انا جاي لمريكا الاربعاء ان شاء الله تكفون نصايحكم .. :(
السلام عليكم ,.
يا اخوان انا جاي يوم الاربعاء لواشنطون ,,
طالع من الرياض ..
بوصل واشنطون 2 الظهر ..
تكفون يا شباب نصايحكم ..
تكفون والله شايل هم وحالتي حالة ..
بجي ع حسابي ..
ومن واشنطون بطلع لولايتي ( ميزوري ) ..
مديني سبرنج فليد ..
بجي ع حسابي كم اجيب معي مصروف لي و لـ السكن عند عائلة ..
وكم يبي المعهد بالترم وكم مدة الترم عندهم ..
جامعتي ميزوري يونفرستي ستيت ..
Missouri State University
Missouri State University
وكم بتكلفني التذكرة من واشنطون لولايتي ..؟
واي نصايح تكفون لا تقصرون ..
والي ساكن بواشنطون الي فيها الملحقية ياليت يجيني ..
وبرضو الي ساكن فولايتي ..
اضيفوني ع ايميلي ..
wael-aaa@hotmail.com
ومشكورين مقداماً ..
رد: انا جاي لمريكا الاربعاء ان شاء الله تكفون نصايحكم .. :(
الله يعينك ويسهل امورك يااارب
والله مادري وش اقووول الامور سهالات والسعوديين هنا كثرهم بالرياض ماشاء الله راح بفبدونك
اما كثرهم بالرياض كثر منها بس ههههههههه
رد: انا جاي لمريكا الاربعاء ان شاء الله تكفون نصايحكم .. :(
الله يسهل لك و ييسر أمورك أخوي هذا رابط سجل فيه عشان يستقبلونك الملحقية و يودونك للفندق وحتى لو على حسابك سجل فيه
و خبر اللي بيستقبلك أنك جاي على حسابك عشان يجيب لك في الفندق أوراق تعبيها و يفتحون لك ملف بالملحقية و إن شاء الله يضمونك قريب
هذا هو الرابط إشعار بوصول مبتعث جديد الى واشنطن العاصمة
نصيحتي لك رح لمكتب الطيار و أحجز تذكرة سفر داخلية لمدينتك اللي في ميزوري بدل ما تحجز من المطار بس حط ببالك تجلس في واشنطن يومين عشان اجراءات الملحقية
ابحث في النت عن النادي السعودي بمدينتك بيفيدونك
موفق
رد: انا جاي لمريكا الاربعاء ان شاء الله تكفون نصايحكم .. :(
^^^^^^^^^^^
الاشعار هذا ما يفيد بشي .. لانه مو مبتعث اصلا ، انا اجربتة قبل و كانت النتيجة اني ضيعت وقتي و انا اعبية ( و عملت نفس الطريقة مع اخوي و اصحابي ولا نفعت )
فلا تشيل هم لان الموضوع بسيط جدا .. مافي اي تعقيدات و الامور سهالات
اضن اول 3 شهور ما تحتاج فيها اكثر من 1700 لا و ممكن تزيد على حسب صرفية يدك
التذكرة احجزها عن طريق موقع expidia :
www.expidia.com
و تفرق من ولاية لولاية و من شركة لشركة .. و على فكرة ارخص من مكاتب النصب الموجوده في السعودية . انا شخصيا حجزت من هذا الموقع لي و لاخوي .
اما النقطة الاخيرة سامحني ما فهمت شي ابدا
رد: انا جاي لمريكا الاربعاء ان شاء الله تكفون نصايحكم .. :(
انا الحين بواشنطن الامر سهالات المهم اول ماتوصل راح تلاقي لوحة الملحقية اجلس عندها ويجيك سواق الملحقية وياخذ1ك للفندق تعبي اوراق الدارس على حسابة وبعديين تروح على ولايتك
رد: انا جاي لمريكا الاربعاء ان شاء الله تكفون نصايحكم .. :(
وشوووووووووووووووووووووووووووووووووووو
ثلاث شهور 1700
ياشيخ لا تورط الادمي
1700 ماتكفيك بالهند 3 شهورر هههههههههههه
اما ثلاث شهور تكفيك ههههههههههههه
اياد ؟؟؟؟؟؟؟؟؟؟؟؟؟
رد: انا جاي لمريكا الاربعاء ان شاء الله تكفون نصايحكم .. :(
الله يوفقك .. توصل بالسلامه ان شاء الله
انا قدمت على جامعات ومن ضمنها جامعة ميزوري ستيت .. الله يعين ننتظر القبول
بالتوفيق,,,,
رد: انا جاي لمريكا الاربعاء ان شاء الله تكفون نصايحكم .. :(
^^^^^^^^^^^^^
يعني ليش الواحد يدخل مطفي النور و ما يدري ايش الهرجة ؟
يعني اسم القسم " القسم الامريكي " تخيل المبالغ الي فيه بتكون باليورو مثلا ؟ يعني لازم الواحد يكتب دولار او يحط هذه العلامة $ ؟؟!!!
رد: انا جاي لمريكا الاربعاء ان شاء الله تكفون نصايحكم .. :(
اتوقع اياد قصده 1700 غير السكن والمعهد
يعني معيشه فقط
رد: انا جاي لمريكا الاربعاء ان شاء الله تكفون نصايحكم .. :(
الله يسهـل امورك اخوي
تختلف من شخص لاخر وبالنسبه لـ 1700 ماتكفي ابد
بالتوفيــٌق
,,
,,