ما خاب من استشار .. محتاره !!
السلام عليكم ورحمة الله
هذي اول مشاركه لي .. وحبيت استشيركم ويا ليت تفيدوني
انا ناويه بإذن الله ادرس البكالوريوس حاسب ( هندسة او علوم حاسب ) بأمريكا واحقق حلم حياتي .. بس المشكله اي ولايه ؟!
انا محتاره بين اريزونا - توسان وبين كاليفورنيا - سان فرانسيسكو
والسبب اللي خلاني اختارهم ان اريزونا كثير يمدحون فيها كدراسه وعدد السعوديين فيها محدود ومعقول
اما كاليفورنا لأن عيال عمي في سان فرانسيسكو وراح يسهلون علي كثيييير اشياء والجامعه بعد كويسه
لكن عيوبها انها غاليه واخاف المكافأه ما تكفي وفيها سعوديين بالهبل على ما قريت
سان فرانسيسكو ولا توسان ؟؟؟؟؟؟؟ واللي ساكن بسان فرانسيسكو يقولي اذا فيها سعوديين كثير او لا
واللي عنده ولايات حلوه ثانيه يفيدني لأن في ناس مدحولي فيرجينيا بس بعد غاليه
رد: ما خاب من استشار .. محتاره !!
سان فرانسيسكو تجنننننننننننننننننننن
لا جوها او شوارعها اومبانيها او باصاتها ...............الخ
بس مشكلتها غالية
المهم بالنسبة لسؤالك انة فيها سعوديين
والله انا كنت ادرس بمعهد جامعة سان فرانسيسكو
قبل 6 شهور وماكان فيها سعوديين كثير
في كل المعهد وبكل المستويات السعوديين سواء بنات او اولاد مايتعدون ال 12 شخص
مدري عاد الحين تغير ولا لا
وكان في معهد ELS مليان سعوديين
ولكن يعتبر المعهد اللي في سان فرانسيسكو من اقل المعاهد من هاذي السلسة اللي يتوفر بها الطلاب السعوديين
يعني اتوقع انة نص ونص السعوديين في سان فرانسيسكو
ولكن بالطبع مو منتشرين مرة
يعني وحدة من زميلاتي كانت تدرس بسياتل
تقول هناك مليانين سعوديين عكس سان فرانسيسكو
وبنت ثانية بعد جت من سان دييغو
تقول موب طبعيين السعووديين هناك ماشاء الله واجدين مقارنة بسان فرانسيسكو
يعني مرة في الاسبوع بالكثير مرتين اصادف سعودية او سعودية يمشون يالشارع هذا طبعا في سان فرانسيسكو
لا تقولون وشلون تعرفين انهم سعوديين ولا لا
انا عندي الحاسة السادسة مدري وشلون بس كذا من الله اقدر اطلعهم
رد: ما خاب من استشار .. محتاره !!
انا اذا خيروني بين أريزونا و كاليفورنيا بختار كاليفورنيا بدون تردد رغم ان فيها سعوديين واااجد بس وش نسوي !! نروح نيو ميكسيكو ولا الاسكا عشان مانشوف سعوديين ؟؟
( في بنت قبل كم يوم كتبت موضوع نصيحة للي بيروح كاليفورنيا )
http://www.mbt3th.us/vb/forum8/thread284337.html
عموما درجة الحرارة في توسان أعلى من سان فرانسيسكو في الصيف ( حررر )
الأعاصير والعواصف في توسان معدلها السنوي أعلى بكثير من سان فرانسيسكو
توسان لا تقارن أبداُ أبداُ قي سان فرانسيسكو من ناحية اماكن التنزه والتسلية _ يعني واحد يوم ضايق خلقه يبي يغير جو في اماكن الواحد يروح لها في سان فرانسيسكو
الفرق الوحيد اللي كويس في توسان هو أسعار السكن عندهم أرخص من أسعار السكن في سان فرانسيسكو تقريباً أقل بـ 66 الى 79 % حسب أحصائيات بعض المواقع
معدل الجرايم في المدينتين متساوي وحسب تقارير الأف بي أي صنفوها 7 من 10
اما التاكس مافي فرق كبير كاليفورنيا التاكس 6% واريزونا 5%
وبالنسبة لفيرجينيا السكن فيها غااااالي اذا بتعتمدين على المكافأة ماراح تكيفك
رد: ما خاب من استشار .. محتاره !!
الله يجزااااكم خييييييييييير يارب ويفتحها عليكم
والله ريحتوني كثيير لأني 60% سان فرانسيسكو و 40% توسان
fbi بحكم انك بنت مثلي واجهتي اي صعوبات هناك ؟
لكن انا اكثر شي يهمني مستوى الجامعه ومستوى المعيشه والسعوديين بعد
ولكل وحده فيهم سلبيات وايجابيات والله يكتب اللي فيه الخير
وانا قريت الموضوع حق سان دييغو واللي قالوا لا تروحون لكاليفورنيا وخوفني كثييير
بس بتوكل على رب العالمين والله يوفق
رد: ما خاب من استشار .. محتاره !!
سان فرانسيسكو مافيها سعوديين كثير (وعلى العموم كل واحد فحاله) وجوّها معتدل الى بارد شوي طول السنة تقريبا ، بس طبعا أغلى من توسان. من ناحية الأمان سان فرانسيسكو آمنة اجمالا بس أهم شي الواحد مايقرب من الأماكن اللي فيها مشردين في الليل..
رد: ما خاب من استشار .. محتاره !!