5 ايام في لوس انجلوس والمشرف ادق عليه مايرد
بسم الله الرحمن الرحيم
صارلي 5 ايام ادق على المشرف الدراسي لا حس ولا خبر وانا اللتمس له الاعذار مره اقول ويك اند مره عيد العمال ومره يمكن نايم ومره يمكن يتغدى
لاكن طفشت قلت بشتكي عليه .. وادور ارقام الملحقيه مالقيت الا رقم الطواري
دقيت على الارقام كلها محد يرد !!!!!!!!!!!!!!!!!!!!!!!!!!!!!!!!!!!!!!!
لايكون صار تفجير في الملحقيه ولا وش السالفه
على مين ادق طيب ؟؟؟
رد: 5 ايام في لوس انجلوس والمشرف ادق عليه مايرد
ههههههههههههه
اما عااااااااااااااد انفجار
فال الله ولا فالك
يمكن اخوي انت تكلمهم بوقت غير مناسب
معروفان المشرفين مايردون الا بطلعة الروح
فانت اختار افضل وقت
وطبعا افضل الساعة 9 بتوقيت واشنطن
انا اول كنت اقوم اصلي الفجر وادق عليهم
على الساعة ست الا ربع او ست الا عشر ادق عليهم
طبعا الساعة ست بتوقيت كاليفورنيا
جرب معهم بكرة متاكدة بيردون
رد: 5 ايام في لوس انجلوس والمشرف ادق عليه مايرد
شوف حبيبي تلفونات تطلع روح العفريت ما يردو! إيميلات يردو.
بس من جد شكلها فيها هرجة لأني أرسلت إيميل لكذا واحد في الملحقية وقبببببببببببببببببببببببببببببببببببببببببببببببب ببببببببببببببببببببببببب أليييييييييييييييييييييييييييييييييم!
الله المستعان
رد: 5 ايام في لوس انجلوس والمشرف ادق عليه مايرد
خلك وسيع صدر
صارت معي أربع اسابيع ورا المشرفة
عشان تعطيني ضمانات مالية للتقديم للجامعات
وكنت كل يوم إيميل
لين طفشت بعد كل هالمدة
وأرسلت إيميل لمشرفي قسم مبتعثي الجامعات كلهم
بعدها ردت .. ولما وصلت الضمانات كانت بعض الجامعات فاتت التقديمات لها
وكنت طالب 12 ضمان للجامعات .. لكن يبدو كانت تحب توفر وعطتني 5 ضمانات
عاد تخيل كم جامعة قالوا تأخرت علينا بالتقديم.. لاعاد تقدم
عشان ما أضلمها شيكت إيميلي من بداية الطلب الى تنفيذه مع المنه 26 يوم
هذا بعد الإزعاج لكل زملائها المشرفين ردت والا كان يمكن للحين
الله يعين.. خل أخلاقك عالية ولا تغلط على المشرف ..
أنا الحين أنتظر رد جامعة وحده
أدع لي بالتوفيق
وهالمشرفة أقول الله يسامحها
أتمنى لك التوفيق
.....
رد: 5 ايام في لوس انجلوس والمشرف ادق عليه مايرد
ماعندي اميله المصيبه في الورقه الي عطتني الملحقيه بس رقم مافي اميل وش الحل يا جامعه ابغا اقدم على جامعات وابغا اغير تخصصي وابغا منه الضوء الاخضر عشان لا اسوي شي من كيفي
رد: 5 ايام في لوس انجلوس والمشرف ادق عليه مايرد
انت لك خمس ايــام انا لي عشره الان ,....!!!! يعني مادري اروح لهم مثلا........؟
بديت ارسل ع اي ايميل وادق ع اي رقم
الله يعيننا بـس ويعدي هالمرحله ع خير ..
رد: 5 ايام في لوس انجلوس والمشرف ادق عليه مايرد
طيب اشتكي احد معين ولا اكلم مين ولا وش السوات نبي حل يا جماعة الخير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رد: 5 ايام في لوس انجلوس والمشرف ادق عليه مايرد
اليوم السادس ودقيت من بعد الفجر لين العصر مافي جواب وش الحل :(
رد: 5 ايام في لوس انجلوس والمشرف ادق عليه مايرد
اشتكي لمين ياجماعه احد يعطيني اميل ارسل له مشكلتي اي شي ابغا اتواصل مع احد مسؤول في الملحقيه من بدايتها كذا ؟؟؟ !!!
رد: 5 ايام في لوس انجلوس والمشرف ادق عليه مايرد
اقتباس:
المشاركة الأصلية كتبت بواسطة Fahad los angeles
اشتكي لمين ياجماعه احد يعطيني اميل ارسل له مشكلتي اي شي ابغا اتواصل مع احد مسؤول في الملحقيه من بدايتها كذا ؟؟؟ !!!
أهم شيء لا تيأس
سو مثلي
اعتقد قرأت قصتي فوق قعدت حدود شهر
خلك وراهم ...
أنا كنت من الفجر أدق عليهم لأن توقيتهم يفرق عنا 3 ساعات..
خلك صبور..
أنا طلبت من مشرفتي بالملحقية طلب من ثلاث أسابيع وللآن
كل يوم اتصال وإيميلات وأسجل رسائل صوتية
وفوق كذا مشرفتي الأمريكية بالجامعة تتواصل معها من أكثر من أسبوعين
تقولي اليوم مومعقول حالة مشرفتك بالملحقية غريبة
سألتني هل هي بإجازة قلت لا.. وأنا متأكد لأني
من كثر ما أشغلت الملحقية ردت سكرتيرة القسم وقالت مشرفتك موجودة ومو بإجازة
لكن ضغط العمل
عاد مشرفتي الأمريكية بالجامعة من أسبوعين وهي تتواصل معها
قالت لي بالإنجليزي هذا This is odd
تصدق إنها طفشت من تعامل مشرفين الملحقية
لكن أهم شيء نفسي طويل .. ولا أضيق خلقي لين يردواا!!!!
..