القناعه .. كنزُ من لاكنز له ..!

June 6th, 2011, 09:18 AM

السلام على من إتبع الهدى ..

مدخل:

قبل حوالي السنه من الآن كتبت رد على موضوع لأحد الإخوان كان يتذمر من كل شي في حياته خصوصا بما يتعلق بالبعثه ... *نال ردي الكثير من الإعجاب رغم انه لم يكمل يومه الأول إذ تم حذفه للأسف .. لذا أرجوا من الإخوه الإداريين عدم حذف الموضوع حتى لو كان هذا لأيام معدودات فقط.. لا لشيء فقط للتذكير *

لنبدأ ...


من خلال تجربتي المتواضعه مع الإبتعاث إكتشفتُ ان اكثر مايجيدهُ المبتعث السسسعودي وللاسف الشديد (التذمر) ... *أكثر بكثير من عشقهُ ( للكبسه والبيك)*
فمنذ ان تم الاعلان عن المرحله الخامسه للإبتعاث ( والتي ولله الحمد تم قبولي فيها ) وأنا أتردد على عدة مواقع لعلي أستفيد وأجد مايعينني على أمر الابتعاث بعد الله .. لكن وللأسف الشديد كنتُ اجني على نفسي دون علم مني ..*
فمجرد دخولي المنتديات كان أول مايواجهني عدة مواضيع ان لم تكن الغالبيه عن التذمر والتشكي حتى قبل أن يبدأ المششوار الفعلي لرحلة الإبتعاث ...
فهذا يتذمر من موعد التسسجيل .. وهذه تتذمر من تردد زوجها في قبوله لبعثتها وغيره ...

الآن بدأ التسسجيل .. تجد من يتذمر من التزاحم على موقع التسجيل ومن يتذمر من المعلومات المطلوبه وغيره ... كل هذا يعتبر مدخل لًـ ( عالم التذمر الا محدود )*

الأن تم الإعلان عن أسماء المقبولين مبدئيا .. ولتبدأ رحلة ( ويل حالي ) :
1-*
إحنا مانعرف إنجلش ايش راح نسوي اول مانوصل ياويلي بنضيع *.= حطوا لهم دورات لغه انجليزيه = لاحووول ماعندنا وقت ولا مواصلات ولا فلوس للتوصيل ايش هذي المسخره *= عطوهم مكافأه رغم انه دورة الإنجلش المجانيه كانت في مصلحتهم = لاحووول الفلوووس قليله ايش هذا جالسين نشحذ احنا ؟!
***
2-*
يووه مانعرف نجيب قبولات ليش ماتجيب لنا الوزاره = جابوا لهم قبولات = لاحووول ايش هذا المعهد زفت الولايه زفت ايش هذا ؟! *= قالوا طيب غيروا قبولاتكم = يووه الشغله فيها دفع فلوس ايش هذاااا !!!*

3_
حطوا مجموعة طلاب في كاليفورنيا ( وانا وحده منهم ولله الحمد غيرت) = غاليه يوووه = غيروها = لا كالي ونااسه وفله = غيروا لولايات ارخص = لا ممله يوووه بارده طفشششش !!!!*

4-
حطوا في معهد نظام سمستر = يوووه سيء المعهد ايش هذا = طيب تداوموا انتم ؟ = لاااا نبغى نغير = غيروا المعهد = لا مابغى هذا بعد صعب جدا = غيروه = لا هذا معهد ملل !!!!!!= غيره= يووه هذا كله سعوديين كيف راح نتعلم !!!

5-
يووه المكافأه قليله = انت متزوج = لا ئ= ولايتك غاليه = لا = طيب فين المشكله = مايمديني اروح للنايت كلب او اكشخ قدام الاجانب ؟؟؟!!!

6-
انا اتنقب وابغى معهد نسسائي = طيب انتي في امريكا وهذا شي متوقع = لا مالي شغل ابغى مكان مافيه الا بنات = طيب اذا كذا السعوديه افضل لك علشان ترتاحي نفسيا = لا ابغى امريكا = طيب امريكا كلها اختلاط في اختلاط بس محد راح يذيك = مالي شغل ابغى مكان للنساء فقط ????!!

7-
انا عندي ولد ووفلوسه ماتكفي للحضانه تعب ماعندي وقت للدراسه = تيب انتو في بعثه لفتره قصيره يعني ولد يكفي = اوكي = كل سنه ولد !!!!!

8-
مجموعة بنات في الكلاس مع بعض وجنب بعض = نبغى نتعلم انجليزي = بعد الكلاس يجلسون شلة بنات وهات سوالف وطبخات وكل وحده حكايه عن زوجها = يوووه ايش هىا المعهد الخايس ماتعلمنا ولا شي= طيب مارستي اللغه = لا بس صرت اعرف طبخات وقصص كثيره= وكيف راح تتعلمي اللغه وتمارسيها وانتي مع الشله ؟؟؟؟

9-

يافلان لاتمشي مع علان تراه مو منا = طيب احنا هنا نتعامل مع يهود وملحدين وهذا مسلم من دريتنا = حتى وولو ترى اليهودي ابرك منه ؟؟؟؟؟؟؟؟

10-
يافلان غض البصر = شوف الفرق بين ركبة هذي اللي لابسه شورت وركبة السعوديات = شف شف هذي السعوديه متحجبه بس حاطه كحله ماتستحي ؟!!!!
*
11-
وغيره الكثير !!

مخرج :
*لنقف لحظه واحده ولنفكر ... ماذا لو لم تكن هناك بعثات من الاصل ؟ هل كان هناك كل هذا التذمر ؟؟؟*

فعلا القناعه كنز لايفنى * ... وإن ششكرتم لأزيدنكم*

والحمد لله رب العالمين....*

• نشر عبر تويتر
• نشر عبر فيسبوك
• نشر عبر جوجل