ياشباب والله اني في حيره من امري ارجو من اخواني المبتعثين المساعدة

السلام عليكم ورحمة الله وبركاته
انا طالب تخرجت من الثانويه السنه الي فاتت وقدمت على الابتعاث المرحله السادسه وماقبلتني لان التحصيلي نازل شوي

وكانت من التخصصات المتاحه للابتعاث الهندسه والطب وتفاجئنا قبل فتره حوالي شهرين من الملك انه الحق المبتعثين على حسابهم في الهندسه والطب على حساب البعثه ولاكن المشكله انه قبل يومين من الان تفاجئت بل انصدمت لمى قريت شروط المرحله السابعه
وهي انه الابتعاث على التخصصات الطبيه فقط لاغير السؤال الي ابي عليه اجابه انه انا الان قدمت ابي دراسه على حسابي وجاني اي تونتي بتخصص هندسه وقابلت السفاره قبل اربعه ايام وانتظر التاشيره واذا جتني ابي اطلع باذن الله ولاكن هل اذا طلتع وانا على حسابي ادرس وجا ضم للمبتعثين يضمون التخصات الطبيه فقط لانها في المرحله السابعه ولا يضمون الهندسه معها علمن ان الهندسه ليست فر شروط المرحله السابعه وش الحل اذا كانو مايضمون يعني اذا وصلت هناك مثلا احول على احدى التخصصات الطبيه لين التحق بلبعثه وبعدين احول هندسه ولا مايمديني احول لا كذا ولا كذا علما ان ابي تصص الهندسه باي طريقه كانت

ارجو من الاخوان المساعدة والله الذي نفسي بيده انني في وضع سئ للغايه بعد علمي بهذا الموضوع
وحتى فكرة اخذلي شاص واروح اهرب على الحدود مع اليمن من زود الفراغ وزود الوسوسه
ارجوكم ارجوكم ابي اكثر عدد من الاجابات وابي اجابات طويله وواضحه بالظبط وش الي اسويه الله يوفقكم جميعا ولاتنسون من الدعاء لكي يفرج الله كربتي

هلا بك اخوي ,, لا تتكدر ولا يضيق خاطرك يالغلا.

ولا تشتري لك شاص خل فلوس الشاص واطلع فيها وبيضمونك على اي تخصص كان.

أنا على حد علمي إنه اذا جاء ضم للمبتعثين اللي على حسابهم إنهم ينضمون كلهم بغض النظر عن تخصص او اي شي.

والله اعلى واعلم.

تحياااااااااااااااااتي

أخوي ما تحتاج إجابات طويله وشاص واليمن
كل ما في السالفه نقطتين

الأولى بعثات الملك العام اللي مضى كانت فقط تخصصات طبيه أنا قدمت عليها ما كانت فيه هندسه
وجات المكرمه وضموا الكل

الثانيه توكل على الله واطلع على تخصصك وشد حيلك وان شاء الله تجيكم مكرمه وتنضموا
أما بدون مكرمه فأتمنى ان الكل ينضم قبل ما يخلص اللغه
ولو أزمت وأنا أخوك ترى بعد اللغه وبدايتك الدراسه الأكاديميه تتحول مباااشره


ودي لك ودعواتكم بتسهيل اموري

الحين اللي بيروح يدرس حاسب ما يقدر !!!!!!!!

وش نسوي اجل !!

للرفع

up
up
up
up
up