الأعضاء الإشتراك و التسجيل

الملتقيات
ADs

استفسار كيف اخذ فلوسي من البنك فوق 7000 دولار !! الله يوفق كل شخص ساعدني آمين

استفسار كيف اخذ فلوسي من البنك فوق 7000 دولار !! الله يوفق كل شخص ساعدني آمين


NOTICE

تنبيه: هذا الموضوع قديم. تم طرحه قبل 4677 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية غريبه الدنيا
    غريبه الدنيا

    لم يفعل عضويته

    غريبه الدنيا الكاميرون

    غريبه الدنيا , ذكر. لم يفعل عضويته. من الفلبين , مبتعث فى الكاميرون , تخصصى لا , بجامعة لا
    • لا
    • لا
    • ذكر
    • لا, لا
    • الفلبين
    • Jun 2011
    المزيدl

    June 9th, 2011, 05:00 AM

    عسى ربي يوفقكم ساعدوني

    بدخل بالموضوع على طول وعذروني
    انا رجعت السعوديه لزياره اهلي قبل شهر تقريباً يوم رجعت للسعوديه كلمت البنك الي فاتحه حساب فيه بأمريكا وقلت له سكر حسابي لحد مارجع لآمريكا لإني شاكه انه في شخص معاه رقم حسابي وخاف يسحب البنك قالي اوكي وسكر الحساب بعد فتره احتجت مبلغ ودقيت على البنك ابغاهم يفتحون حسابي (( سوا لي قضيه كبيره يحولوني من موظف ال موظف ومن شخص الى شخص ثاني عشان يتأكدون اني انا صاحبه الحساب او لا ))
    راح رصيدي بدون فايده صرت اشحن باليوم 100 ريال عشان اكلمهم طبعا هم دقوا على مترجم وجالس يترجم تخيلوا يسألوني اسأله مره دقيقه جداً عن حسابي ماقدرت اجاوبهم !!! اخر شيء قالوا كلمي المدير وفجأه انقطع الإتصال خلص الرصيد !!
    الحين انا محتآجه فلووووسي كيف اخذها عطوني طريقه تكفون خصوصاً اني ممكن مارجع امريكا والفلوس الي بالبنك محتاجتها فوق7000 دولار !!
    مدري وش اسوي وهل حقوقي راح تضيع ولا لا ارجوكم افيدوني ابي حلول وش اقول للمدير اذا دقيت عليه !!
    ولو افترضنا انه البنك فتح حسابي وصرت اقدر اسحب انا سمعت انه كل سحبه تسحبها من بطاقه امريكيه في صرافه سعوديه راح يشرجونك 300 دولار يعني معناته راح الرصيد ابي اراءكم

    وصدقوني ماراح انسى من ساعدوني وقف وياي بدعاء طبعاً لإني بجد متضايقه ومجحد حاس فيني
  2. امممم بصراحه التعامل مع البنوك دائما معقد . . بس بالنسبه لمشكلتك طبيعي يسئلونك اسئله دقيقه عن حسابك علشان يتأكدون اذا انك انتي صحيح راعيه الحساب .. فيه حلين في بالي الحين :

    1. اذا انتي داقه على الرقم الصحيح للبنك مو رقم الموظف الشخصي فما عندك مشكله جاوبي عليهم علشان ينفذون لك العمليه والمكالمه مسجله.. وخصوصا انك بتحولين المبلغ كامل على طول بعد المكالمه ..

    2. اذا باقي حسابك في موقع البنك الالكتروني ما تقفل .. تقدرين تحولين من حسابك الامريكي الى حسابك السعودي عن طريق الانترنت .. بس طبعا فيه رسوم خدمه بسيطه .. واكيد فيه حد اعلى من التحويل كل يوم ( يختلف من بنك الى بنك) .. اذا عمليه وحده ما كفت .. احتمال تسوين الحواله على دفعتين..


    الله يعينك ويسهل امورك
    7 "
  3. هلا والله
    اول شي المكالمهـ مسجلهـ ولازم يتأكدوو ان انت صاحب الحسساب ما يصير اي احد يدق عليهمـ يطلب معلومات
    بعد ما تفعل حسسابك سوي اكاونت اون لاين وحول المبلغ لحسسابك بالسعووديه
    وووبس
    بعدين اشحن حسسابكـ بسكايبي ارخص المكالمات بدال ما تدق كل مرهـ ب 100
    7 "
  4. موضوعك سهل ياعسسل

    شوفي احد موثوق في امريكا وروحي للسفاره الامريكية وسولي للشخص الموثوق فيه توكيل .. ولا يحتاج موعد ولا شئ نفس اليوم تخلصي كل شئ من السفاره.

    انا اخوي سوا لي توكيل من السفاره باني اسوق سيارتو واحول ملكيتها لي.

    بالتوفيق
    7 "
  5. مشكورين ويعطيكم العافيه لكن الى الحين ماتوصلت لحل لإني ماعندي حساب إون لاين وماقدر استخدم حسابي اون لاين

    ساعدوني طلبتكم ايش اقول للبنك عشان يفتحون حسابي وكم راح يشرجوني لو اسحب الفلوس من صرافه سعوديه وايش افظل طريقه لسحب المبلغ دون ماخسر كثير !!
    وشكراً
    7 "
  6. أنصحك ياأختي ماتسوين شيء

    لاتستعجلين على شيء .. فلوسك ماراح تضيع بس الموضوع يبي له اجراءات وصبر .

    روحي للبنك اللي انتي متعامله معاه بالسعودية وقولي لهم المشكلة وشوفي وش الحلول اللي دايما يعملونها بمثل هالمشاكل .

    وشوفي فيه موضوع للأخ إياد العنزي عن أفضل طريقة لتحويل الفلوس يمكن تفيدك ان شاء الله بعد ماتنحل مشكلتك مع البنك اللي بأمريكا.

    والله يوفقك ان شاء الله .
    7 "
  7. الطريقة المناسبة الي انا اقترحها :

    * اشحني بدال الـ 100 - 300 " عشان مايقطع الخط "
    * إدخلي موقع البنك وشوفي حسابك واحفظي جميع التفاصيل من إيداعات وسحب " ( عشان بيسألوك اسأله دقيقة )
    * لما يفتحونه .. شوفي طريقة تحويل دولي من حسابك .

    الأمر ابسط مما تظنين ..~ ولا تعتلين هم
    7 "
  8. السلام عليكم
    أختي هنا أغلب البنوك حتى لو كان عندك حساب اون لاين ما تقدري تحولي ع طول
    لازم تروحي فرع البنك وتعملي اضافة للحساب اللي تبين تحولين له
    وبعدها تقدري تحولي عن طريق النت

    يعني هذا الخيار انسيه

    الخيار الثاني
    تبين تسحبين من البطاقة الامريكية في السعودية المفروض تعملين التالي
    قبل لا تطلعي من امريكا تتصلي على البنك وتقولين لهم
    انا ابي اتسخدم بطاقتي في الدولة الفلانية والفلانية ... الخ
    عشان ما يوقفون البطاقة اذا تبين تسحبين من خارج امريكا
    لان يتوقعوا انها انسرقت منك ويعملوا عليها HOLD

    وبما انك ما عملتي هذا الشي
    يعني كمان انسيه


    باقي حل واحد ويعتمد على الحظ والثقة

    الحظ المطلوب يكون معاك الحين دفتر الشيكات تبع البنك
    الثقة المطلوبة يكون لك شخص في امريكا تثقين فيه تكتبين بأسمه شيك بالمبلغ
    وترسلين له الشيك عن طريق شركات الشحن
    يصرف الشيك ويحول المبلغ لك

    اتمنى اكون أفدتك
    بالتوفيق يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.