اي ولاية تنصحوني بالدراسة فيها
السلام عليكم ورحمة الله وبركاته
اخواني اي ولابة تنصحوني ادرس بها من ناحية رخصها واطبيعتها وسهولة الدراسة بجامعتها
يعني مو معقدة الدراسة فيها
يعني دراسة بسياحة ووناسة :)
مبدئيا مكتب القبول يقول لي فلوريدا انتم وش رايكم ؟؟؟؟
اخيرا ابي ادرس بكالوريوس ادارة عامة
طبعا 6 شهور لغة على حسابي معهد ELS
دعواتي لكم
رد: اي ولاية تنصحوني بالدراسة فيها
اخوي خلك مصحصح انتبه من بعض المكاتب تراها عايشه على النصب والاحتيال
فلوريدا جوها حار كانك بجده حر ورطوبه
بس ميزتها فيها العاب ترفيهيه واظن ما تهمك العاب لانها تصلح للصغار
انا جيتها وطفشت من جوها حار مره بالصيف
رد: اي ولاية تنصحوني بالدراسة فيها
الله يجزاك خير وصحيح كلامك في محلة
طيب وش الولاية اللي تنصحوني فيها
اهم شي ما بها حر بالصيف وعادي خلها ثلج بالشتاء
الحر يطفش يكفينا حرررر ورطوبة الشرقية :)
اقتباس:
المشاركة الأصلية كتبت بواسطة عدنان صديق لينا
اخوي خلك مصحصح انتبه من بعض المكاتب تراها عايشه على النصب والاحتيال
فلوريدا جوها حار كانك بجده حر ورطوبه
بس ميزتها فيها العاب ترفيهيه واظن ما تهمك العاب لانها تصلح للصغار
انا جيتها وطفشت من جوها حار مره بالصيف
رد: اي ولاية تنصحوني بالدراسة فيها
عندك كالفورنيا فيها خيارات كثيره بس انت تأكد قبل ماتختار تشوف في الجامعات الموصى بها تخصصك موجود في كم جامعه اذا اكثر من 3 جامعات كويس في نفس الولاية عشان اذا خلصت اللغة وماانقبلت في جامعه تنقبل في الثانيه
انا في كالفورنيا بس يمكن احول فلوريدا بعد اللغة لان تخصصي مو موجود الا في جامعتين .
رد: اي ولاية تنصحوني بالدراسة فيها
في اي مدينة معهدك بفلوريدا ؟
ماأنصحك في فلوريدا اذا بتدرس لغة ، فلوريدا فيها سعوديين كثيييييير خصوصا تامبا ، وانت يبيلك تدرس وتجلس مع اجانب عشان تتقن اللغة
صحيح ان فلوريدا جميلة وخصوصا ميامي واورلاندو وبوكا راتون هذه مدن جميلة وسياحية بالدرجة الأولى بس جو فلوريدا بصفة عامة رطب حتى بالشتا ورطوبة الصيف مثل ماقالو لك مثل جدة والشرقية وحر بالصيف
وكاليفورنيا ونيفادا وتكساس حررر
مالك الا كولورادو او ميشيغن .. عن نفسي أفضل ميشيغن جميلة ووناسة وجو رووووعة بس بالشتا ثلووووووج
بالنسبة للجامعات ماعندي فكرة عن السهلة من الصعبة
رد: اي ولاية تنصحوني بالدراسة فيها
اقتباس:
المشاركة الأصلية كتبت بواسطة M.F.O.O.S.H
في اي مدينة معهدك بفلوريدا ؟
ماأنصحك في فلوريدا اذا بتدرس لغة ، فلوريدا فيها سعوديين كثيييييير خصوصا تامبا ، وانت يبيلك تدرس وتجلس مع اجانب عشان تتقن اللغة
صحيح ان فلوريدا جميلة وخصوصا ميامي واورلاندو وبوكا راتون هذه مدن جميلة وسياحية بالدرجة الأولى بس جو فلوريدا بصفة عامة رطب حتى بالشتا ورطوبة الصيف مثل ماقالو لك مثل جدة والشرقية وحر بالصيف
وكاليفورنيا ونيفادا وتكساس حررر
مالك الا كولورادو او ميشيغن .. عن نفسي أفضل ميشيغن جميلة ووناسة وجو رووووعة بس بالشتا ثلووووووج
بالنسبة للجامعات ماعندي فكرة عن السهلة من الصعبة
أخوي السلأآم عليكم
أخوي ودي تسآعدني بخصوص ميشغن , أحتمآل أدرس فيهآ ونآ الحقيقه طآلع على حسآبي ,, سؤآلي لك يآغآلي ,, كيف المستوى المعيشي .؟؟ وكم يلزمني فلوس لمدة ثلآث شهور مع السكن ,, وياليت تدلني على جامعه ومعهد كويسين ,, ولك مني دعوى بظهر الغيييييب
رد: اي ولاية تنصحوني بالدراسة فيها
ياخوي الله يهديك ليش مكتب قبول ، قبول معهد Els كلها ضغطتين زر عن طريق الانترنت ويجيك القبول !!
اما بالنسبة للمكان يبدو انك تريد مكان جميل فانصحك بمدن كـ ميامي ، بوسطن ، سياتل ، شيكاغو
يعتمد عليك وعلى ذوقك ، لو تحدد مواصفات محددة ممكن نساعدك اكثر
واللي قالولك فلوريدا لاتطب على فلوريدا وانت مغمض عليك باختيار "المدينة" المناسبة بفلوريدا كـ ميامي او اورلاندو وبالتوفيق لك
رد: اي ولاية تنصحوني بالدراسة فيها
الله يعطيكم العافية.
انا مثلك اخوي سلطان ماعرف وين ادرس محتار ودي بمدينة فيها حركة مشي اقدر امشي كنت في سوريا وحولت امريكا ودي نظام الباصات والحركه وجو كويس حتي لو غلاها واسعارها شوي مرتفعه الواحد يقدر يصلح كنترول.
بالتوفيق.