مقابلة السفارة وسؤال السجل الاكاديمي !

ماسألو عنها ولاجابو طاري , بس سالوني من اي جامعه تخرجتي
وبتكملين بنفس مسارك او لا
ممكن يسألك بشكل مباشر كم معدلك ويشوف ردة فعلك
حتى لو كان منخفض اجب باجابة الواثق من نفسه وعلي صوتك
واتبعها بأي جملة ايجابية مثلا
معدلي .... من .... وسأصل للهدف المنشود وهو دراسة .. بكل جد وصبر
بالفصحى لوول

الله يوفقك ويسهل امرك

معدلي كان نازل بس مشوني ولله الحمد
بس اذا طالالع لغة قاله بس لغة كثير سوهاه وجتهم الفيزة خمس سنين

وبعدين ماراح يطلبون السجل انا طلبة بعد ماقلتلة انا اصلا طبيب انصدم وقالي هات السجل هو على بالة اني لسى راح اطلع ادرس بكالورويوس

ما يسألون عن المعدل

امورك بتمشي زي العسل

تفائل خير

والله انا زيك بعد اسبوعين المقابله
بس انا ابي اقولهم اني ما درست والله يحلها

اخوي انا يوم اسوي المقابله في واحد معي ما جاب السجل الاكاديمي وقاله الموضف لازم تجيبه وعطاه ورقه صفره وحط علامه ع الورقه الي ناقصته وقاله ارسلها لنا ع الايميل وهو مثل قصتك يقولي ماجبت السجل لانه مايجمل

ع العموم جبه معك انت واذا اطلبو منك عطهم واذا سالو عن المعدل قلهم الصحيح وخلك واثق ولا تزيد عن إجابتك يعني قال كم المعدل قله كم معدلك وبس لا تزيد ولا تنقص


ونصيحه السفاره الامريكيه لا تكذب عليها بشي ابداً حتى لو انك تشوفه تافه

وللمعلوميه ترا المقابله سهله سهله جدا جدا حتى اذا خلصت وطلعت بتنقد ع نفسك وبتقول هاذي الي كنت خايف منها وحاسب لها حساب


موفق خير اخوي *

انت خذ معك السجل خل اوراقك كاملة عشان تكون جاهز لأي طلب
لاتخلي له مجال انه يشوف له سبب يعقدك بالفيزة وانا اخوك ترا بعضهم فيهم وصاخه مدري ليه تحس قايلين لكم على كل فيزة تنرفض 300 ريال هدية والله جد
ابد من عندي انا خذ اي مستندات تدعم موقفك عندهم هو اصلا لاشافك محجر له كل ماطلب منك شي رزيته له اخر شي بيعرف انة عندك اصرار تطلع تدرس برا وبيتساعد معك بالمقابل

اتمنى لك التوفيق يالغالي وياليت تسمع كلامي ولا يهمك المعدل انا معدلي 2.88 كلية تقنية ( جيد) واموري مشت

طيب الحين السؤال السجل الاكاديمي اترجمه انجليزي والا مايحتاج ؟
وسجل درجات الثانوية شلون مافهمتها يعني اجيب شهادة الثانوية العامة بس؟

بالنسبة لسؤالك الاول :

اذا كنت مالك فترة متخرج راح يكتفي بالوثيقه لأنة مبين فيها تاريخ التخرج ( اذا تاريخ تخرجك قريب راح تكفي )
في حاله انه كان مدة تخرجك طويله على سبيل المثال 6 شهور واكثر يفضل انة تاخذ السجل الاكاديمي ( يكون باللغة الانجليزية ) لأنة تكون مبينه التواريخ والتفاصيل الخاصة بدراستك

وبالنسبة للسؤال الثاني

بعض الموظفين يطلب الشهادة الثانوية ( بعض الموظفين ) وغالبا اللي يطلبه عشان يشيك بس
ــــــــــــــــــــــــــــــــــــــــــــــــــ ـــــــــــــــــــــــــــــ

همسة : اخوي ترا مو كل اللي يصير من مواقف مع الشباب والبنات بالمنتدى بالضرورة انه راح يصير عليك فيه ناس طلبو منهم اشياء كثير واثباتات كثير
وناس ماطلبو غير الـi20 بس مع الجواز لذلك لاتخاف ولا ترتبك كمل اوراقك والامور سهالات والله كأنك رايح تطلع رقم جوال من الاتصالات ولا موبايلي
يعني لاتخاف ولاتشيل هم واتمنى لك التوفيق

فديت قلبك يالغالي
بس انا ماتخرجت بس درست سنتين بجامعة تبوك وطلعت شلون اترجم الدرجات بالانجليزي؟