حوار ( يس أطلس ) مسلسل وحلقات طويلة من الاكاذيب والخداع !!

إحنا صار لنا نفس الوضع مع مكتب تجسير الفكر..

أنا جبت قبولي بنفسي، وأختي المكتب جاب لها القبول لأنها مبتعثة من المرحلة السادسة.. وحطوها في مدينة مختلفة.. ولما طلبنا منهم تحويلها لنفس المدينة.. قالوا أبشروا..

وشهرين وما صار شي!

بعدها رحنا اشتكينا للوزارة واعطونا ضمان مالي لها، وقدمت في معهد وفي أقل من أسبوع وصل الآي توني الحمد لله..


من جد يا جماعة.. أدخلوا مواقع وترجموا ، واتعبوا.. واطلبوا المساعدة في المنتدى والأعضاء ما راح يقصروا.. " مو تطلبون نجيب لكم قبولات " لكن اسألوا عن الترجمة وما راح نقصر..

المهم هو انكم تلقون قبول معهد.. وبعدما تدرسوا اللغة قدموا ع الجامعات.. لأن الجامعات يبغالها شغل.. البعض قدم ل 10 جامعات وجاله قبول في جامعة وحدة بس.. فلا تستعجلوا عليها.. المهم قبول المعهد، وهذا تقدروا عليه بنفسكم..


بالتوفيق..

صار لي نفس الموصوع مع المكتب مع بعض الاختلافات

^
يقآل إن قبول المعهد أصعب من قبول الجامعه : )

تخيلتي كيف ؟ الجامعه على حسب الكلام اللي اعرفه وسمعته وتأكد لي .. بيجي خلال يومين او ثلآث بالكثير .. والمعهد من اسبوعين الى ثلآث بالكثير

^

يا رجال اي معهد بالعالم اكثر مده يمكن يلطعك فيها اسبوعين !!
ومتوسط المعاهد القبول يوصلك باسبوع .. واليوم ان قاله الله بسحب فلوسي منهم وبقدم عليها من جديد
بلا مكتب بلا خرابيط عالاقل لا تأخرروا اضمن انها منهم
ربك يعين

مقتولك .. أنت مين اللي متعامل معآهـ نفس الشخصية ؟

أقسم بالله إن ما شفت انسان مثله .. ( كآذب ) ..

او انها وحده من الثنتين .. يآ إنه والله مو عارف وش الطبخه وجالس يتفلسف على روسنآ .. او إنه واحد كذآب ونصآب .. وكلهم مصيبه !!

لا والله اللي تعاملت معه اسمه " سامر عبدالله "
ادمي لسانه معسول ادق عليه مطنقر واسكر منه راضي !! نعنبوه ما صبرني هالشهور الا لسانه
لكن اليوم زابدها بوجهه زابدها .. والله اللي بالقلب ما تشيله جبال
صارت ظروف و طلعت من جامعتي .. وعاطل لي 4 شهور والسبب هو ومكتبه
وشف عاد لا تأخرت الفيزا وضاعت السنه كامله ..!!

يارجال ربك كريم سنه ولا 4 شهور .. اهم شي تكون عارف وش متجه عليه وماشي بطريق صحيح لمستقبلك وطموحك .. اهم شي بالاخير تحقق اللي تبيه

وسالفه لسانه معسول ماعليك منهم لا يقنعك وخلك صارم معاه لا تاخذ وتضحك معاه

إيش هذا الكلام!!

خذها من أهل التجربة اللي مالهم مصلحة ..

المعاهد الأمريكية من أسبوع إلى ٣ أسابيع بالكثير..

والمعاهد الكندية أقل من أسبوع..

لكن الجامعات من ٢ - ٣ شهور تقريباً..

وأي كلام غير كذا باختصار هو كذب على الطالب المسكين ومحاولة لنهب فلوسه..

والله يا اخوان احس ان المكاتب قاعده تمشينا مو احنى نمشي بكيفنا

وش اللي حادنا على هذا كله انا لاني فشلت في قبول رحت لمكتب بس والله مو عذر لاني جبته وخلصت القبول بس لانه غلط

يعني لو برجع مره ثانيه اسجل والله انها بتكون بالنسبه لي مثل التسجيل في منتدى جداً عااادي

الله يخلي قوقل ترجمه مع انه كلجه شوي ههه ههه ههه ..~~

ع العمووم يارجال خلونا نتواصل هنا

وبشرونا وش يصير عليكم

وبالتوفيق

طيب واللي يقولك .. انه يقولي .. بكرا يكون موجود قبول الجامعه ؟خلال يومين .. طبعاً الجامعه ترسل صورة من القبول ماترسل الاصل .. < طبعاً هذا كلام مكتب ثاني غير ( يس أطلس )



وبالاخير يبقى ملعوب علينآ .. ولكن الشكوى لله