ايش افضل نيويورك ولا ميسوري

أختي قلم طموح ،،،
إنتي تروحين بالبدايه ،، وإذا ماعجبك تقدرين تغيرين بسهوله ،، يعني مئات ومئات المعاهد منتشره في امريكا ،،
من ناحية اللغه ،، تعتمد اكثر شي وبشكل كبير على Writing & Grammar الكتابه والقواعد ،، أهم شي يعتمد عليه هالمادتين ،، والدليل الصينيين واليابانيين ،، تجده مايعرف يتحدث بس حافظ القواعد وكلمات كثير ويعرف يكتب ،،
من ناحية المعاهد اللي تقولين يشترطون توفل ،، فيه معاهد كثيره ماتشترط توفل تشترط إنهاء المعهد فقط ،،
وياليت تقولين لي جامعتك ومعهدك الموقران ،،

اخ تيت كتبت الجامعه والمعهد في بداية الموضوع جامعة بيس pace في نيويورك ستي بالنسبه للتغير سمعت اني لو غيرت لازم اغير المدينة والولايه وانا اساسا عندي قبول ثاني ولا ابغى اغير عن نيويورك لان كلية البزنس ماهي في نفس نيويورك تبعد عنها 25 كيلو شمال مانهاتن وهذا اللي عاجبني قريب بعيد في نفس الوقت والمعهد بس اللي في منهاتن نتحمل الغلا سنه الله يعين
واللي يشترط التوفل مو المعهد جامعة بيس لو درست في معهد ثاني
انت الان مثلا مخلص اللغه ولا لسى اذا كنت درست 6 شهور هل تقدر تقولي انك عادي لو استغنيت عن هالمدة ودخلت على طول عل اللغه الاكاديميه اللي تأهلك للدراسه في الجامعه ولا بتحس انك مضيع وماتدري عن الهرجه هل البدايات مقدور عليها من خلال طبيعة الحياه في امريكا طبعا هذا سؤال لطالب مجد وحريص مااتكلم عن اللي مايبذل مجهود

اشكر تجاوبك وردك اكثر من مره

هلا أختي ،،
انا إن شاء الله في نهايات مرحلة اللغه ،، وانا اصلا جيت أميركا وعندي لغه لأني درست بالسعوديه ،،
لكن اللغه تعتمد عليك ،، إذا كنتي ماتعرفين شيء أنصحك تبدأين تدرسين لغه في السعوديه وتعرفين الأساسيات ،، لأن أمريكا ومعاهدها للأسف لا تبدع في تدريس الأساسيات ،،
نيويورك ترا حلوه بس الله يعينك على البرد والثلوج الي تسقط بشكل كبير في الشتاء خصوصا الـ Black Ice ،،
من ناحية دراسة الأكاديميك ،، أعتقد إذا كنت مجتهد وتبي تفهم كل اللي يقوله الدكتور لازم يكون عندك لغه ،، لأن الدكتور مستحيل يشرح لك وش معنى كلمه او وش يقصد بهالكلمه ،، لأنه يشرح لطلاب لغتهم الأم الأنجليزيه أقصد الأمريكان ومو مستعد يشرح لك كل كلمه وش يقصد بها أو وش تعني هالكلمه ،،
دراسة اللغه إن شاء الله بسيطه ،، وأسهل مما تتصورينه ،، لما تجي في بالك وتجيك إراده قويه ،، ماراح تأثر عليك ابداَ ،،
أعرف ناس كان مستواهم عادي وأتوا إلى أميركا وأنهوا اللغه في ظرف 7 شهور بس كانوا مجتهدين بشكل كبير ،،
لك التوفيق دائماَ