الأعضاء الإشتراك و التسجيل

الملتقيات
ADs

مالاتجده في أمريكا ..

مالاتجده في أمريكا ..


NOTICE

تنبيه: هذا الموضوع قديم. تم طرحه قبل 4673 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الا يوم جبتو طاري الاكل خلني اسالكم

    انا ان شاء الله بجي ب بداية رمضان

    ومن الشغلات الي احب افطر عليها الا مو احب الا هالشغله هاذي هي الاساسيه عندي بالفطور

    الي هي قشطة المراعي < الله مع تمر الاخلاص وفنجان قهوه هع

    موجود مثلها ب امريكا واذا موجود عطوني اسمها الله لا يهينكم
    7 "
  2. خخخخخخخخخخخ من جد سعودين ماتطبون بميدان الا طحتو استهبلتو فيه

    اقول الهرجه صدقيه اعطونا من المهم اللي فقدتوه

    عن نفسي .. تمر .. قهوه ..

    شاهي ربيع .. لازم خخخخ ..

    شابوره قراميش .. كيفي خخخ

    بهارات امي .. اهيء تهي ء تهووو

    رزنا مكرونتنا تونتنا مربانا << بالحبتين لين نتعود ع اكلهم ونعرف احسن ماركه

    براد شاهي كوبين ثلاث .. صفاية القهوه .. افياش .. مكوه .. واذا ماعندكم زي قدورنا علمونا والا تدرون لاجينا بنستكشف ونخلي الاهل يشحنون لنا خخخ

    ع فكره ذحينا يقال لكل حرمة خرابيطها الخاصه اللي هي كريماتي وعطوري عادي احطها بالشنطه تبع الملابس والا ينبشونها لي لانو بصراحه احب الملخطات والعود لاتقولو عجوز خخخخ

    ممممم كمانت اذا افتكرت شي مهم قلته وعموما كل اللي قلته باخذها شحن مو معاي مو ناقصه هبل الجمارك والتفتيش خخخخخ
    7 "
  3. انا لي سنة وشهر بامريكا وتوني رجعت السعوديه ومن خلال جلستي طول السنة الفائته دونت لسته وقلت اذا رجعت السعوديه بجيبها معايا الاشياء اللي مو ممكن تحصلوها في امريكا:

    - المبخرة والبخور : طريقة بيوت امريكا واللي ماراح لسى بيووت وشقق امريكا مقفله تماما يعني المطبخ يجيكم وسط الصاله ومافي شفاط زي نظامنا في السعوديه يعني لما تفكرو تكشنو للبيض او الكبسه وناهيك عن الكبسه باللحم او الدجاج بعد ماتخلصو طبخ يصير ريحه البيت كشنه لمده ثلاثه الى اربع ايام ماتروح الريحه وتلاقي السعوديين في الكلاس ريحتهم كبسه والله شي يفشل وانا حاولت اتفادى هذا الموضوع بحيث اني احط الملابس بعيد تماما عن الصاله ادخلها داخل الدولاب وكل ما نطبخ نقفل ابواب الغرف المشكله مو بالصيف في الصيف ممكن نفتح الطيق او النوافذ المشكله بالشتاء لما تصير الدنيا برد موت مستحيل تفتحو اي نافذه وكمان مستحيل انسان يعيش من غير كشنه

    - اكيد لازم من البن والهيل ولاكن الاهم ثلاجه القهوة لانعدامها في امريكا

    - عشان رمضان جاي شربة الشوفان انا عن نفسي ماحصلتها في امريكا رغم انها صناعه امريكيه ورمضان اللي فات مر علينا من غير شربه طبعا علبه تكفي ان شاء الله

    - البهارات موجوده في امريكا صحيح اسعارها مرتفعه ووممكن ماتحصلو الليمون الاسود مثلا او ورق الغار ولكن في البقالات العربيه تحصلوها بالراحه فلا تكلفو نفسكم وتشتروها من هنا

    - بالنسبة للادوات المكتبيه والملابس والشنط وكل شي شخصي او دراسي الافضل شراءه من امريكا لانو الجوده اعلا ودفاترهم مصممه بحيث انها نفس النظام الامريكي يعني الاستاذه بعض الاحيان تطلبنا دفتر معين او ملف لازم نجيبه من المكتبه واللي قال غالي مو صحيح هالكلام اسعارها متفاوته ورائعه والله يخليلنا ابو دولار

    - اللاب توب انا جبت لاب توب من السعوديه ولكن لما وصلت امريكا وخلصت اللغه قسمي طلب مني لاب توب "ماك" شراءه اجباري فاشتريته بتخفيض من الجامعه ورميت السعودي

    - اللي عنده اطفال الكتب العربيه اللي فيها الحروف الهجائيه ولوحة الحروف الهجائيه العربيه مهمه جدا لانو اطفالنا طبيعي بيتعلمو اللغه الانجليزيه ولكن بيروح فيها في العربي

    - نصيحه لا تشترو ملابس وجاكيتات من السعوديه ولا حتى جزم وابوات من الاشياء اللي ندمت عليها وانا جايه جبت معايا خمس شناط كلها ملابس وجاكيتات والله لما وصلت هناك مانفعني ولا جاكيت سعودي ولا جزمه الله يكرمكم ولا شراب كلها صايره خفيفه وتدخل البرد من كل جهه.. فاضطريت انزل السوق ثاني واشتري جكيتاتهم وقفازاتهم وابواتهم مخصصه تماما للبرد تمنيت اني سافرت بشنطه وحده فقط

    -نفس الكلام ينطبق على الجوالات انا قبل السفر اشتريت جوال جديد بالف قلت باكشخ فيه هناك لما رحت هناك كان الايفون طالع دوبو واشتريته لانه كان رخيص جدا اشتريته بـ 200 دولار اي مايقارب 700 او اقل سعودي فالافضل تروح بجوالك القديم وتشتري من هناك جوال ولو كان ايفون بتكون فيه حروف عربيه

    - شنط السفر غاليه جدا في امريكا فاشتري لك شنط سفر حلوة من السعوديه تصلح لاي سفريه انا شريط شنطه صغيره جدا لحملها داخل الطائره بـ 60 دولار بما يعادل 300 او اقل سعودي بينما اشتريت شنطتي الكبيره من السعوديه بـ 130 سعودي

    - وعودة للاكل مره اخرى القشطه مافي منها الا نوع واحد وهو "نستله" وتاتي خفيفه وطعمها الله بالخير ولازم تحطها في الثلاجه اذا تبغاها تصير ثقيله شوي يعني قشطة المراعي تنساها

    - بالنسبة لللبنة موجوده بس مو حامضة زي حق السعوديه ويسموها sour cream وفي منها انواع وتحصلوها في كل السوبر ماركتات الامريكية.

    - الجبنة السائله انسوها مافي كرافت ولا المراعي ولا لونا ولا اي نوع سائل الا في البقالات العربيه ولكن فيه جبنه تانيه متوفره وطعمها زي الكيري اسمها جبنة فيلادلفيا تمشي الحال وموجوده بكل مكان

    - العصائر الطبيعيه زي ماقالو الاخوان الله بالخير مايعرفو الا البرتقال والله يا اني اشتقت لريحه العصير الطبيعي او مانزلنا السعوديه طحنا في المنقا اممممم خيال .

    - المخللات ومشتقاتها توجد في البقالات العربيه ولاكن ليست بجوده مخللاتنا

    - الحليب موجود فيه امريكا بس مو زي حليب المراعي او الصافي واللبن لا يوجد نهائيا فيه نوع واحد يوجد في البقالات العربيه ولاكن ليس بجوده الباننا وتكاد لا تستطيع شربه الا منكه زي نكهة النعناع مثلا وبالنسبه للبن الزبادي توجد شركه واحده وحيده تصنع الزبادي بالنكه العاديه الساده غير المنكهة ويوجد في السوبر ماركتات الامريكيه
    لي عوده اذا تذكرت اي شي اخر ولاكن كلمة اخيرة:
    الحياه في امريكا رائعه جدا ومن الممكن ان يتكيف الانسان في اي بيئه كما حصل معنا ولله الحمد بعض الاشياء لما جيت السعوديه ماحبيتها او حسيت انو طعمها تغير عليا زي البيك مثلا
    7 "
  4. رااااااااااااااااااااااااائع جدا اخ امير الله يكثر من امثالك مع انك حومت كبدي في بعض وصفك خخخخخ

    وين باقي الاخوان والاخوات يطرحو ماعنانوه في ديار اوباما هع

    ع كذا بشتري لبس صيفي وحجابات اما شتوي من عندهم احسن .. والا اشرايكم ..؟
    7 "
  5. رااااااااااااااااااااااااائع جدا اخ امير الله يكثر من امثالك مع انك حومت كبدي في بعض وصفك خخخخخ

    وين باقي الاخوان والاخوات يطرحو ماعنانوه في ديار اوباما هع

    ع كذا بشتري لبس صيفي وحجابات اما شتوي من عندهم احسن .. والا اشرايكم ..؟


    المصدر: http://www.mbt3th.us/vb/newreply.php...#ixzz1POJYm9HD
    حفاظاً على حقوق الكاتب نرجو عدم حذف المصدر مبتعث

    الصراحه انا زوجة عامر مستحيل رجال يكتب لك هالكلام كله اكل وخرابيط خخخخخ على العموم مانختلف اهم شي الفائده انا انصحك تشتري حجابات صيفيه من السعوديه لان طرحهم هناك ثقيله هم يحطوها للرقبه فقط في الشتاء مشان هيك مصممه ثقيله اشتري خفيفه للصيف من هون والثقيله من امريكا بالنسبه للجاكيتات مره جكيتاتهم جنان ورخيصه وتناسب جوهم لا تشترو من السعوديه وعلى طاري فناجين القهوة انا شريتها معي الحين بطلع فيهم امريكا ان شاء الله هههه
    واي اسئله او خدمه انا حاضره تحياتي
    7 "
  6. عزيزتي زوجــة عــامر


    اختلف معاك في بعض الاشياء وطبعا الاختلاف لا يفسد للود قضيــه << هي كذا تنقال

    المهم

    اولاً :

    الملابـس ..

    عندنا في السعودية اشكال والوان والشتوي عندنـا اافضل بكثير من عندهم وسوقنا يخرع يعني سوقهم حلو بس حنا احلى .. انا عن نفسي اشتريت من السعوديه وهو اللي ماشي معاي وافضله

    ثانيــاً :

    الاكل ..

    الاجبــان لقيت كل انواع الاجبان الموجوه عندنا كيري .. كرفت .. بوك .. المراعي سايل .. وقشطه بوك . . ألخ ..

    بــس ... غــاليــة جــداً

    اتفــق معــاك طبعــا

    بخور ومبخره بس نقدر نجيب فواحه من بودي شوب يعني يمشي الحــال..

    انا نقصني ترمس انكسر الترمس من العفش الله يــاخذهم ولا لقيت

    اكيد طبعا قهوه وهيل موجوده بس نــار هيل حبتين تعدينهم بمبلغ يعني اجيب من هناك افضل نوع وسعر صحيح انه غالي حتى عندنا بس اهون

    الانســان قــادر ع التــأقلم اكيــد يعني فيه بــدائل

    7 "
3 من 5 صفحة 3 من 5 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.