ارغب باكمال دراستي الجامعية بأمريكا
السلام عليكم ورحمة الله وبركاته
كيفكم يا اخواني
وكيف الغربه معاكم
انا ادرس الوقت الحالي بجامعة الملك عبدالعزيز ( تعليم عن بعد ) تخصص ادارة عامة
وابي اكمل دراستي بأمريكا بنفس التخصص واذا وفقني الله اكمل الماستر بنفس التخصص
استفساري هو /
ماهي افضل جامعة للدراسة من ناحية الاستفادة والتعاون والتسهيل للطالب؟
هل بالامكان انضمامي للبعثة بهذا التخصص ؟ علما أني ابي آخذ كورس لغة على حسابي الخاص لمدة 6 أشهر قبل البدء بالدراسة واثناء ذلك أقدم طلب انضمام للبعثة بحيث اني اطلع من السعودية ومعايا قبول للغة وللجامعة
ماهي اجراءات الموظف الحكومي للابتعاث؟ حيث ان عملي منحني اجازة دراسية استثنائية بشرط احضار قبول من جامعة معتمدة
يعني هل بعد انضمامي للبعثة يسير وضعي موظف مبتعث؟
بالنسبة لي أنا أفضل ولاية كاليفورنيا أنتم وش رايكم , لاني ارغب بالدراسة وبنفس الوقت التمشية والترفيه
ياليت ما تحرموني من ارائكم
الله يوفقكم ويسهل امركم
رد: ارغب باكمال دراستي الجامعية بأمريكا
يمديك تكمل يا اخوي بنفس التخصص اذا عندك توفل او ايلتس اذا ما عندك لازم تاخذ قبول مشروط
رد: ارغب باكمال دراستي الجامعية بأمريكا
يمديك تكمل اذا عندك ايلتس او توفل...اذا ما عندك لازم تاخذ قبول مشروط ...
الله يوفقك....
رد: ارغب باكمال دراستي الجامعية بأمريكا
رد: ارغب باكمال دراستي الجامعية بأمريكا
فيه ناس انضمو وتخصصهم إدارة اعمال ... عادي جدا
عند وصولك لواشنطن قدم اوراقك على طول للملحقيه وتصير تفتح ملف وتنتظر متى يجيك الانضمام
اللي يخلص فترة اللغة وعنده قبول جامعي على طول يضموك للبعثات
طبعا انت في البداية راح تطلع على حسابك ... وتنتظر الانضمام للبعثه ... ممكن انه يتم ضمك للبعثات وانت في فترة اللغة وممكن لأ لانها عادة تتم بطريقة عشوائية
الموظف يأخذ اجازة دراسية بنفس مدة الدراسة ويكون عندك فيزا وقبول معهد وجامعه ... وعلى حسب وزارتك تكمل الاجراءات
اذا انضميت للبعثه تصير عادي كأنك طالب زي اي طالب ... بس اذا خلصت الجامعه عادي ترجع لنفس وظيفتك
الاجازة الدراسية تقدر تأخذها بنفس مدة الدراسة + تحسب لك في سنوات الخدمة في التقاعد
الاجازة الاستثنائية بالكثير يعطونك سنة وممكن تمددها بس لها شروط على حسب وزارتك + ما تحسب في سنوات الخدمة
كالوفورنيا غالية ... بس فيها بعض المدن الجامعية عادة تكون صغيرة وتكون كل المدن السياحية قريبه منك
رد: ارغب باكمال دراستي الجامعية بأمريكا
ااااااااالف شكر لك والله يوفقك ويسهل امرك
طيب وش افضل الولايات من حيث الدراسة والسياحة والاجواء
وايضا تكون رخيصة والدراسة تكون فيها مرررررة ممتعة
آآآآآسف على الاطالة لاني متحمس
رد: ارغب باكمال دراستي الجامعية بأمريكا
طلباتك هذي ما تحصلها يا سلطان
اذا حصلت ولايه سياحيه تطلع عليك غاليه
واذا حصلت معهد حلو يطلع لك الولاية ممله وإلا بارده
واذا الولاية رخيصة يطلع لك الجامعه موقفه
ولكن سددو وقاربو
والله يوفقك
رد: ارغب باكمال دراستي الجامعية بأمريكا