أفضل مقعد في الطائره ..اعطونا تجاربكم::)

ههههههههههههههههههه واللهي موضوع بطل
ياشيخ وسعت صدورنا الله يوسع عليك
انا عن نفسي يهمني اللي جالس جمبي تعرف سواااااااااااالف هي اللي تسرع الوقت بالنسبه لي

الرحلة تستغرق اكثر من 10 ساعات تقريبا

والله ما ترتاح الين تريح بالاوتيل 2 يومين ...



الله يسهل اموركم جميعا

هههههههههههههههه في ردود تحفه

انا تقريبا جربت كل شي ، عند الدريشه وبالوسط ويسار ويمين وقدام جنب الطيار (امزح) .. اخر شي توصلت التالي

الكراسي اللي بالنص ثلاث صح؟ آخذ الاول يمين او الاول يسار يعني جنب الممر عشان اخذ راحتي كل شوي قايم افكك رجولي
او اروح الحمام (الله يعزكم) اطالع خشتي وازبط شوشتي وارجع (بإختصار) احرك جسمي شوي من الحّشره بالكرسي!
وبنفس الوقت ماتلقى اللي يزعجك يبي يروح الحمام لان اصلا مافي الا واحد بالنص بينك وبين الثاني اللي ع الممر بعد هو!
يعني اللي بالنص لا شافك مثلا نايم مايزعجك ويجي من عندك ، يروح من عند الشخص الثاني
واحيانا اقابل اثنين اخويا وبكذا افتك نهائيا ً يبدا يقوّم خويه ويطلع من عند خويه ومايجيني ابد طول الرحله ..

وفي نقطه ثانيه كل ماتقدمت كل ما قّل ازعاج الطياره وتكون مريحه و (راسيه) وهذا من تجربه
والحمدلله انا من يوم توصلت للإختراع هذا وانا مرتاح برحلاتي

اما بخصوص جنب الدريشه فيها ميزه وحده بس انك (ترّكي) راسك على الدريشه وتنام
مع اني انا ماذكر اني نمت بالطياره بحياتي حتى لو اجلس يومين ( ليه مادري ) !!
لكن سلبياته انك تحس انك مخنوق قدامك واحد يسارك واحد وراك واحد ولاتقدر تقوم كل مابغيت! واحيانا بعد ودك تقوم بس تشوفه نايم وماودك تقوّمه
خصوصا لاجاك واحد تدفدف فيه مايقوم ماعاد معك الا تكب عليه مويه

ودي اكتب اكثر بس ماعندي لياقه << اكثر من كذا بعد لوول

ان شاء الله وصلت الفكره لاني فاشل بتوصيل المعلومه هههه

بالنسبه لي على الممرات لاني اروح دورة المياه بكثره ( تعزكم الله ) ونا من النوع اللي ينرحج من كثر الطلب ( لو تكرمت ازحف شوي عشان ابي اطلع ) هههههههه

أنا ماأعرف فين موضوعك لكن أبغى أسأل يعني لو أخدت معايا تمر ممنوع ؟؟

افضل دائما اخر مقعد بالطائرة

افضل جنب الشباك يمين ولا يسار والافضل اليساار .

حبايبي مشكورين على مروركم جميعاً

توصلون بالسلامه يارب انا عني الحمدلله وصلت ولي 3 شهور

وكتبت مسلسل عن معاناتي ف الطياره لكن من كثر الحماسنق حذفته الاداره ^^

...........................................

بالنسبه انا شفت ردود يتكلمون عن التمر

واحد من الشباب معاه شنطه كبيره فقط تمر يوم شافوه ف المطار

طلعو التمر من الشنطه وربطوه ودخلوه بطريقه نظاميه وبشكل مرتب ومحد سأله عنه ف المطار بعد ماوصل

افضل شي انه يكون بكراتين ومرتب علشان يدخل .

وتوصلون بالسلامه مره ثانيه ^^

افضل مقعد اللي بيكون عند مخرج الطواريء لأن فيه مساحة تمد رجولك

ما تفرق اليمين او اليسار