مثلث الرعب برمودا !! (( الملحقية , الحكومة الإلكترونية , المشرف الأكاديمي )) ..

لا فض فوك اخي العزيز كلمه

فعلا اصبت كبد الحقيقة

فهل من يعي ويعمل لتصحيح الوضع؟

بالتوفيق للجميع

لافض الله فوك

يااخي العزيز انا طالب على حسابي الخاص

يوم جيت افتح ملف دخلت على موقع الملحقية واخذت ايميلات وارسلتها وانتظر اسبوع

بعد اسبوع اكلم وحدة اسمها سارة في قسم التسجيل للدراسين على حسابهم الخاص

تقول انا للطاب المبتعثين << علما ان في موقع الملحقية الموقر مكتب انها للتسجيل في قسم الدارسن على حسابهم الخاص

حولتني على مشرفتي اسمها نجوى شهيب << عظم الله اجر اللي يطب عندها

وطناش مابعده طناش لا على ايميل لا على تلفون

كلمت الاخت سارة قالت كلم صباح

ارسلت مسج لصباح وردت تقول مشرفتك نجوى قلتها انا محوليني عليك وطناااااااااااش

قلت طيب تكفى كلميلي نجوى خلها تحن علي وطنااااااااااش

ارسل لسعد العريني وطنااااااااااش وادق على التلفون وطنااااااااااااااش

راسلت لسكرتيته وطناااااااااااش وادق بالتلفون وطناااااااااااااش

ارسلت للمحلق وطنااااااااااااش ادق عليه ووطناااااااااااااااش

ادق على سكرتيته وطنااااااااااااااش ارسلتلها وطنااااااااااااااش

ارسلت لمدير مكتب الملحق رد تعلى قالي عطني رقمك الطلابي قلت انا مافتحو لي الملف الله يحفظك

وطنااااااااااااااااااااش ادق عليه وطنااااااااااااااااااااااااااااااااااش

قدمت شكوى وطناااااااااااااااااااااااااااااش ادق على مكتب الدكتور راعي الشكواى وطناااااااااااااااش

دقيت على سكرتير مدير مكتب الملحق كلمتها قلت تكفى كلمو خويتكم قالت ماهي خويتي اصلن ماترد علي

كلم خالد العمار ارسلة مسج قلت وشهو قالت مديرهم

ارسلت لخالد العمار مسج وطنااااااااااااااااش ادق عليه وطنااااااااااااااااااااش


انتقلت من المستوى الثاني الى الثالث انجليزي والملحقي بعد مافتحت ملف

واحد من الشباب ماشالله جاي نتوه ماله اسبوعين فتح ملف بالملحقية الان ارسلو ملفة لجلسة 188

يعني باذن الله بنظم وهو نفس التخصص وانا اعلى من في التقدير واازيد عليه

في اللغة وفي خبرة العمل في مجال تخصصي


واحد يدلني يوجهني وش باقي اسوي

انا اذا بروح طيران 6 ذهاب و6 اياب



مااقول غير الله يصبرنا

والله لو اني في وشنطن او فرجينيا او اي ولاية قريبه من هالملحقية اللي قصرت اعمار الطلاب كان رحت شفت امورك بس للاسف انا بعيد.

الله يعينك ويساعدك
ان شاء الله يجي النشمي اللي يفزع لك
واذا ما لقيت احد نصيحة اطبع كل رسايلك لهم
وروح الملحقية بنفسك وقلهم ليش ما كملتوا الملف يا ...
ولا تطلع قبل ما تستلم الرقم الطلابي

الله يجزاك خير ماتقصر

بس الظاهر اني احتاج واسطة عشان افتح الملف فتح الله على قلوبهم الهدايه





حتى فتح المف يحتاجة واسطة

اخي الكريم

ان لم تنال شيء من ما ناله اخوانك المتضررين

هذا لا يعني انك لن تنال هذا الشيء ابدا وسوف ياتي اليوم الذي تشرب من نفس الكاس الذي شرب منه باقي الاخوه

الا اذا ...

ونقطة اخرى انت بجنبهم اكيد بيدللوك عشان مو كل يوم طاب لهم.

بالنهاية اخوي قل خيراً او لتصمت

يااخي اذكر الله اذكرك

انت عممت على الملحقية انها مانها قصور وكلنا احنا ياللي نشتكي كسالى

يعني كل اللي يشتكون اللي تركو بلادهم لطلاب العلم كسالى

يااخي والله انك جانبت الصواب

اذا كنت ترى اننا كسالى فنظر لردي السابق وقول لي ماذا يفعل النشيط الحرك

ياجماعه انا حذفت مشاركاتي ولو اني ماقلت الا اللي شفته لاكن مسحت المشاركات عشان ماودي اظلم احد يمكن انا ضبطت اموري بس غيري للحين ماظبطت اموره وهذا الشي يجرح

لذالك بكون محايد في هذا الموضوع وبلتزم الصمت وشكرا لتفهمك
اطيب تحيه والسلام عليكم ورحمة الله وبركاته

هذا الموضوع يجب أن يكون في الأعلى بشكل دائم.

عسى أن يفهموا.

http://sacmclubs.org/vb/forumdisplay.php?f=2

تم نقل الموضوع ومواضيع أخرى لمنتدى الملحقية الثقافية بأمريكا ، حتى يصل صوت الطلاب بأي شكل من الأشكال .

رأي الخاص ان تنضمون لمنتدى الملحقية الثقافية وتنقلن معاناتكم في كل الأمور .

ودمتم بود .

الله المستعان والى الله المشتكى

اريد تخليص معاملتي التائهة ولدي الان اكثر من شهر لاجديد و يتوجب علي السفر للملحقية

مع ان معاملتي ليس لي فيها ناقة ولاجمل !! بل الخطاء من عندهم حتى لا اريد توبيخهم فقط اريد تعديله!!

فعلا كل طالب وله في ذاكرته موقف مشين للمشرفين وللملحقية

وليس بمعقول كل طالب يريد تخليص معاملتة من الوحل ان يذهب لواشنطن تكلفة مادية وتاخذ من المستوى الاكاديمي و الوقت والنفس والمال الكثير

ولازال الظلم قائم على الطلاب حتى اللحظة

جزاك الله خيرا كلمة "طالب دراسات عليا"

وفق الله الجميع ويسر خطاهم لما يحب و يرضى