتي الوضع صعب,,شفيلك سكن مع وحده من خوياتك,,وغيري سكنك,,
خليك قويه,,
وأوصيك بالدعاء له,,ثم الدعاء ثم الدعاء,,
الله يجيرنا من الشراب..الله يجيرنا من الخنا والرذيله وشباب المسلمين اجمعين..
عوذه
رد: شباب امريكا البار مكان محترم!!
اقتباس:
المشاركة الأصلية كتبت بواسطة يكفي
الف شكر للناس الحكيمه الي ردو واللي دعو لأكن اللي خلاني احذف الموضوع بعض الرسائل الخاضع اللي يقول اضيفيني واللي تسب وتقول استري على نفسك ليش وش شايفتني الحمد لله ربي يعلم اني حتى عباتي السودا ماغيرتها ومحترمه نفسي وبيتي وزوجي بس الانسان لمين يشكي الأهل لو يدرون مصيبه ولاعندي صديقه هنا اثق فيها على الاقل افضفض وغير هذا وش دراني عن البارات الله يعز السعوديه ماطلعت منها على شان كذا حبيت اعرف هي وشي بالضبط
ووضحت لي الفكره
عندي سؤال بسيط جدآ يعني الي يسويه هو مو مصيبه ؟ مو مصيبه اذا رجع لم البيت سكرآن ؟ مو مصيبه لمن يضيع عليك البعثه ويدهور مستقبله ومستقبلك معاه ؟
القرار في الاخير انتي تختارينه انتي شوفي وش داخلك وش الافضل لك . إجلسي وصارحيه قولي اذا ماعدلت من وضعك انا مو ملتزمه فيك انا ماسافرت من آخر الدنيا عشان تجيب لي مصيبه ولا تدمر مستقبلي
ولا غيري المرافق حقك خلي اخوك يجي إذا ماكان يستاهل البعثه
الحلول كثيره عندك ونصيحه لك لا تاخذين كلام المنتدى كثير ترى الي هنا يتكلمون في اشياء اكبر منهم ولا لهم فيها خبره . ابعدي عن الخيالات والاحلام والاساطير الي انتكتب في الموضوع وخليك صريحه مع نفسك لان في وضعك ماعنده وقت وبالاحرى وضعه صعب
رد: شباب امريكا البار مكان محترم!!
عندي احساس ان راعية االموضوع تمتلك من الحكمه والعقل مايجعلها تميز بين الصح والخطأ
لذلك كلامي ليس لك فقط عزيزتي بل لكل من بوضعك وممكن تقراء بعض الردود السينمائيه وتحاول تطبقها
اكبر غلط ان الزوجه تسلط احد علي زوجها سواء يصوره ولا لأي غرض كيف تخلي انسان غريب يمسك زله علي زوجها وتبين له ان هالشي خطير وملعوب للزوج :confused:
ممنوع التدخلات الخارجيه بين الزوجين الا في حالات الأنفصال لاسمح الله عشان تستمر الحياة لازم ندخل احد اما باقي المشاكل نحلها بنفسنا وبمساعدة اخرين ولكن بـ الستر مو بـ الفضايح وتصوير وتهديد
هالأنسان الي بيصور زوجها بيعطيها الصور ولما يحتاج المال ثاني راح يرجع لنفس الزوجه المسكينه ويستغلها ويطلب منها؟؟؟ وش هالتفكير لهذي الدرجه خلصت الحلول ونوصل لمرحلة التشهير
واصلا ترك الغلط ماينفع ولايدوم لو ماكان بقناعه واراده من الشخص المخطئ
لا يالغوالي كل من قال لأختنا الكريمه صوريه اقوله لاتكن سبب في تضخيم المشكله وليس حلها
غاليتي الله يكملك بعقلك وبعفتك وحسن أخلاقك فعلا انتي انسانه عاقله وحكيمه وحافضه لأسرار زوجها بحثتي عن حل بدون التشهير بزوجك وهذا الصح
الله يريح بالك ويصلح زوجك وتشوفينه زي ماتتمنين:)
رد: شباب امريكا البار مكان محترم!!
موضوع مثل هذا مهو مكانه هنا لان في هنا مراهقين وراشدين ورجال ونساء وتضارب في الاراء وهي جالسه بالنص المسكينه
يا اختي الي هنا من الراشدين طبيعتهم تختلف عن طبيعة زوجك في المزاجي والمتزن في اللعوب والهادئ في القنوع والمتطلب في الي يحسب لكلام للناس والي مايحسب وكل طبيعة يختلف بموجبها الحل
وبنات حلولهم على حسب طبيعة ازواجهم الي تختلف عن زوجك
انتي تعرفين زوجك وتعرفين وش الحل الي يناسبه
رد: شباب امريكا البار مكان محترم!!
ما اقول غير الله يعينك ويفرج همك ان شااء الله .. الله يوفقك .