بنات شلون يستمر صرف راتب المحرم طول مدة الابتعاث دون وجوده.وش الحل؟؟!!

لو دروا الملحقية انك تستلمين راتب مرافق وهو جالس في السعودية بيخصمون من راتبك شهرياً راتب مرافق الين ياخذون حقهم
هذا إذا ماصار لك مشاكل معهم.. بتقولين كيف يدرون,, عندهم ختم الخروج والـ i94 واذا كان يدرس لغة بيدرون من المعهد

أختي أنتي قلتي لا حد يتفلسف وتقولي حجابي كامل

الرجال يقول الراتب حرام ، فإذا أنتي بصدق يهمك حجابك المال الحرام أحرى بأن تحرصي منه .

على العموم كلن بعقله راضي ، ولكن تقبلوا الرأي والرأي الآخر .

امممممممم
بصراحه انا انسانه مخططه لنفس وضعك بالضبط
بمـإأ ان الوضع عندي مايسمح ان احد من العائله يكون موجود معاي يعني اشغال والله يوفقهم بأشغالهم يارب فـ احتمال كبير اكون موجوده لحـالي بس انشاءالله اذا لقيتي حل علميني عليه واكون شاكرتلك وبعدين التعليقات الى داخلين فيها الشباب حرام وحلال محد طلب من عندكم تفتون واتوقع سؤال الاخت كان واضح يعني الى ماعنده معلومه لايتفلسف واذا قصدكم الحلال والحرام الحمدلله كل انسان يعرف نفسه وماله داعي نفتح موضوع مايتسكر

هذا أكل أموال الناس بالباطل ،،
عندي الحل لكن اترفع أقوله وأقع في الأثم ،،
الرسول صلى الله عليه وسلم يقول
(( كل لحم نبت من سحت ،، النار أولى به )) والسحت هو الحرآم
مادري كيف تقولين انا بحجابي وكامله ومدري ايش وتبين تاكلين الحرام ،، مناقضه عجيبه ،،
ولو تدري عنك الملحقيه تسوي لك ايقاف صرف وتحقق بعدم وجود المحرم ،،

اختي الفاضله .
واضح من ردودك على عدد من الاخوان ان اسلوبك في قمة الإنحطاط وانك في قمة قلة الادب .

آحترمي الاراء واحترمي الناس وردي بقدر ماواجهتي من الاخلاق .

من شجعك على فكرتك مـاهو الا جاهل .
ومن نصحك قلتي له رايك خله لك .

انتي ماجيتي هنـا الا طالبة مساعدة فلا تتعالي على الناس وانتي لاتملكي دافع لذلك .

تذكري الجنة والنــار ولن تغنيك مكــافاة عن الله .
إن كنتي تعلمين ان ماتنوينه حرام وفعلتيه فانتي بذلك تتحدين الله وعقابه .
وإن كنتي لاتعلمين وضحوا لك الاخوان .

وتذكري انك رايحه لظلمة القبر ومـالك وشهادتك مامعك منهم شي .

آخيرا احترمي اخوانك الاعــضاء الله يصلحك .

عجبي من بعض الردود والعقليات

أختي العزيزه ، ديننا الحنيف حثنا على الأمر بالمعروف والنهي عن المنكر ، والنصيحة ، يقول الرسول صلى الله عليه وسلم (( لا يؤمن أحدكم حتى يحب لأخيه ما يحب لنفسه )) .

كل من نصح الأخت من الحرام ، يريد مصلحتها ويعمل بما أقتضاه ديننا الحنيف ، فيما يخص تقبلها لهذا الأمر ورفضه ، هذا يخصها وحدها .

أما أن يطلب الإنسان النصيحه فيجب أن يفتح عقله لكل ما يقوله الناس ويتقبله بصدر رحب ، فحتما ً لا يمكن لأحد أن يفرض على الناس ما يجب أن يقولونه له .

اخت شهد انتي قادمة على مرحلة تعليم عالي واعتقد انك فاهمه باساسيات دينك .
فهل قصدك بمداخلتك ان الاخوان اللي قالوا انه حرام كاذبين ام ماذا ؟
لك آحترامي وتقديري .

رجاء شباب لاحد يجاوب
ممنوع الاختلاط هنا كاتبه هي بالعنوان يا بنااات


الله يعطيكم العافيه شباب بصراحه واضح انو مداخلاتكم من باب النصيحه تيب انا عندي سؤال الحين اخوي بالسفارة لازم يكون المرافق متفرغ ولا مسموح انه يكون موظف ومرافق لي
لان مالي خلق اجيب اخوي الي اصغر مني وهو لسا بالثانوي اقعد الحق وراه

الله يسعدكم بنات انتظر الطريقه والحل لو على الخاص

هههههههههههه

اعجبتني هالجمله

اكتبي ابوك وعادي يجي كل فتره يسلم عليك

البنات اللي عندنا كلهم كذا كل فتره يجي ابو وحده يزورها كل ست سبع شهور