الأعضاء الإشتراك و التسجيل

الملتقيات
ADs

مواقف وقصص مريت فيها عشان نستفيد ،،،،

مواقف وقصص مريت فيها عشان نستفيد ،،،،


NOTICE

تنبيه: هذا الموضوع قديم. تم طرحه قبل 2409 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة إياد العنزي
    اغبي موقف عدى عليا بحياتي .. اول يوم مع العائلة ، الولد القلق ابو دم كتشب اسمه " روبورت " .. فجا الاب يوريني الغرفة و طبعا جا الغثيث هذا و دخل معانا ، فقال لي الاب هذا اسمه روبورت ولكن بالاسم ( الدلع ) رابر ، و انا من فلتي الزايده افكرة يقول عن ولده انه حرامي !! فصرت اقول له it's ok, he look like good guy !! كلهم طالعوا فيني و جلسوا يطالعوا ببعض ..
    هههههههههههه صح عليك ..
    7 "
  2. الشعب اجتماعي
    واللي خلقني مو اجتماعي .... اكبر مقلب اكلته !
    ربعنا لاسأل واحد وقاله
    وات از يور نيم ... وير ار يو فرم والخواجه جاوب قال فرندلي ...
    //
    انا بتكسس // واعرف اربعه هنا بولايات مختلفه مابين اوهايو // كلورادو // فلوريدا
    نفس الحكايه الشعب نفسي نفسي ...
    والسماعات بإذنه ولاهي بالميوزكـ يعني انس فيه مجال تحاكيه ...
    ’،
    االمقلب الثاني الشعب ودود !
    مو ودود ... يحترمك فقط اذا ماعليك زله ..
    من مواقفي :
    وانا بالسوبر ماركت
    بحاسب بالبطاقه وكنت حديث عهد باللغه ... فسألتني سؤال اظن بتحاسب كاش ولا بالفيزا
    قلت لها فيزا ...
    طلعت البطاقه وعصبت مادري وش تخربط ... كان واحد معاي قالي ... تقولك الصف هذا للي بيحاسبوا كاش مو فيزا !
    طبعا خليت اغراضي ومشيت ماتسوى كل العصبيه سفهتها وخليت اغراضي عندها ...
    ’،
    الموقف الثاني
    كنت امشي بقطع الطريق حلو
    قبل ماتقطع الطريق فيه زر تضغطه قبل لاتقطع الطريق وتشوف لوحه ارشاديه لاصارت باللون الابيض تقطع حلو ..
    انا ضغطتها وانتطر طبعا الاشاره اللي على ايدي اليمين هي اللي فتحت راحوا السيارات ...
    واشوف الاشاره خضراء لهم قلت ياولد اقطع لاتنتظر اللوحه ... طبعا قطعت واناظر يمين فيه سياره بعيد ...
    شافتني اقطع الطريق وهي كانت ماسكه المسار الايسر شافتني اقطع ومسكت المسار الايمين ... يقالها بتصدمني ... انا زدت بالمشي خفيف
    والله اللي تسوق بنت وتطلع ايديها وتقول الكلمه المشهور بترجمه الافلام " تباً لك " ! ...
    طبعا عقب الحركه بيدها وقفت مكاني واناظر " لسه بالطريق ابشوف تاليها "
    والله البنت تجي وتخلي صدام موترها على رجلي وانا اناظر بشوف وش بتسوي بعد بتصدمني بعد ولا لا ...
    طبعا اسكتت وتناظر قدام " انا قدامها بس تسوي نفسها ماتشوفني "
    وقفت شوي وانا واقف قدامها ماني متخيل بنت وتسوي هالحركه ولا قول وفعل ! ..
    طبعا انا بدينتون ... وسألت شخص بأوهايوا قالي ماشفت شي !
    طبعا السياره بعيد لو على مشيها الاول كان من القهر اقطع الطريق " وانا احبي ! " ماوصلت
    ’،
    المفاجأهـ
    شعب معدوم الفكر ...يفكر باللحظه هذي ...
    يعني بالويك اند تلقاهـ مسوي حفله وفالها وبوسط الاسبوع لاتستبعد يبيع اغراضه
    داااااج "طفران يعني "...
    الحشيش عندهم يباع بسهوله ...
    بالحال واردى ... الله لايبتلينا
    طبعا اعرف شباب ساكنين بالروميتات " الغرفه مشتركه الصاله والمطبخ "
    يقول ماننام من حشيشهم صداع مزمن

    ==========

    بخصوص المويه في دوره المياهـ
    الله يعزكم فيها حاجه اسمها شطاف الوضوء
    تباع عند لوازم الرحلات تبدأ من 20 ريال وتنتهي 60 تقريبا
    الاسعار تختلف باختلاف الحجم "انصحك بالصغير تاخذهـ معك من القهر للمعهد "
    هذي صوره
    http://www.google.com/search?q=%D8%B...w&ved=0CDUQsAQ

    //
    الشي الثاني لو مامعك شطاف الوضوع وش تسوي
    جيب قاروره مويه صحه وبراس الغطا من فوق بالسكين "اجخره "اثقب يعني "
    وخلاص بدال ماتشرب مويه اضغط فيطلع المويه من الثقب اللي فوق وبدفع قوي ...
    7 "
  3. موضوع حلو بطرح لك موقفي

    اول يوم لي عند العائله جيت من المطار وحصلت واحد متفق معاه يوديني للعائله المهم مشينا مع الدرب وقام يسولف علي وسالفه في سالفه انا لغتي شبه شبه شبه جيده
    المهم ويوم وصلت للبيت وانا ادخل مع شنطتي ، دخلت ب الجزمات اعزكم الله وطبعاً هالشي مرفوض فقالت هذي المره الاولى لك مسموح المهم وتجي تعلمني قوانين البيت وتعرفني على بناتها
    واول ما راحت للمطبخ انا اناظر لديكور البيت وامشي اتمشى بالغرفه والصاله وزي كذا الا وارفس لي حاجه ويبدآ يصيح ، طلع الكلب ، انا خفت مدري وش اسوي ، رجعت مسرع يم غرفتي ومن الخوف بغيت اضيعها هع
    واجلس بغرفتي وهو قام يصايح وتجمعوا عليه العائله يحاولون يشووفون وش فيه والا هم ماشافوني والا كان لعنوا كوثري هههههههههههههههااي
    صراحه ذاك اليوم خفت على الكلب ، اول يوم وبغيت ادخله للمستشفى
    7 "
  4. MSK

    فعلا الشعب نفسي نفسي

    تذكرت موقف من كلامك

    امرأة في حديقــه تصارخ واحد سرق جوالها ومحفظتها وهي ماسكته بالقوه وتصارخ اطلبوا 911

    والله المسكينه راح صوتها من الصراخ وبعز النهااار والرجال يمرون من عندها وكأن مافيه شي المره تصيح وتصارخ والله ماحد عبرها

    شعب غريب وع كلامك السماعات ماتطيح من أذانهــم
    7 "
  5. مــرتن من المـرآرير ..

    كنت مسـآفر صيفيه لنيوزلندا .. وانا رآجـع من هناك على السعودية .. كان خط السير .. اوكلاند - ماليزيا - جدة
    طبـعن حجـزنا على الخطوط الماليزية درجة اولى من نيوزلندا الى ماليزيا .. وبعدها ترانزيت على الخطوط السعودية ..
    المهم ..
    كان معي اخوي
    وصلنا المطـآر ومسكـنا سـرآ في كـأونترات الخطوط الماليزية حقت الدرجة الاولى
    يوم جا دورنا .. اعطيت الموظفة جوازات السفر وتذاكر الطيران ..
    قعدت تطقطق في الجهاز .. السالفة طوّلت معها .. لنا حوالي النص ساعة واقفين وورآنا خلق الله .. باقي على الرحلة نص ساعة وتقفل .. لازم نسحب البوردنق
    كلمتها وقلت لها استعجلينا ورانا رحلة > طبعن بالانقلش ^ ^
    شوي تطالع فيني وتقولي انا اسفه .. الحجز الثاني ملغي !!
    > تقول على كلامها ان تذكرة اخوي مغلي الحجز حقها لاننا ما دخلنا رقم التذاكر ..!!
    عاد هي قالته ولا ما قالته .. واستلم امها تهزئ وقعدت اسب في خدمتتم السيئة وقعدت اقولها يعني ايش مثلا اسافر واخلي اخوي عندكم هنا
    .. شوي بغت تبكي وهي تهدي علي .. يمكن دقايق اتصلت على كل موظفين الشركة .. جتني وحدة سوبر فايزر .. وقالت نفس الكلام
    قلت لها ماني متحرك من مكاني لين تطلعون لي حجز اخوي .. هذا وحنا حاجزين درجة اولى بعد !!
    قاعدة تكلمني تحاول فيني يمين يساار .. قلت في نفسي والله ماني محرك من هنا لين يخلصون امورنا .. << طاحو لهم في واحد نشبة
    اخوي يماسكني ويقول خلاص انطم شرهتنا في المطااار .. وانا اضحك واقول خلنا نطقط على روسهم شوي
    عاد لا تشوفون منظرهم الموظفين .. واحد يكلم والثاني يبحث في الجهاز والسوبر فايزر تقلب في جوازاتنا
    المهم .. بعد ما كلمو الادارة حقتهم ورجعو للسستم المركزي حقهم .. طلع لهم الحجز حقنا - الله لا يوفقهم -
    وقاامو يتعذروون ومدري وشو

    المهم في الاخير .. ما قصرو خلصو امورنا .. ويوم جو يطبعون لنا البوردنق .. طبعن قايل لهم مقعدين بجنب بعض ..
    يوم طبعت لي البورندق الا المقاعد متباعدة .. كذا شفت الارقام حقتها ماهي حول بعض .. رجعت للسوبر فايزر ( حرمة )
    وكلمتها وقلت لها حنا اخوان ونبغى مقاعد بجنب بعض .. اخذت البوردينقات وقالت طيب انتو بجنب بعض
    قلت لها لا ..
    عاد اخوي يدقني مع جنبي ويقول الله يقلع ذا الدلووخ ما يعرفون شئ وقاعدين يسحبونا على وجيهنا ..
    طالعت فيني السوبر فايزر .. وكلمتني وقالت نظام الارقام في الطائرة مختلف شوي .. لاكن تطمنو حطيناكم بجنب بعض
    قلت لها ما فهمت فهميني !!
    >> ناظرتني بحقد شوي .. وقلبت تتكلم عربي وتشرحلي هههههههههههههههه
    طلعت اختنا في الله عراقية متجنسة هههههههههههههههه
    والله لا تشوفون وجيهنا ذاك اليوم كيف صايرة ...

    موقف لا ينسى ..
    7 "
  6. المشاركة الأصلية كتبت بواسطة speak
    موضوع حلو بطرح لك موقفي

    اول يوم لي عند العائله جيت من المطار وحصلت واحد متفق معاه يوديني للعائله المهم مشينا مع الدرب وقام يسولف علي وسالفه في سالفه انا لغتي شبه شبه شبه جيده
    المهم ويوم وصلت للبيت وانا ادخل مع شنطتي ، دخلت ب الجزمات اعزكم الله وطبعاً هالشي مرفوض فقالت هذي المره الاولى لك مسموح المهم وتجي تعلمني قوانين البيت وتعرفني على بناتها
    واول ما راحت للمطبخ انا اناظر لديكور البيت وامشي اتمشى بالغرفه والصاله وزي كذا الا وارفس لي حاجه ويبدآ يصيح ، طلع الكلب ، انا خفت مدري وش اسوي ، رجعت مسرع يم غرفتي ومن الخوف بغيت اضيعها هع
    واجلس بغرفتي وهو قام يصايح وتجمعوا عليه العائله يحاولون يشووفون وش فيه والا هم ماشافوني والا كان لعنوا كوثري هههههههههههههههااي
    صراحه ذاك اليوم خفت على الكلب ، اول يوم وبغيت ادخله للمستشفى
    الله يسعدك أخوي
    ما فيه قصه أسلوبها هنا زيك ضحكت من قلب هههههههههههاي


    بالتوفيق للجميع
    7 "
  7. المشاركة الأصلية كتبت بواسطة Knight Dandy
    الله يسعدك أخوي
    ما فيه قصه أسلوبها هنا زيك ضحكت من قلب هههههههههههاي


    بالتوفيق للجميع
    لبى قلبك والله هع
    هذا وماقلت سالفة الـpool هههههههههههههههااي
    بقلوها بس افهمومها ب السعودي ههههههههههههههههههااي


    ثاني يوم وصلت فيه لامريكا قالوا لي بكره الصبح نبي نروح نهرول وزي كذا ، هذه اول مره في حياتي تصير علي ، اقوم من النوم واروح اهرول ساعه سلامات لو بالاحلام ماسويتها هع
    المهم يقوموني من النوم واروح اهرول معه وهم متحمسين بالحيل وحالتهم حاله
    وكنا موقفين موقف خطآ وانا رجعت يم السياره انتظر العائله تجي لاني ضيعتهم وجالس انتظر وفيه سطحه سحب كل السيارات الا سياراتنا من الحظ ماوصل لها وانا اشوفه من يسحب السيارات
    قلت بروح اقول للام عشان تجي واطلع ادورهم بين اللي يهرولون ماحصلتهم المهم شريت لي همبرقر الصبح " مالقيت الا هو " الله يديم النعمه الصبح وهمبرقر هع
    اكلت الهمبرقر وطعمه ماش طالب لحم وشكله عطاني خنزير لقمه وحده وطشيت النعمه الله يديمها
    انا طفشت وانا انتظرهم مدري وين راحوا هالعائله بس اللي يقهرني انهم ماسحبون سياراتها ، والله ذاك اليوم كان ودي يسحبون سيارتها عشان ماتوقف غلط هههههههههههاي
    المهم عقب ما انتظرتهم ساعه الا ويجون العائله ونروح للبيت وجلست كذا 10 دقايق وقالوا لي يلاا مشينا للpool قلت اوكي يلاا مشينا وانا طبعاً ما اعرف شنو الـpool
    ومن اول ماوصلت وانا مغمض عيوني ، اتلفت يمين ويسار ودي ارجع للبيت عاد افكر في العيال اللي ب السعوديه ، يتصلون علي يقولون صور بس نبي صور ههههههههههههههههههااي
    ي حليلهم بس
    عاد والله حسيت ان ربي يبي يخسف علينا
    تخبرون السعودي ماهو متعود على هالمناظر هع
    هههههههههههههههههههههااي
    7 "
2 من 9 صفحة 2 من 9 1237 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.