قصتي قصة اه بس وابغى بعض الاجابات الله يوفقكم ولايعسر عليكم وينجحكم ردو تكفون تكفون

بصرآحه اصرارك عجبني والحمد لله انك كملت في الجامعه رغم الظروف الي واجهتك عموما بنسبه لإسئلتك بحآول ارد على الي اقدر عليه وانشاء الله الاخوان يفيدونك اكثر

بنسبه للقبول الملحقيه شارطه على الطلاب انهم يجيبون قبول مشروط ( جامعه + لغه ) بنسبه للسكن اغلب العوائل الفقيره هي الي تطلب طلاب يسكنون معاهم وفي الغالب يكونوا ماهم فاضين لك الي بينك وبينهم فقط الغرفه الي بتاخذها منهم يعني ممكن ماتشوفهم باليوم ولا مره لكن ممكن تطيح في عائله كووويسه تساعدك وتخدمك انا وجه نظري انك تسكن مع شباب امريكان يدرسون بالجامعه يسمى سكن (( روميت )) لإنهم طلاب زيك يدرسون وفي الغالي يجلسون معاك بنسبه لدراسه برى ترها سهله جداً ماهي صعبه وفتره اللغه لاتشششيل هم يحطونك في المستوى الي انت تستحقه وراح تفهم بإذن الله بنسبه للملحقيه عليهم ضغط شديد واحياناً يتأخرون برد على طلاب ..

اتمنى لك التوفيق ولاتنساني من دعاءك

مشكور على الرد وانشاء الله ما انساك من الدعاء

في انتظار بقية الردود

اخوي الكريم محتار يعلم الله كم تالمت من قصتك لكن بذكرك بايه قرانيه تقول (واصبر لحكم ربك فانك باعيننا) عارف ايش يعني فانك باعيننا يعني لاتزعل ولاتحزن تراك في عين ربي بيحفظك ويسعدك وبيسر لك امرك
انطلق ولاتخلي شي يوقف بطريقك ذكرتني بواحد من اصحاب زوجي خطب وحده وشافها وشافته وانبسط وبغى يطير من الفرحه كل يوم يقعد يكلم زوجي عنها فعلت سوت نامت اكلت وبعد شهر تقريبا اخوها كلمه وقال له مالك نصيب عندنا البنت كذا من راسها رفضت تخيل جاء عند زوجي يبكي ويبكي يقول ليش من لعب براسها ومر على هذا الكلام يمكن سته شهور وهوة ابتعث وراح يدرس وبعد كذا كلم زوجي وهو مصدوم يقول يابو عزوز البنت الي كنت خاطبها ماتت ...وربي صعقت من ايش ؟ جاها مرض فجاه وماتت تخيل يا اخ محتار لو انه تزوجها وتعلق فيها اكثر وماتت وهو متعلق فيها اكثر واكثر كان بيلحقها على طول.... ربي كتبه له الي فيه الخير له ولها وعسى ان تكرهو شي وهو خير لكم.......نرجع للموضوع الاساسي انا مثلك جيت هنا ماعرف راسي من ساسي ووالي هنا الله يوفققهم جميعا على راسهم صوت المطر ارسلو لي ايميل مكتب بواشنطن يجيب لك قبول بكل الحالات سواء معهد جامعه لغه يعني كل شي تبيه راح يفهمونك اي سوال اسالهم اياه وراح يجيك الرد باقي من ساعه
طبعا العيشه بامريكا اسهل وايسر وارخص من بريطانيا وهذا كلام الي عاشو هنا وهناك من ظمنهم اختي تقول بريطانيا كل شي فيها دبل دبل يعني ولايطري لك تروح بريطانيا
ولد اختي مبتعث بامريكا يدرس بالصباح ويشتغل بكوفي شوب باليلل تدري ليش؟ يقول اكسب لغه واصدقاء وبنفس الوقت اجمع لي كم قرشين بصراحه ولد اختي هذا بطران يعجبني اي شي يبغى يسويه يسويهى من غير خوف يقولك اعقلها وتوكل..
بقولك تجربه عني انا ..تزوجت زوجي وهوة ميح بالانقلش وكان ينقهر مني بالمرة لما يشوفني اتكلم واتفاهم خصوصا لما كنا نسافر برى بعدين صار يسكتني ويقول حفظيني الكلام الي بقوله صرت احفظه كلمه كلمتين وطبعا قلب جواله من عربي الى انقلش كمان ايميله قلبه وكل شي صار يطلبه مني بالانقلش وربي غلط بغلط بس حبه حبه يمين بربي ياخي انه صار احسن مني وصرت انقهر منه تدري ليش؟ لانه صار يقول ياحليلك انتي تعلمتي الانقلش ب4 سنوات وانا بس من اقل من سنه .بالعافيه عليك يابو عزوز وربي تستاهل
يعني انت بشهر واحد راح تخارج نفسك بالرااااااحه
بالنسبه لسكن العايله انا انصحك شوف نفسك معاهم شهر واذا ماعجبك عادي ولا حد بيقدر يجبرك الزم ماعليك نفسك غيرهم بالراحه وروح الروميت يعني السكن يعني خذا ببالك الي دايما ببدايه صعب بس مع الوقت راح تندمج معهم وتحس انكم عايله وحده
باقي اسالتك ماعرف لاني باقي ماسافرت
شي اخير باضيفه اولا استخير واستخير وخلي استخارتك بمسجد واطلب الله وانت تبكي لانه من اهم استجابه الدعاء ان الواحد يكون مقبل لربي بقلبه ويبكي شي روعه ياخ محتار اسال مجرب
اكيد اني فقعت راسك بالقرقرة ههههههههه لكن يعلم الله اني حاسه فيك من اول قصتك للنهايه وقلت يمكن تستفيد من كلامي
يووووة نسيت اكتب لك عنون المكتب iadmission@hotmail.com

امممممم ايش كمان ايش كمان يام عزوز ايوة تذكرت اذا خفت انه يتعسر عليك شي ما سواء دراسه او مقابله او مراجعه يعلم الله ياخوان انه من تجربه عمري ماقلت (لاحول ولاقوة الا بالله ولامنجي من الله الا اليه) الا وتتيسر لي امور كثيرة تخيل هذا حديث شريف يقول من قاله فتح له 77 باب وايسر هذي الابواب الهم والغم
وهذا كل الي اقدر افيدك اخي الكريم وربي يسهل امرك وامرنا ياااااارب
شي اخير ترى قبل ماقرر الابتعاث رحت اخذت عمرة وطلبت ربي يرزقني بالي اتمناه وييسر لي امري وامر زوجي وامر كل امر عصيب ويسخر لي جنود في الارض وملائكه في السماء
وسلامتك
لاتنساني من الدعاء
اختك ام عزيز (ان شاء الله )

ياشيخ الله يوفقك .. شد حيلك

اقسم بالله اني دائماً انصح طلابي تخيل الشعبه عندي 60 طالب والله مايحضر الا7 طلاب وبعض المرات 3 طلاب ومشي الحال

ماهم حقين دراسه الله يحسن عزاهم في التعليم

وووووووووووة يا ام عزوز كفيتي ووفيتي والله شلتني عني كثير بكلامك الطيب وما ادري اشلون اجازيك بس والله ما انساك من الدعاء هذا اللي اقدر اسوية كلامك مرة اعطاني دافعيه وحفزني اكثر واسأل الله ان يصرف عنك كل شر وان يرزقك من حيث لاتحتسبين وان يسهل كل امورك ولا يعسر عليك قادر ياكريم توفقها في حياتها وتدخلها الجنه بصحبة رسولك صلى الله عليه وسلم

النصحيه هذي الايام بالنسبة لي تنوزن بالذهب والالماس ولذلك اللي ينصحني اخذ نصيحته حتى لو كنت ماني متقبلها الا اني اضيفها عندي يمكن احتاجها في يوم من الايام وفعلاً يجيني يوم واحتاجها بس اهم شي وانا خوك الاسلوب اللي تلقي فيه النصيحه هو المبرر الحتمي في ان الطالب يتقبل النصيحه يعني مثلاً لو جا الدكتور وقال احسلكم ذاكروا والله ماينفعكم الا دراستكم وفي نفس الوقت يقول اسئلتي صعبه والبطاله صارت عندنا بشكل كبير اكيد الطالب يتحفز في البدايه بس يصيبة اثباط في العزيمه بعد اخر جملتين هههههههه يعني انا ما اعطيك درس في الاسلوب بس انا اضربلك مثل وفعلاً انت صادق من كل شعبه تجد على الاقل 2 ممتازين او 6 بالكثير لكن الله يقوينا بس ومشكور على ردك والله اسعدتني بردك الله يسهل دربك يا ارحم الراحمين

الله يوفقك ياخوي ويكتب لك الخيره والخير دوماً

بالنسبه للفرق بين امريكا وبريطانيا امريكا ارخص بس ولايات معينه مو كل الولايات رخيصه

ومدة الماستر تقريباً سنتين وبالنسبه لسهله ام صعبه والله ماعندي خبر واتوقع حسب التخصص

الملحقيــة //// الله يعينك عليها لانهم جداً مضغوطين لذلك في لخبطه شوي اتوقع مو شوي كثير ,,؟ بس الله يسهــل


وبالنسبه كم لازم تجيب معاك والله لازم تجيب مبلغ محترم لانهم يتأخرون بصرف المكأفأه ولازم دائما يكون عندك حساب ثاني لو لا قدر الله تاخرت المكأفاة او شي تقدر تتصرف لان الامريكان ماعندهم جاء موعد الاجار او موعد تسديد لازم تسدد ..

واذا جيت ع امريكا الملحقيه تطلب منك تفتح حساب في الولايه اللي رح تعيش فيها لان كل البنوك مو معممه عندهم يعني ممكن تحصل بنك في واشنطن بس ماتلقاه في لوس انجلوس مثلا لذلك الملحقيه تطلب دائما انك تفتح حساب في بنك امريكي في الولايه اللي رح تدرس فيها

واخوي ترا كل شي يختلف من شخص لأخر قد تواجهني انا مشاكل يمكن انت ماتواجهك والعكس صحيح يعني هي تساهيل من رب العالمين واكيد مافيه شي صعب او مستحيل باالذات انك شخص مكافح

والله يوفقنــا جميـــعاً يارب

.

..


...

مساكم الله بالخـير جمـيعـآ ..

لفـت نـظري كـمية الاصـرآر و شـدّة الطموح وعدم الاستسلام للعوائـق و المشاكل العاطـفية / النفـسية الي مرّ فيـها اخوونـآ - محتار و امنيتي البــعثة ..

اقول لنفــسي اولا ولكـ ولجمـيع من يقـرأ ردي .. اذا اردت شـيئا .. تضــحي وتحــآرب لاجـله

وتتـوقع ان تقابلك الهزائم النفـسـية والمعنوية ولا تستـسلم .. لتـنـــتـصر في النـهآية .. اعلم انكـ قد حققت خطوة عظيـمة في حياتكـ

وان هذا الهدف الذي طالما سعيت لاجـله .. س يظــل ذكــرى جمــيلة تلجـأ اليها في الاوقات الشداد .. لتقول في نـفسـك .. يوما ما حققـت الانجـآز الفلاني ..

صـدقـني ان اصـعب الاوقـآت عندمــآ تــمّــر عليـنا نقـول ( يالله - ليش كذا - الى متى طيب هالمعاناة ..الخ ) ولـكن ستذهب وتنقــضي وتكون في صيغة المـآضي البـعيد ..

سـتنـقشــع السـحآبة وتأتي بعدها السماء صحـوآ - س يــغيب القمــر وتشــرق الشــمس - ابدن لا تسـتسـلم ..

صحيح انها ثـقيــلة الاوقات الصعبة ومحمّـلة بالهمّ الذي يكاد ان يقــضي علينا .. ولاكن ستنـقضي

اخــي / لسـت وحدكـ الذي يـعآني ... لست وحدكـ الذي يتألم ... لست وحدكـ الذي لم يحالفه الحـظ في الاقتراان بحـبيـبته ... معك ومعي الله - سبحـآنه وتعالى -


\

وآصــل مشـوآركـ ... حـتمـآ س تــجد الحــب الذي يـضفي المزيد من الالوان الجمـيلة الى حيآتكـ

..

بخصوص استفساركـ عن اللغة وعن الدراسة في امريكا .. اللغة جدن سهلة وراح تتقنها في كم شـهر .. لا تخـآآف ولا تقـلق .. وامريكا البلد المثالي للدراسة ..



بالتوفيق لكـ .. حـبيت ادلو بدلوي ..



\