بلييييييز

مين بيقدم على المرحلة السابعه للابتعاث انا ابي اقدم بس ابي اعرف فيه احد معي عشان ما اعرف ايش اسوي ولا طريقة التقديم

انا ماراح اقدم

بس بقولك لاني قدمه على المرحله السادسه بس ماكملت :)


اول شئ سجلي بالموقع حق وزارة التعليم العالي

بعدين انتظري وبتجيك بعد فترة رساله على جوالك يحددون فيها مكان + وقت عشان تروحين تدققين اوراقك

الى هنا وبعدين مدري وش يصير لاني زي ماقلت لك ماكملت ههههههههه

بالتوفيق لك

اول شي

تقدمين عن طريق الموقع اذا نزل التقديم اتوقع بشهر 7 او 8 هجري

وتشوفين وش الاوراق المطلوبه وتصورين وترجمين شهادات وتجيبين توصيات وسجل اكاديمي كله طبعا لازم يكون مترجم بالانجلش بعض الجامعات تعطي مترجم يعني يكون نصين جهه عربي وجهه انجلش

يمكن بعد شهرين او 3 يعني لاتستعجلين بالرد لان حنا ردو بعد 3 شهور

برساله يقولك نهنئك لقد حصلت ع بعثة خادم الحرمين الشريفين المرحله السابعه تخصص ,,, في بلد ,,,

طبعا التخصص اللي انتي اخترتيه والبلد اللي انتي اخترتيه بس هم رح يحطون في التقديم 3 خيارات بالنسبه للدول ويشوفون اللي مافيها تكدس وحتى لو جتك بدوله ماتبينها تقدرين تحولين

يطلبون الاوراق ويرسلون لك رساله ع جوالك موعد التسليم ووين بالضبط بس ها انتبهي ع جوالك وايميلك زين احيانا يرسلون ع الجوال واحيانا ع الايميل

وبعد كذا لما يخلصون تدقيق الاوراق يمكن شهر يطلبون منكم حضور ملتقى يعلمونكم فيه كل شي بالتفصيل ولك الحق بالاستفسار والاسئله

واذا كان نفس المرحله السادسه رح يفوضون مكتب تجسير انه يجيب لكم قبول لمعهد اللغه وبعد كذا رح تشوفين الخطوات بنفسك

اذا جاك قبول المعهد تقدمين من النت ع موقع السفاره حسب اي بلد انتي امريكا كندا الخ عشان الفيزا

وبعد كذا اذا طلعت الفيزا تحجزين تذاكر عن طريق مكتبهم الموجود في وزارة التعليم العالي حسب موعد بدايه الدراسه في بلد الابتعاث

واذا كنت نسيت شي العذر والسموووحه

والله يوفق الجميــــع


,,

,,,

,,,,