اخوكم لدية استفسار بخصوص شركات الطيران

السلام عليكم ورحمة الله وبركاته

اخواني انا عندي سؤال محيرني الصراحه ومحتاج لأراء مرو بالتجربة

اخواني انا محتار بين الخطوط السعودية وشركات طيران ثانية والسبب اللي محيرني الملحقية

انا اللي فاهمة انه السائق الخاص بالملحقية مايجي للمطار الا اذا كانت احد طائرات الخطوط السعودية قادمة والصراحه كلنا نعرف كيف اسعار التذاكر بالمقابل فيه شركات تأخذ اقل من قيمة التذاكر اللي تباع من عند الخطوط فآ انا محتاج لرأيكم

س/ هل بالامكان لو سافرت على اي خطوط غير الخطوط السعودية اقدر اخلي الملحقية ترسل لي سواق او اي شخص يستقبلني

س/ كيف اتواصل مع الملحقية ؟؟



تقبلوو تحياتي والله يجزى كل شخص مر على موضوعي حتى بدون مايجاوب او يعلق الف عافية وخير

وعليكم السلام ورحمة الله وبركاته

نعم اخوي أحجز وانت مرتاح الملحقية راح تستقبلك على اي خطوط مو بس السعودية ، العلم هذا اخذته بنفسي من سواق الملحقيه.. لكن احتياطا قبل ماتمشي عبئ نموذج استقبال مبتعث في موقع الملحقيه ( لو ان السواق ما قالي عبئ شي ، يقول دايم موجودين قي المطار)

وعشان ترتاح اكثر هذا رقم سواق الملحقيه عشان تتاكد بنفسك : ( محمد خلف الله 0012027290341 )
والله يوفقك

دعواتك لي *

روح الله يوفقك وويسر امرك ويشرح لك صدرك مثل ماريحتني بردك وبيض الله وجهك يالغالي

ماعندك اي مشكلة يستقبلونك على اي خطوط بس لازم تعبي النموذج عشان السواق حق الملحقية تجيه الاسماء وبتلقاه ينتظرك بالمطار

اقتباس:

---

المشاركة الأصلية كتبت بواسطة no problem

ماعندك اي مشكلة يستقبلونك على اي خطوط بس لازم تعبي النموذج عشان السواق حق الملحقية تجيه الاسماء وبتلقاه ينتظرك بالمطار

---

ماقصرت على اهتمامك يالغالي بس حاولت ادور النموذج ولا حصلتة اكفون حطو لي الرابط اذا ما اكلف عليكم

جزاك الله خير اخوي على دعواتك والله يوفقنا واياك والجميع ،،

تفضل هذا رابط النموذج :

إشعار بوصول مبتعث جديد الى واشنطن العاصمة

الله يعافيكم ابي اعرف شغله
الحين سواق الملحقيه يستقبل كل الطلاب الجايين لي امريكا ولا بس المبتعثين
يعني انا بروح ادرس علي حسابك راح يستقبلني بالمطار ولا كيف وضعي لان دخلت ع الاشعارات بموقع الوازراه وطالبين قرار الابتعاث؟؟

كل اللي رآيحين امريكا على حسابهم واللي مبتعثين ..

فيه رحلات يكون موعد وصولها قريب من الخطوط السعوديه قبل او بعد بنص ساعه مثلا زي ماصار معي جيت عالقطريه