اذا قدمت بعثة وانقبلت وكل شي وجتك وظيفة رسمية زمان تبيها...وش تسوي؟؟؟

وش بيكون الوضع سواء قبل اصدار قرار الابتعاث...او لما تكون في بلد الابتعاث...يعني في الحالتييييييييييين...
هل تكمل الدراسة وتاخذ اجازة من العمل ولا كيييييف؟؟وانت تبي الوظيفة ونفس الوقت تبي البعثة..
وهل تعرف الملحقية؟؟؟
واذااااااا حبيت تستمر بالاثنين يعني تروح للوظيفة وتقدم اجازة وترجع للبعثه يصيرررررررررر ولا لا؟؟؟يعرفووون ولا لا؟؟؟؟؟؟؟
ياجماااااااااعه انا ما اسال اذا اختار وحده فيهم
اسال اذا في مجال اجمع بينهم.....؟؟يعني اكمل اجراءات البعثه واخذ اجازه يصيررررررررر؟؟

انا عن نفسي بدرس ..
والتوفيق بيد الله

بالتوفيق

الاستخاره زينه

تعبت معك طيب ماتخاف تكشف الملحقية؟ويش يترتب عليه؟؟؟؟؟؟؟؟؟؟؟؟

عن نفسي جتني وظيفة رسمية وانا في بلد البعثة ورفضتها
لانه اصلا المكان بعيد يعني رح نتغرب في السعودية لذلك نتغرب في بلد الابتعاث ونرجع بشهادة. استخير والله يوفقك.

أول شيء وقبل كل شيء استخيري وسلمي أمرك لله وأسأل الله سبحانه وتعالى أن يختار لك ما فيه الخير في الدنيا والآخرة .
عشان احطك في الصورة بالنسبة لوضعي ، لعله يفيدك بشيء :
كنت موظف بند أجور راتبي في حدود 5000 لكن مع الزواج والخلفة رأيت إن الوضع ما يساعد وخايف إنه الترسيم يتأخر وكذا . رتبت أموري على أمريكا وأخذت إجازة استثنائية لمدة سنة وطلعت على حسابي الخاص . قلت في هالمدة أخلص إن شاء الله الدبلوم حق الإنجليزي من المعهد وإن التحقت خير وبركة وإن كان ما التحقت بالبعثة ارجع واشوفلي وظيفة ثانية لأنه معي بكالوريوس ودبلوم الإنجلش أكيد يدعمها خاصة في الشركات . أكرمني الله سبحانه بأن ألحقت بالبعثة بعد خمسة أشهر من وصولي لأمريكا بالأمر الملكي الأخير وكان وقتها يتبقى لي شهر وأخلص الدبلوم حق الإنجليزي . قلت الحمد لله وجاء في خاطري أمدد الإجازة الإستثنائية وأكمل ماستر بحكم إني مبتعث والعمل الأول ما عليه حسافة وخاصة إنه بند أجور . بعد أقل من شهر تقريبا جاء الأمر الملكي بترسيم جميع الوظائف الحكومية من بند أجور ومستخدمين وغيرها . وبحكم إني كنت اشتغل لمدة تقريبا اربع سنوات ونص كان المفترض إني آخذ المرتبة السابعة الدرجة الثانية أو الثالثة . يعني الراتب بيكون في حدود ستة آلاف . وجاء في خاطري والله إني أرجع ولكن أصروا علي الأهل وفي نفس الوقت قلت ستة آلاف مش الحلم لكن الهرجة كانت إني طفشت من أمريكا وكرهت الغربة وحسيت إنها كانت مجرد حلم وبمجرد وصولي انصدمت بالواقع وطلعت كابوس . بعد ثلاثة شهور تقريبا نزل سلم الرواتب الجديد وصار راتب يكون في حدود ثمانية إلا . هنا أنا عزمت النية على ترك الدراسة والرجوع لأمريكا ولكن أصر علي الوالد الله يحفظه ويبارك فيه بإكمال الدراسة وقالي إنت بدأت مشوار لا توقفه ولعل الله أنه يعوضك عنها خيرا منها بعد ما ترجع إن شاء الله . فبقيت والله تلبية لرغبة الوالد فقط وإلا أنا مالي هوى فيها نهائيا . فصلت في الموضوع عشان تلمي بجميع جوانبه ويكون لك الحكم .
في حالتك بعض الإختلافات عن حالتي وهي ترجح كفة من الاثنتين وأبين لك هي :
إنتي إمرأة يعني غالبا ما يحتاج تعيلي أسرة والشيء الثاني إنك لسه ما طلعتي والشيء الثالث إنه الوظيفة اللي إنتي تبغينها حصلت لك قبل طلوعك .
والله يا أختي العزيزة الفاضلة إني أرى أن مكوثك في السعودية وحصولك على العمل وإكمال حياتك بهذا الشكل أفضل بكثير وكثير جدا . وإن كان في بالك إلا وتطلعين تتعلمين فإنتي خذي العمل وبعد سنة من مباشرتك قدمي على ابتعاث واطلعي عن طريق العمل وفي هذا محاسن كثيرة منها إنك تكونين ضامنة عمل والشيء الثاني إنه غير مخصص المبتعث الكامل اللي راح يصرف لك هنا ، راح يصرفون لك في السعودية نصف راتب أساسي . وهذي ميزة كبيرة .
موضوع إنه السفر وخاصة لأمريكا وتعلم اللغة الإنجليزية وحياة جديدة واستكشاف وحلم وكذا .. ترى والله كل هالكلام راح يتلاشى تماما وخاصة خاصة خاصة بحكم كونك إمرأة فالأمر هنا مضيق على النساء المحتشمات مثلك إن شاء الله جدا . يعني أنا وأنا شاب لأني ما أشرب ولا أروح مراقص ولا لي في الحشيش والبنات والخراب أحس نفسي ضايع وطفشان وقرفان عمري . اللي يفل هنا هو اللي له في الخراب والعياذ بالله . فما بالك وإنتي إمرأة ؟؟؟
احسبيها وعيدي حسبتها مرة بعد مرة بعد مرة . والله يوفقك ويختار لك اللي فيه الخير لك في الدنيا والآخرة .
اعتذر عن الإطالة ولكن من حرصي عليكم والله .

مااااان ليش ما اخذت الوظيفة ونفس الوقت استمريت بالدراسة واخذت اجازة بدون راتب؟؟؟؟؟؟؟؟؟ايش المانع؟؟؟؟؟؟؟؟؟
هل الملحقية تعرف وتمنع ولا كيف؟؟؟؟؟

اختيارك يعتمد على عدة عوامل ومنها :
إذا كان التخصص الذي تدرسه مستقبله مضمون فبلا تردد استخير الله وكمل البعثة .
اذا العمل الذي رشحت له مرتبته ومرتبه عالي ويسمح لك مستقبلا بالابتعاث فاستخير الله واقبل الوظيفة
واولا واخيرا القرار لك ولكن استشير من تثق به واستخير الله سبحانه وتعالى ولن تندم ان شاء الله وثق بالله

كل شي ع حسب العمر
عمرك مناسب تروح تدرس او لا

يعني وحد عمره فوق الخمس وعشرين يقول ادرس ماجستير وارجع اقول اسحب ع الوظيف
بس لو قال بكمل بكلريوس وارجع اقوله اقضب ارضك متى بترجع يعني لا صرت 30
كل شي ع حسب العمر
لان الواحد كل ما كان اصغر كل ماكان عنده فرصه اكبر انه يجازف ويجرب حظه لان حتى لو ماجت الامور ع كيفه يقدر يعوض
اما واحد فوق الـ 25 سنه وترك الوظيفه وبعد ثلاث سنين صارتله مشكله مثلا ورجع السعوديه
يعني بدا من الصفر وعمره 28
وكلن عقله فراسه مافيه احد اذكى من الثاني وكل يعرف خلاصه

وبالتوفيق

والله اختي اذا بغيتي نصيحتي ... إذا الوضيفه حلوه توكلي على الله وخوذيها وأتركي عنك البعثه وبلاويها
أول شي قيسيها من نواحي ماديه.. كم راتبك الحين وكم راح تجلسي بالبعثه.. أحسبي رواتب وخبرة 5 سنوات في العمل ... هذي تعادل البعثه ... من غير راحة البال بين أهلك
والأهم من هذا... أنتي تتوقعي المبتعثين كلهم إذا رجعوا للسعوديه راح يلاقوا وظائفهم تنتظرهم بالمطارات وهم راجعين ؟؟؟
السعوديه الآن فيها أكثر من 100 ألف مبتعث.. ومن الآن السعوديه متخوفه في حالة عودة المبتعثين وإنظمامهم لقائمة العاطلين ..
والله صقيني البعثه مافيها مطمع... الي الناس تفكر فيه وتتوقعه.
هذا رأيي... وأسأل الله لنا ولك التوفيق والدلاله على الخير ... ولا تنسي صلاة الإستخاره.. ولا تنسيني من دعائك

انا اكلمك وانا بالغربه والله العظيم ثم والله العظيم افضل لك انك تاخذين الوظيفه بلا غربه بلا هم بلا تعب راااس ريحي رااسك وروقي نفسك واجلسي عند اهلك انا لو يرجع بي الزمن كااان ماجيت للبعثه الله ياخذه