الأعضاء الإشتراك و التسجيل

الملتقيات
ADs

حوار ( يس أطلس ) مسلسل وحلقات طويلة من الاكاذيب والخداع !!

حوار ( يس أطلس ) مسلسل وحلقات طويلة من الاكاذيب والخداع !!


NOTICE

تنبيه: هذا الموضوع قديم. تم طرحه قبل 2388 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. يالربع السلام عليكم
    انا واحد من الاشخاص الذين كانوا يبحثون عن قبول من هذه المكاتب
    وسبق وتكلمت عن قصتي بالتفصيل هنا في موقع مبتعث
    لكن برويها لكم من جديد, والله على ما اقول شهيد.

    ذهبت للمكتب واعطيتهم الدراهم الي هي اهم شي
    بدينا في البحث عن جامعة وقبولاتها
    وبعد ذلك بحثنا عن المعهد التابع للجامعة
    وردد ياليل مطول
    والحمدلله بعد 6 اشهر جاني القبول الجامعي والمعهد والسكن والفيزة والفرحة والفلة
    والله العظيم ان تخصصي من اصعب التخصصات
    والكلام يطول حول هذا الموضوع
    ولكن لقلة دخولي على هذا المنتدى وانشغالي في اجراءات السفر اضع لكم ايميلي لاخواني واخواتي
    واي استفسار حول هالمكتب لاني شخصيا تعاملت معه لا تترددون لاني حاسس باللي انت حاسس بيه

    ولو تبون اقابلك واوريك القبول والي تبون المهم الصبر يااخوان الصبر مفتاح الفرج
    durar65@هوتميل.com

    وانا للمعلومية بحثت قبل ماروح للمكاتب واتمرررمط واخسر قلت لا باجيب القبول بنفسي واللع من الهياط عندي
    جلست سنة و8 اشهور وانا ما عندي الا الدجة

    الين مريت هالمكتب الله يوفقهم الصراحه فتحولي باب للمستقبل وتكملت الدراسات العليا ,وووووووووووو......الخ

    اشوفكم على خير

    اللي بيواصلني انا في الرياض
    الاسكايبي saif657

    الله يوفقكم ويسهل اموركم ويفرج كروبكم
    سلام لا حلى منتدى وملتقى
    7 "
  2. اخوي انت مررررره طيب,,, انا بعد ما انصب علي من مكتبين ويس اطلس كان الثالث ونفس اليوم اللي نصبو علي فيه جاني خبر رفض من جامعتين كانت اعصابي مررررررره تلفانه


    الزبده دخلت على اللبنانيه هذيك يارا هي وخويتها وقلت قسم لو ماترجعون فلوسي لاجي انا وقبيله معي واكسر المكتب على روسكم ( طبعا بعد ماقالو لي مانقدر نرجع لك الفلوس ومرمطه اسبوعين)

    اعترف اني استخدمت اسلوب بذئ ومافيه اي نوع من الاحترام وتلفظت بالفاظ نابيه بس وربي اني اسبسب وانا معرررررق من التعب والقروشه والدوام ونصب مكاتب,,, خليها على الله بس
    7 "
  3. لاحول ولا قوة الا بالله الله يعوضك

    انا زيك كان ف مكتب بيضحك علي وسبحان الله
    انكشفوووا لاني قلت لهم ماادفع ولا ريال اللي اد اخذت القبول المشرط قالي لازم توقعين ع ورقة قلت ماراح اوقع علي شي
    وانا سويت كدا
    لانه اكتشفت انوو مالهم رقم محدد
    ويتصل علي من رقم من امريكاا
    والرقم من السعوديه
    فــ عرفت الشغله ف نصب
    واد انا اتصلت ع الرقم مره تاني يقول لي خطااء
    وكمان اللي استغربت منه طلب الجواز حقي
    وان شاء الله انا بجيب القبول بنفسي بس ابي الضمان يجي ف الاول
    7 "
  4. كفو وربي يقويك و لا تخلي حقك ههههههههههههههههههههههههه


    شوف كال عمرك من بعد اذنك ب اقول لكم سسالفتي مع المكتب هذآ

    انا متعامل مع المكتب هذا بس اذا انت قصد شادي الي يجي ب الليل هذا م ادري عنه

    انا طبعا ب الرياض وجيتهم ب المكتب الي في برج البحرين الدور الثاني

    اول جياتي لهم كانت نهايه رمضان جيت الساعه 10 الصبح قابلت سهى و كان عندها المدير عبدالرحيم و معاذ

    المهم قالت لي 1500 مقدما و 1500 بعد م يجيك القبول

    وعطيتهم اسسم جامعتي و 1500 وكنت داج والله م اعرف ولا شي عن الجامعات والمكاتب و عن اي شي

    وجاني القبول بعدها ب شهر ب الضبط ورحت لهم وقالو لي عطنا 1500 الدفعه الثانيه و 400 ريال عشان نضبط لك الابلكيشن ونحجز لك موعد ب السسفاره

    قلت وش وش وش !

    آي 400 ريال

    قال عشان نحجر لك طبعا النقاش هذا كان مع الموظف معاذ اول م قال لي 400 ريال تذكرت كلام الناس يقولو
    المكاتب تلعب عليكم وتاخذ الفلوس ومن هـ الكلام المهمم

    على على طول عصصبت وبغيت امحطه ب الكرسسي هو على طول خاف وقمط وجهه هههههههههههه << قال ليتني م قلت لهه 400 ريال

    وقال دقيقه ب انادي المدير عبدالرحيم وتفاهم معه <<< طبعا عندهم نضام جديد ب البرج ممنوع تدخل المكاتب تروح عند الاستقال وتقول له المكتب الي تبي و تروح تجلس في مكان نفس الصاله طبعا هو قال لي اسسمه ب الانجليزي بس م اعرف هههههههه و هو يكلمهم ويجونك


    المهمم جاني المدير و قلت له قالو والله حنا كذا نظامنا قلت ي حبيبي الموظفه ب البدايه قالت لي 3000 المجموع 1500 دفعه اولى و 1500 دفعه ثانيه و شامله قبول الجامعه

    وقبول المعهد و الاسستقبال في المطار وحجز السسكن و ننحجز موعد لك ب السسسفاره

    قال خلاص ب اخليها لك ب 200 ههههههههههههههههه

    طبعا يوم قال كذا عرفت ان الدعوه نصصب في نصصب قلت اذا بتلف وتدور من الحين ترا تصصرفي معك ثاني هههههههههههه

    قال لا والله واسسف وخلاص عشانك مجانا قلت انا م ابيها مجانا و لا شي انتم قلتو 3000 يعني 3000


    وجات مشكله الي هي الجامعه طلعت مكدسسه الي هي كآليفورنيا ستيت يونفيرستي لونق بيتش


    وقبل امسس كنت عندهم وعطيته اسسم الجامعه الجديده و قال لي عطنا زياده عن الدفعه الثانيه 900 حقت الابلكيشن قلت والله الخطا خطاكم انتم الي اعطيتوني

    جامعه مكدسسه وانتم تقولون لي ان نعطيك جامعه موصصى فيها ولسست مكدسسه قال خلاص عطنا حاليا الدفعه الثانيه عشان اذا قال لنا مكتبنا الي ب نيويورك وين فلوس الابلكيشن نعطيهم الدفعه الثانيه

    قلت اوكي بس خلونا كذا حبايب والله ان لفيتو ودرتو معي لا تلومون الا نفسسكم

    وبث هههههههههههههههههههههههههههههههههههههههه


    الزبده سواء يس اطلس او اي مكتب غيره خلوكم منتبهين لهم ولا تعطونهم الفلوس كامله و حقكم لا يضيع


    وسسلآمتكم << وادري السسالفه طويله ههههههههههههه
    7 "
  5. ^


    ما شاءلله للحين هالموضوع متفاعلين معاهـ .. هههههههههه

    نسيته ونسيت سالفته الله لايعيدهآ من ساعه معاهم .. الحمد لله أنا حالياً في أمريكا وأدرس وأموري تمام

    بس ما شاءلله في تفاعل بعد فترة طويله

    الله يوفقنا واياكم
    7 "
4 من 4 صفحة 4 من 4 ... 34
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.