الأعضاء الإشتراك و التسجيل

الملتقيات
ADs

حوار ( يس أطلس ) مسلسل وحلقات طويلة من الاكاذيب والخداع !!

حوار ( يس أطلس ) مسلسل وحلقات طويلة من الاكاذيب والخداع !!


NOTICE

تنبيه: هذا الموضوع قديم. تم طرحه قبل 2392 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية البروفيسور الهلالي
    البروفيسور الهلالي

    مبتعث مجتهد Senior Member

    البروفيسور الهلالي الولايات المتحدة الأمريكية

    البروفيسور الهلالي , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى - , بجامعة UMBC
    • UMBC
    • -
    • ذكر
    • Baltimore, -Maryland
    • السعودية
    • Jul 2010
    المزيدl

    June 1st, 2011, 12:38 PM

    السلام عليكم ورحمة الله وبركاته

    نبدأ بالسسسآلفه على طول :$


    نصيحه لكل واحد يبي يقدم على هالمكتب يآخذ حذرهـ منهم .. انا كنت ابحث عن افضل المكاتب اللي يجيبون قبولآت بمصداقيه ولآ يهم السعر اللي يآخذونه .. دورت وقريت وبالصدفه دخلت موقع مكتب ( يس اطلس )

    حصلت في موقعهم معلومات تسجلها ويتصلون عليك .. سجلت فيهآ وبنفس اليوم اتصلوآ علي .. وطلب الاوراق ارسلها له وان الامور ان شاءلله تصير سهله والقبول بيجي بسرعه .. قفل الخط .. وقلت شكله مكتب ممتاز ومحترمين

    اخذت الاوراق وطلعت لمكانهم في طريق الملك فهد ( برج البحرين ) .. وعطيتهم الاوراق والمبلغ اللي يآخذونه 2000 ريال قبل القبول ومثلهم بعد مايجيب القبول .. يعني 4000 ريال .. قلت له أوك مافي مشآكل لكن القبول كم رآح من وقت .. قالي من شهر الى شهرين

    لكن طلبت منهم يجيبون لي جامعه في مدينه انا ابيها .. قالي اوك نجيب لك اللي تبيه

    ثآني يوم ويتصلون علي يقول احنا متعاقدين مع جامعه في اوهايو والقبول بنجيبه لك من عندها اضمن واسرع واسهل

    قلت أوك اللي تشوفه واقتنعت بكلآمـه على اساس الجامعه متعاقدين معهآ

    * نقطه مهمـه .. قبل ما اعطيه الـ 2000 ريال مقدم قلت له لو ما جاء قبول أسترجع فلوسي ؟

    قالي لو ما جاء قبول .. اذا تحب نرجع نقدم لك على جامعه ثانيه او اذا ماتبي تسترجع فلوسك ويخصم منها حق الفديكس والابليكشن

    قلت كم يعني بيخصم ؟ قالي تقريباً 900 ريال .. < ركزوا على هالنقطه هذي بالذات لآن تحت بتشوفون التناقض على اصوله

    المهم اتفقنا وكل شي وعدآ اول اسبوع .. واتصلت عليهم قلت بشوف ارسلوا الاوراق ايش صار سووا شي

    اتصلت عليهم وقالي ناقص خطاب الغرض من الدراسه الجامعه طالبينه .. جبت لهم الخطاب وسلمته قال اوك الحين اوراقك كامله

    ويتصل علي بعدها بـ 3 ايام ويقول جيب لنا توصيه من المدرسه !!


    خلصنآ من الطلبات هذي قال الحين اوراقك كامله وبنرسلهم وننتظر الجامعه يردون علينا من شهرين الى ثلآثه .. واول الكلام يقولي من شهر الى شهرين ..

    المهم مآطولهآ عليكم .. اخذت الاوراق من اول ما سلمتها عندهـ الى اكثر من 4 شهور .. وانا كل هالفترة اكلمهم ويقول نكلم الجامعه ومايردون .. ونرسلهم مايردون وانواع التصريف

    اخر شي طلبت مديرهم وكلمته وقلت له السالفه كذا كذا كذا .. قال خلاص تجي عندي واكلم لك الجامعه بالتلفون ..

    كلمهم بنفسه يقول .. وبعدها بأسبوع يتصل علي ويقولي الجامعه ردوا علينا ووصل بأنه تم الرفض

    قلت أوك خيره إن شاءلله .. والله يعوضني بالافضل .. قالي تحب نقدم لك على جامعه ثانيه ؟ قلت لأ .. أبي فلوسي

    قالي اوك برسل ايميل للإدارة وارد عليك < طبعاً كلمه ارد عليك يعني انا فهمتها من تعاملهم يقولها لي ويسحب علي واجلس ادق عليهم بالتلفون المــن احرقه ولا يردون .. طلعت لهم المكتب وقلت ايش صار قال فلوسك ممكن يخصم منها حق الفديكس وكذا

    قلت ايوه كم يخصم يعني ؟ قال تقريباً 500 ريال .. وأول قبل اسلمه الفلوس يقول 900

    قلت طيب عطني الفلوس قال بيردون الادارة واكلمك ..
    واجلس اسبوعين واروح لهم وتهاوشت معاه وبالاخير يقول فلوسك ما ترجع لك !! < انواع التناقض
    ليه يآبو الشباب .. يقول الادارة يقولون نقدم لك من جديد بس فلوس لآ .. صار نقاش حاد معاه وقالي طيب نرجع لك نص المبلغ

    قلت له غير 500 ريال ما تخصمونها .. قال خلاص ممكن يخصم 700 او 800 < طبعاً مارضيت وقال خلاص يصير خير عطني شوي وارد عليك .. وكالعاده لا اتصل ولا شي ..


    ^

    حبيت انبهكم من هالمكتب وهذي قصتي معآهـ .. ( يعني تسحيب ومرمطه و4 شهور واخر شي رفض .. ويقول ما اعطيك فلوسك )

    طبعاً حقي ما بتركه ان شاءلله لو ريال واحد بس احذروآ هالمكتب .. ( اللي تعاملت معاه آسمه .. شآدي الشوملي )
  2. الواحد فينا يقعد على اعصابه ينتظر القبول وهم راقدين والله وتحصله ماسوا شي

    لكن نصيحه لـ اهل جده ............... مكتب maasa اللي في اعلى الصفحه

    لاحد يروح له الموضوع ماهو قطع ارزاق ياناس بس والله ثم والله انه حارق اعصابي انسسسسان بااااارد جداً جداً جداً ولاهو حمل مسئوليه مثل قبول

    بأختصار في خلال العشر ايام هذي وعدني 3 مرات ان قبول المعهد يكون جاهز ومن الثقه يقولي بكره تعال وخذه < ركزو على هذي

    المهههههم بقولكم وش صار معي اليوم

    رحت له الساعه 10 الصبح اليوم وهو ( اليوم 10 منذ تسليم نص المبلغ والاوراق )

    اخبارك كمال كيف اختبارات الجامعه ووو............

    كمال ياخي ماهي حاله وعدتني 30 يوم ويكون قبول المعهد والجامعه جاهزين وانت للحين ماجبتلي ولا قبول حتى المعهد

    وكـالعاده يسكت والابتسامه اللي ماتدري وش تقول .!!!!!!!!

    الا والرجال يوقف من المكتب ويفك الدولاب ويطلع حدود 20 ملف ويقعد يدور اسمي ويطلعه

    ويعطيه الموظف اللي جمبه ويقوله معهد انلنقو فورت لدريدول 3 شهور سكن مع عائله الدراسه نهاية اوقست

    واطالع فيه مصدوووم قلتله بالله 10 ايام معلقني وماسويت شي

    ياخي مشغول قلي تعال في وقت ثاني بس تعشمني على امل و 3 مرات توعدني ان بكره بيجي الاي توني وانت ماسويت شي ولا فتحت الملف ....ومن ذا الكلام

    سكت ماعرف وش يقول وابتسم نزل راسه قالي اعطيني 3 اسابيع كحد اقصى

    قلتله موعدي معك باقيله اسبوعين كحد اقصى غيره اسمحلي ماقدر قالي ابشر

    انتهى الموضوع هنا وابشركم قالي بكره يجيك الاي توني ..........انصدقه ولا ؟؟؟؟؟؟

    هذي قصتي واتمنى محد يطيح في الموقف اللي صار معاي

    واللي يبي مكتب ممتاز في جده والله اني قبل ماروح لـ ماسا مريت على واحد ممتاز اللي يبي عنوانه يراسلني

    وانا ندمااان ومتحسف اني مارحت له بس وش نسوي هذا المكتوب

    اشكرك صاحب الموضوع صدقني حاس فيك
    7 "
  3. اللي يروح على المكاتب ويدفع اكيد بياخذ ايصال
    وشرط استرجاع المبلغ هو اذا ماحصل قبول يسترد المبلغ كامل
    طريقة مراسلة الجامعة عن طريق الايميل ماله شغل فيدكس عشان ياخذون المبلغ
    اذا الايصال موجود مبلغك تاخذه كامل لكن تسوي بلاغ عن المكتب وانه حددلك مهلة وعندك الايصال وتشوف كيف تصير وجيه اصحاب المكاتب؟نقطة يغفل عنها الكثيرين وهي التبليغ
    يمكن البعض يقول المبلغ عادي صحيح عادي لكن يلعبون عليك وعلى غيرك
    والقانون لايحمي المغفلين
    7 "
  4. منكسر وصآبر .. الشكوى لله غصب نصبر ..


    أيه مقدم حالياً عند مكتب مستقبلي .. والله يعين ولا يصير نفس الشي اللي صآر لـكن متفآئلين خير إن شاءلله


    _______

    هيثم .. نصيحه مني لآ تحرق اعصابك وتصدق شي .. الا اذا شفته قدام عيونك ويكون الاصل .. بكذا تقدر تصدقه غيرها لا هههه والله ييسر الامور ان شاءلله


    _______

    الاكتفاء .. السالفه مو سالفه كسسل .. لكن اللي مآعندهـ لغه وش يسوي ؟ على فكره قبل ماروح للمكاتب واقدم عليهم حاولت اسجل بجامعه وكملت اول صفحه وبعدها مدري وش صار ههههههههههههههههه الله يسهل ويوفقنآ جميعاً
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.