السلام عليكم ورحمة الله وبركاته
ارجووو التكرم بمساعدتي
بدون مقدمات
ابي اقدم على البعثة لمرحلة الماجستير
بس عندي مشكلة بسالفة المحرم
حبيت اسالكم
ينفع لو قدمت واجلتها لين ما الاقي احد يطلع معاي
لان محرمي اللي هو اخووووي باقي ماخلص جامعته هنا
في مجال اني اقدم واجيب القبول بس اني ااخر الطلعه لين ماشوف وضعي
ولا مايرضوون :(
بلييييييز شوورووو علي لاني محتارة بين انني اقدم واشوف وش بيصير من ظروف ويمكن تتيسر
وبين انه ممكن يرفضون وماينفع ارجع اقدم لو وش ماسوي :(:(:(
يعني في امل اصير مبتعثة ولا ببطي عظم وانا مع وقف التنفيذ:(بمعنى اوضح معصي تطلعين:p
وسوووري ع القروشة اذا قروشناكم
وشكرا للي بيدقون الصدر ويفزعووون لي بالرد ع الاستفسار
بالتوفيق للجميع
