الأعضاء الإشتراك و التسجيل

الملتقيات
ADs

سان دييغو أم أوهايو الله يوفق اللي بيرد علي دنيا وآخرة

سان دييغو أم أوهايو الله يوفق اللي بيرد علي دنيا وآخرة


NOTICE

تنبيه: هذا الموضوع قديم. تم طرحه قبل 2379 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية THwwAQ
    THwwAQ

    مبتعث جديد New Member

    THwwAQ الولايات المتحدة الأمريكية

    THwwAQ , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى قانون , بجامعة انتظار
    • انتظار
    • قانون
    • ذكر
    • انتظار, انتظار
    • السعودية
    • Jun 2011
    المزيدl

    June 12th, 2011, 07:20 AM

    ياشباب أنا بحثت عن الولايات المناسبة لي أنا وثلاثة من أصحابي..


    حنا ثلاثة بنجي سوا.. وحصرناها بين سان دييغو وأوهايو .. كل وحده فيها ايجابيات وسلبيات عارف لكن أبي خبراتكم..


    من ناحية المعهد والجامعة وش أفضل معهد وجامعة في اوهايو واي مدينة تنصحوني


    ووش افضل معهد وجامعة في سان دييغو ,,






    واللي عنده اقتراح لولاية معينة أو طريقة سكن لنا أو خبرات مختلقة يسدحها هنا وله الدعاء بظهر الغيب
    الله يوفق اللي بيرد علي دنيا وآخرة يارب وييسر له امره ويبارك له..
  2. جد إذا جاي دراسة واكتساب لغة فأنصحك تبتعد عن سان ديغو واختار لك ولايات الشرق مثل اوهآيوو .. لكن إذا يهمك الجو ووقت الويكند فاكيد ولاية كاليفورنيآ ..

    أنا بسان دييغو والكل يتمنى يقعد فيها بصرآحة لأنها مدينة جميلة جو واماكن سياحية وشعب متنووع وطيب تلاقي فيه جميع الاصناااف وكثير عررب ومسلمين خاصة الجنسيات العراقية والصومالية ..

    يعني من جد ترتآح بهالامور ، لكن مسألة الجامعة والمعهد ماعرف والله لأني بمعهد خاص مو تبع جامعة ومرة سيء وودي اغير لولاية ومدينة دراسية بأسرع وقت عشان استفيد من أيام ابتعاثي أكثر ..

    وجهة نظر ,, لاغير ،، وانت لك الخيار طبعاً ..
    7 "
  3. انتم شباب وأصحاب

    صدقني لا رحتو ساندييغو ماراح تذاكرون وتدرسون ، بيصير كل همكم التماشي والهجوله ، لأنها مدينة ترفيهيه بزياده وأوهايو ممكن تكون الأنسب لكم ..

    لو انت لحالك قلنا بتمشي امورك في اي مكان ، بس دامكم شباب صدقني كل ما كانت المغريات الترفيهيه أقل كل ما كانت لكم افضل وبوقت الأجازات فلوها على كيفكم ..

    هذي نصيحة اخ يا الغالي ..

    والله يطرح لكم ويكتب لكم اللي فيه الخير ..
    7 "
  4. مدينة سان دييقو في كاليفورنيا :: مدينة سياحية .. والجو حلو طوال السنه يميل للحراره.. بالنسبه للاسعار فهي اغلى من غيرها لكن كثير طلاب عايشين فيها على المكافئة ومرتاحين
    المدينة فيها كم جامعه اشهرها جامعة كاليفورنيا القوية وجامعة سان دييقو وجامعة سان دييقو ستيت وكل الجامعات فيها معاهد لغه وبرضوا فيها معاهد تجاريه كثيره

    اوهايو :: هذي ولاية وفيها كم مدينة .. بس الترفيه قليل فيها وجمالها في كثرة المسطحات الخضراء والبحيرات الصغيره .. جوها بارد جدا في الشتاء.. الاسعار رخيصه ..

    بكل مكان ممكن تتعلم وتنجح .. والمكان اللي ما يناسب غيرك ممكن يناسبك والعكس ((انت استخير وتوكل على الله))
    7 "
  5. والله شووف حبيبي .. سان دييغو [ ممتازه جداً . للي بيمسك نفسه .. لأن مغريات الدنيا كلها فيها .. مدينه سياحية درجة اولى .. يعني لو كنت ترغب انك تفلها مع الدراسه اقولك رح اوهايو ]
    اما لو تنظم وقتك .. وقت الويك اند تتمشى .. وتتكلم بالشارع .. وتستفيد .... روح سان دييغو ..
    7 "
  6. انا شفت ناس اجمعوا علي انك لو رحت ماراح تفتح كتاب .

    اخوي خذها من مجرب صدقني شاب راسي من المفارقات العجيبة بهذا المنتدى ، صدقني فريتة فر و كنت اقلب فية من ٥ العصر الي ٥ الفجر ( والله يشهد علي ) ... و خذها قاعدة

    ١ اي كلام ينكتب اعمل عكسة تماما : لما كنت ابحث عن مدينة سانتا مونيكا ، الكل اجمع انها غالية و انه ماراح ادرس و راح اضيع ... من الكلام الفاضي ، صدقني المدينة راقية + بصرف فيها ٤٠٠ دولار او اقل !! وهي مدينة لاصقة بلوس انجلوس يعني لو اقطع الي قدام بيتي اصير دخلت لوس انجلوس !

    ٢ - اي معهد ينسب من السعوديين روح له : انا من تجربتي الشخصية و مازلت ماشي فيها ، انا ادرس بمعهد ELS و من فضل الله بديت من مستوى ٤ و حصلت لخبطة و قصة طويلة و المفروض اكون بمستوى ٧ بس الحمد لله انا مستوى ٦ ، المستويات الدنيا الي فيها is, are and im و الحاجات الخفيفة او مستوى ٥ الي متروس قواعد و شي يجيب الهم .. هذا كلة لا شي مقارنة بمستوى ٦ الي تقول مافي كلمة بالدنيا الا حطوها فية ، لا تستغرب اذا قلت لك اني درست حصة من حصص مستوي ٧ و اول مافتحت الكمبيوتر قال لي المدرس اكتب ؟ العالم تستلم الجداول لسع و اما مطلوب مني اكتب موضوع ؟ فأتركك من الكلام الفاضي الي بالمنتدى .

    ٣ - معهد الجامعه و معهد الخاص : هذه النقطة الجوهرية في الموضوع ، و الغريب انك تلاقي الي توهم بـ اول ثانوي جالسين يحكوموا فية ؟ و المنتدى مليان منهم !! ، علي العموم صدقني ٨٠٪ من الي ينتقدوا او يقارنوا بينهم فهم :
    أ - ما يعرف شي !! و جاي يتفلسف بس .
    ب - سمع ولد عمة جدتة الي بالاصل تقرب له من جهت خلة ابوه يقول هذا الكلام !!

    .................

    في النهاية ...
    صدقني قبل ٥ شهور او ٦ شهور من اليوم هذا المنتدى كان يعج بالاساطير عن الديناصورات و الغبات و ... ، صدقني كنت اشيل هم و لما خطت رجلي امريكا و شفت بنفسي ، احتقرت نفسي اني كنت اقراء لهذه المواضيع ، و كل ماكان يقال صار عكسة تماما ، كتاب الردود في هذا المنتدى ٣٠ ٪ منهم طلاب ثانوية و متحمس و جاي ينفلت في المنتدى و انواع الردرد و اسمح لي بهل كلمة ( مثل شيعة ايران ، اي واحد لبس عمة و عنده شوية فلوس و قال الحسين .. عبدوة ) و المشكلة الناص تصدقة !! ، ٤٠ ٪ توهم متكين بالسعودية و حتي ماطلعوا الفيزة ولا حتي جاب I-20 و ماشاء الله خبرة بالمعاهد و لو تتابعة تلاقية بعد شهرين الي ٣ شهور منزل موضوع يلعن معهده الي هو فية ، و ١٠ الي ١٥ ٪ مبتعثين و لا مايدخلوا بعد نسى انه كان يطامر بالمنتدى قبل لا يجي امريكا ، اما الباقي من النسبة ..... هذه فئة اتركها لخيالك فهم يحاولوا بشتى الطرق لعن و تكفير جميع المعاهد انا شخصيا اسميهم ( اللعن و عدم الهجرة ) تلاقي مايمدح معهد ولا ولاية ولا مدينة !! المشكلة لما تسألة فين اروح ؟ طيب فين ادرس ؟ طيب كيف السفارة الامريكية .. تحصلة ( يهول الموضوع - يصعبة - يلعنة ) . قس بنفسك و شوف

    .......

    اسال الله ان يكتب لك الخير و يوجهك للمدينة الي تناسبك ، و نصيحتي اقرا اقرا اقرا .. لا تذهب لمدينة مافي عنها معلومات .*
    7 "
  7. فيه نفر هنا ذكر أن اوهايو طفش ويكثر فيها اصحاب البشره السمراء وانا اقوله ماأصبت يا أخي العزيز ،،
    اوهايو جنبي وأعرفها زين ،، اصحاب البشره السمراء يتركزون في مدينة سنسناتي والداون تاون ،، ولا تعتقد أن اصحاب البشره السمراء في انديانا واوهايو وبنسلفينيا هم نفسهم الذين في الاباما وميسيسيبي !
    هنا اصحاب البشره السمراء محترمين ويمشون على النظام ولا رأيت منهم اي شيء سيء ابدا َ ،،
    انا لو كنت مكانك ياصاحبي ،، أدرس المعهد في اوهايو ،، والجامعه في سان دييغو ،،
    التوفيق حليفك ،
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.