عرض للطباعة
السلام عليكم
لم ينزل راتب الشهر الماضي لطالب مبتعث يدرس اللغة .. وأكمل أكثر من سنة في بلد الابتعاث وتم صرف تذاكر له والمشرف لم يوضح سبب ايقاف الراتب
فهل المشكلة بسبب ان طلاب اللغة يجب أن يكونوا متواجدين بأمريكا ولا يتم إيقاف راتبهم؟ أم ماذا؟
الي مر بالمشكلة أو سمع بحلول ممكنة فضلاً لا أمرا يشرح لنا الطريقة
مع بالغ الشكر
اذا انتهت السنة وماخلص اللغة لازم يطلب تمديد فترة اللغة لـ 6 شهور
واذا خلص اللغة وخلص اموره مع الجامعه لازم يرفق الخطة الدراسية في موقع الحكومة الألكترونية
وبشكل عام لو كان المبتعث في اجازه رسمية سواء في مرحلة اللغة او الجامعية تنزل المكافئة لمدة ثلاثة شهور وبعد ذلك يتم ايقافها عنه إلى حين عودته إلى مقر الدراسة .
والأفضل يكلم المشرف مباشرة ولايجلس يتسأل مع نفسه ويطلب استفسارات من الناس .
بالتوفيق
أبو سعود ماكتبت هنا الا بعد ماسويت كل شي
الغبي المشرف مايرد لا على ايميل ولا على تليفون
اللغة انتهت ومددنا وانتهينا ونزلنا اجازة بس مانزلوا اول راتب
اللي أعرفه أنو بمجرد ما يعطونك التذاكر يعطونك هولد إلين ما تجي >>> لكن برضو تأكد.
كلم المسؤول الأقليمي التابع للولاية الي انت فيهااقتباس:
المشاركة الأصلية كتبت بواسطة تفاكير
طيب كيف يصير هالكلام؟ وسالفة بعد ثلاثة شهور يسوون لي هولد وش الفرق بينها وبين وضعي؟اقتباس:
المشاركة الأصلية كتبت بواسطة كـانـدي
ابو سعود كلمت المشرف الاقليمي وقالت ثواني اتصل فيه طويل العمر.. ولا رد عليها قالت مايرد قلت انا لي اربعة ايام رسايل واتصالات ومايرد يعني لايكون حنا موظفين وماندري؟
والله لو انكم موقفين راتبه كان قوم الدنيا وقعدها لين ترجعون راتبه
قالت وش اسوي ياخوي اتصل بنا بكرة ويصير خير!
والله لو اني عنده بواشنطن اني لاربيه حتى لو اخذ فيها فصل .. تقول يصرف علينا وحنا عمال عنده
هدي شوي أخوي تفاكير توك ماشفت شي!
اللي بيعيش ياما بيشوف من الملحقية لكن تبي نصيحتي الفعالة معهم لاتفكر أبدا بالتعامل مع مشرفك بالإتصال أبدا واجعلها عن طريق الايميل فقط وفي حال عدم الرد كالعادة أرفع شكوى للملحق العيسى على ايميل مديرمكتبه الحمدان مع إرفاق الايميلات التي تمت مع المشرف ومالك إلا إنك ترضى إن شاء الله. أسآل مجرب
أبو كادي لا صدقني إني شفت منهم الكثير بس مثل هالبجاحة ماشفت
ياخي تخيل قبل ثلاثة اسابيع مرسل لنا رسالة لجميع الطلاب الي مسؤول عنهم يقول لاعد ترسلون لي رسايل كثير ترى ازعجتوني؟ وش ذا االعاهات الي يجيبونهم ويخلونهم مسؤولين عنا!
المهم اني رفعت فيه شكوى ورفعت للملحق وماخليت احد الا وارسلت له
والحمد لله على كل حال
مشكور اخوي العزيز