مستقبلي ..!

انا راح ارد على سوالك لانو ابنتي كانت مثلك القدرات بس وحده درجه ناقصتها ودا الكلام صار في المرحله الخامسه ولمن جاء التسجيل سجلت مو بنفس درجتها زودت الدرجه يلي كانت ناقصتها
واترشحت لكن لمن جاء وقت التدقيق طبعا دخلو من رقم تسجيلها وشافو القدرات ناقصه درجه رفضو اخذ اوراقها وانا حاولت معاهم وطلعت عند المستشار وقال انو دي اوامر وزير الداخليه والشروط واضحه لكن واحد جزاه الله خير قالي روحي قدمي خطاب عند وزير التعليم العالي ودا كله حصل في رمضان واحنا صايمين وتاني يوم في رمضان نزلت لمكتب الوزير واقدم خطاب عشان الدرجه الوحده ويرسلو الخطاب للرياض ولكن كلو كلام في كلام وقدمت خطاب للديوان الملكي ولكن ما اعرف ايش حصل للخطاب ما راجعت لاني فقدت الامل من الوزاره ومن الديوان الملكي ونسينا الموضوع ولانو الوزاره ما عندها الا التصرررريف ومر سنه على دا الموضوع وابنتي فقدت الامل في البعثه وحمدنا الله على كل شي واي شي يحصل لنا دا خير من رب العالمين ....
ولمن فتحت المرحله السادسه بالصدفه ابنتي دخلت الموقع وهي عارفه انو الشروط ما راح تتغير لانه شروطهم من المرحله الاولى الى الخامسه مثل ما هي لكن بقدرة القادر وسبحان الله في المرحله السادسه تغيرت الشروط بس في القدرات رفعوها لدرجه وحده فقط مثل درجة ابنتي سبحان الله وربنا هو القادر على كل شي
والان ابنتي الحبيبه مبتعثه في امريكا والله يوفقها ويسعدها ويسهلها عليها
وانا بقولك اخي الكريم انه ما في شي عند ربنا ابعيد ....
ن يقول له كن فيكون وخلى املك عند ربك كبيرررررررررررررر والله رحمته واسعه وانا دائما احمد ربي وربي هو واسطتي ونعم بالله

وانت اخي الكريم خلى املك عند ربك كبير وحاول بكل السبل وان شالله ربنا يكون معاك اما عن الدراسه على حسابك راح يكلفك كثير وبعدين ما تعرف ان صابت معاك او خابت من ناحية الالتحاق

اما بالنسبه عن تسجيلك في المرحله السابعه راح يعملو معاك مثل ما عملو لابنتي وراح يقولو لك دا قرار ما نقدر نغيرو حتى لو نص درجه
وانت حاول والله يوفقك يارب وان ربنا اراد ان تروح بعثه راح تروح وان ما ارد ما راح تروح وكل شي بارادة ربنا

شكرآآ إختي ... آآهـ بس الله المستعآن ..
يعني اسجل بدرجتي 79 وآألله يكتب اللي فيه الخير
شكرآآآ مرهـ ثآنيه على تفآعلك معآي <3

توقعت من العنوان راح تتكلم عن مكتب مستقبلي....انا داخل ناويهم