السلام عليكم
اثاري عقدة التوفل حتى عند المبتعثين !
انا ان الله اراد بدرس بامريكا وان شاء الله وبحيل اللي ما تنام عينه اني ماني طالع من السعوديه الا معاي توفل
دخلت الاختبار مرتين الاولى التحضير كان عادي جدا وتفاجئت بدرجه جيده ( 53 \ 120 ) وكنت راضي عن الدرجه لاني اول مره اختبره
المره الثانيه جبت العيد مع اني استعديت قبل سبوعين للاختبار وتفاجئت بدرجتي
بحكم اني دخلت الاختبار مرتين فصارت عندي خبره واصعب الاجزاء بالاختبار هي الريدنق واللسننق
واهم اسباب صعوبتها انها تكون بمواضيع شاطحه زي ما ذكرت عن الحيوانات والبيئه وعلم الفلك .. الخ
لكن هالشي ما اتوقع انه يخلي المهمه مستحيله انك تأدي بالاختبار بهالقسمين بالذات
الاسئله عادتن تكون عن معنى كلمه او فكره وا قصد منوه له الكاتب او سؤال يعتمد
على مهارات الانقلش مو كيف يرصد العلماء البعد بين النجوم او وش مكونات النسيج الظام عند الضفادع !
اما بالنسبه للوقت ومسألة ان الاختبار لقياس السرعه مو لقياس مستوى اللغه وان الطالب فاهم او لا
فهذي انا اتفق معاك فيها .
لما تكون القطعه عن شي معقد انت مضطر انك تقرا وتفهم وتستوعب اكثر خصوصا اذا كانت الاجابات متقاربه جدا,
او انك تحتاج لوقت اكثر من الوقت المحدد للتحضير للاجابه ( سبيكنق & رايتنق )
بس مع التدريب اتوقع ان هالمشكله ما راح تأثر كثير .
بالنسبه للاستعداد للاختبار اذا كنت ناوي تدخله , كل واحد وله طريقته فيه اللي يفضل يقرا من كتاب
وفيه ناس تشوف ان التدريب من هالكتب ممل شوي ويحتاج جهد اكثر ويفضلون انهم يتابعون فيديو
يخص التوفل مع ناس متخصصه وخبراء بالتوفل.
عن نفسي ما احب قروشة الكتب الزايده اللي احس ان مضيعة الوقت عليها اكثر من فايدتها ( رايي ^_^ )
جرب تتابع على اليوتيوب وانصح بقوه دروس واحد يقاله : Michael Buckhoff
هذا الانسان عارف كل الكفت حق التوفل وبصراحه مع متابعة دروسه + تدريب حسيت ان مستواي صار افضل بعقدة الريدنق عندي
خذلك فره على قناته باليوتيوب :
YouTube - ‪mbuckhoff1965's Channel‬‏
اذا جازلك شرحه له برنامج خاص للي يبون يختبرون توفل وقيمة الاشتراك 29 دولار تقريبا للشهر
29 دولار وتطلع بفايده وادراك وفهم اكثر لتكتيكات الاجابه من الكتب اللي قيمتها توصل 90 دولار ^_*
هذي رابط موقعه وفي شرح عن البرنامج واذا عندك اي استفسار راسله عالايميل :
The 7 Step System to Pass the TOEFL iBT + Speak Clearly
وافضل شي عند هالادمي انك لما تراسله ببريد ما يرد عليك ببريد .. لا يرسلك مقطع فيديو مخصص لك انت ويجاوبك على تساؤلاتك هو بنفسه
هذا غير الاهتمام الخاص اللي راح تلاقيه لما تكون مشترك ,, بتلاقي الاهتمام على اصوله
اتمنى اني اكون افدت جميع اللي اللي ناوين يدخلون الاختبار , واسأل الله العلي العظيم ان يوفقنا وياكم
اخوكم : خالد العنزي ,
كـان زمـان June 13th, 2011, 04:03 AM
وياك يا رب ... ما قصرت أخوي ^_^