حوار ( يس أطلس ) مسلسل وحلقات طويلة من الاكاذيب والخداع !!

لاحول ولا قوة الا بالله الله يعوضك
ياجماااعه سجلو بانفسكم وربي متعه وخبره واطمئنان وتعزيز الثقه بالنفس لانك تراه انجاز مع انه بسيط جدا بالنسبه للقادم

الله يكون في عونك
طيب ايش المكاتب الي تنصحوني اقدم فيها ؟
مع العلم انا من سكان جده

ياحوول .. ياخوي ..الله يعينك .. ياولد ماشاء الله عليك كيف صبرت ..؟

طيب لقيت ..مكاتب ثانيه ..؟
بعدين الجامعه وين .. اذا تبينا نخدمك فيها ابد ..

الله يوفقك اخوي

الواحد فينا يقعد على اعصابه ينتظر القبول وهم راقدين والله وتحصله ماسوا شي

لكن نصيحه لـ اهل جده ............... مكتب maasa اللي في اعلى الصفحه

لاحد يروح له الموضوع ماهو قطع ارزاق ياناس بس والله ثم والله انه حارق اعصابي انسسسسان بااااارد جداً جداً جداً ولاهو حمل مسئوليه مثل قبول

بأختصار في خلال العشر ايام هذي وعدني 3 مرات ان قبول المعهد يكون جاهز ومن الثقه يقولي بكره تعال وخذه < ركزو على هذي

المهههههم بقولكم وش صار معي اليوم

رحت له الساعه 10 الصبح اليوم وهو ( اليوم 10 منذ تسليم نص المبلغ والاوراق )

اخبارك كمال كيف اختبارات الجامعه ووو............

كمال ياخي ماهي حاله وعدتني 30 يوم ويكون قبول المعهد والجامعه جاهزين وانت للحين ماجبتلي ولا قبول حتى المعهد

وكـالعاده يسكت والابتسامه اللي ماتدري وش تقول .!!!!!!!!

الا والرجال يوقف من المكتب ويفك الدولاب ويطلع حدود 20 ملف ويقعد يدور اسمي ويطلعه

ويعطيه الموظف اللي جمبه ويقوله معهد انلنقو فورت لدريدول 3 شهور سكن مع عائله الدراسه نهاية اوقست

واطالع فيه مصدوووم قلتله بالله 10 ايام معلقني وماسويت شي

ياخي مشغول قلي تعال في وقت ثاني بس تعشمني على امل و 3 مرات توعدني ان بكره بيجي الاي توني وانت ماسويت شي ولا فتحت الملف ....ومن ذا الكلام

سكت ماعرف وش يقول وابتسم نزل راسه قالي اعطيني 3 اسابيع كحد اقصى

قلتله موعدي معك باقيله اسبوعين كحد اقصى غيره اسمحلي ماقدر قالي ابشر

انتهى الموضوع هنا وابشركم قالي بكره يجيك الاي توني ..........انصدقه ولا ؟؟؟؟؟؟

هذي قصتي واتمنى محد يطيح في الموقف اللي صار معاي

واللي يبي مكتب ممتاز في جده والله اني قبل ماروح لـ ماسا مريت على واحد ممتاز اللي يبي عنوانه يراسلني

وانا ندمااان ومتحسف اني مارحت له بس وش نسوي هذا المكتوب

اشكرك صاحب الموضوع صدقني حاس فيك

ماكني كتبت شي!!!!مدري ليه انتم كسلانين

اختي الانقلش الله يحفظك

اللي يروح على المكاتب ويدفع اكيد بياخذ ايصال
وشرط استرجاع المبلغ هو اذا ماحصل قبول يسترد المبلغ كامل
طريقة مراسلة الجامعة عن طريق الايميل ماله شغل فيدكس عشان ياخذون المبلغ
اذا الايصال موجود مبلغك تاخذه كامل لكن تسوي بلاغ عن المكتب وانه حددلك مهلة وعندك الايصال وتشوف كيف تصير وجيه اصحاب المكاتب؟نقطة يغفل عنها الكثيرين وهي التبليغ
يمكن البعض يقول المبلغ عادي صحيح عادي لكن يلعبون عليك وعلى غيرك
والقانون لايحمي المغفلين

منكسر وصآبر .. الشكوى لله غصب نصبر ..


أيه مقدم حالياً عند مكتب مستقبلي .. والله يعين ولا يصير نفس الشي اللي صآر لـكن متفآئلين خير إن شاءلله


_______

هيثم .. نصيحه مني لآ تحرق اعصابك وتصدق شي .. الا اذا شفته قدام عيونك ويكون الاصل .. بكذا تقدر تصدقه غيرها لا هههه والله ييسر الامور ان شاءلله


_______

الاكتفاء .. السالفه مو سالفه كسسل .. لكن اللي مآعندهـ لغه وش يسوي ؟ على فكره قبل ماروح للمكاتب واقدم عليهم حاولت اسجل بجامعه وكملت اول صفحه وبعدها مدري وش صار ههههههههههههههههه الله يسهل ويوفقنآ جميعاً

الظاهر انك تقصد العقد لان هو اللي يحميك ويحميه شفته في بعض المكاتب

لكن ابشرك مكتب ماسا مايعطي عقود يعطيك ايصال علشان كذا انا نزلت قصتي المقصد تنبيه الاعضاء