كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
بسم الله الرحمن الرحيم
كم هو الراتب الشهري لمبتعث في أمريكا معاه زوجه وطفلين ؟
أرجو ذكرها بالتفصيل الآتي قدر المستطاع .. مثلا مبتعث لوحده يأخذ كذا .. معاه زوجه يأخذا كذا .. معاهم طفل يأخذون كذا .. معاهم طفلين يأخذون كذا .
وياليت ذكر مصدر المعلومة مع رابطها على النت لو أمكن .. واللي ما يمديه يجيب الرابط .. فلا إشكال في ذلك .
ومشكورين
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
(---------------- بالريال) / 3.75= المخصص بالدولار
دعوة بظهر الغيب
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
الأخت أم فهد ، اسعد الله أوقاتك
الجدول اللي طرحتيه لمكافأت طلاب بريطانيا
وهنا مكافأت الطلاب المبتعثين إلى أمريكا :
مكافأة المبتعث 1849 دولار
مكافأة المرافق 977 دولار
مكافأة الطفل الواحد تقريباً 270 دولار
مكافأة طفلين : 270 + 270 = 540 دولار
وبالتوفيق ..
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
حرام والله حرام
المرافق 977
والطفل 270
جالسين على بنك والله الواحد يفكر مليون مره قبل مايروح
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
اقتباس:
المشاركة الأصلية كتبت بواسطة موظف جديد
حرام والله حرام
المرافق 977
والطفل 270
جالسين على بنك والله الواحد يفكر مليون مره قبل مايروح
بجد لازم تفكر 3 ملايين مرره قبل لا تجي عشان اذا جيت ما ترجع الا وانت محكحك ورافع راسك وراس اهلك وعيالك معك وما تكون جيتك سياحيه
وبالنسبه للمكافأه .. تكفيك وزياده وتوفر منها بعد ولكن اختار المكان المناسب ونظم مصاريفك
للأسف بعض الناس تجي هنا لا ناقة لهم في الجيه ولا جمل !! يعني جايه ما تدري وين ربي حاطها وتضيع مع البشر هم وعيالهم ويضيعون انفسهم
عشان كذا اقولك لازم تفكر 3 ملايين مرره وتهيئ نفسك قبل ما تجي بالذات اذا معك عائله
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
يعني الواحد ماياخذ عياله احسن والا لا
270 والله ولا راتب شغاله حتى الشغاله في هالوقت صارت احسن من هالراتب
المشكله مايشوفون وش ينزل للقطريين والكويتيين والاماراتيين
وتكفى لايخش على الخط واحد مسوي فيها زحمه ويقول شف عددهم وشف عددنا
دولتنا عندها خير وماراح ينقص منها شي لو عطت المبتعثين حقهم
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
اقتباس:
المشاركة الأصلية كتبت بواسطة موظف جديد
يعني الواحد ماياخذ عياله احسن والا لا
270 والله ولا راتب شغاله حتى الشغاله في هالوقت صارت احسن من هالراتب
المشكله مايشوفون وش ينزل للقطريين والكويتيين والاماراتيين
وتكفى لايخش على الخط واحد مسوي فيها زحمه ويقول شف عددهم وشف عددنا
دولتنا عندها خير وماراح ينقص منها شي لو عطت المبتعثين حقهم
ههههههه منيب خاش غلط لكن بخش صح
قل الحمدلله والشكر افضل من غيرنا بكثير والمسأله بالنسبه لقطر والامارات والكويت نسبه وتناسب وانا اخوك واغلب الابتعاث لاخواننا الخليجيين ماسكته شركات وليست وزاره بحد ذاتها
القرار راجع لك سواء تجيب عيالك أو لا وحاول تاخذ الامور برويه وناظر اللي بيدك قبل ما تناظر اللي بيد غيرك باختصار
"فكر خارج الصندوق"
ادري انك بتنتفني بكم كلمه لكن الله يسامحك مقدما ههههه
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
اقتباس:
المشاركة الأصلية كتبت بواسطة WaHed NaFaR
ههههههه منيب خاش غلط لكن بخش صح
قل الحمدلله والشكر افضل من غيرنا بكثير والمسأله بالنسبه لقطر والامارات والكويت نسبه وتناسب وانا اخوك واغلب الابتعاث لاخواننا الخليجيين ماسكته شركات وليست وزاره بحد ذاتها
القرار راجع لك سواء تجيب عيالك أو لا وحاول تاخذ الامور برويه وناظر اللي بيدك قبل ما تناظر اللي بيد غيرك باختصار
"فكر خارج الصندوق"
ادري انك بتنتفني بكم كلمه لكن الله يسامحك مقدما ههههه
الحمد لله على النعمه والعافيه والله يسامحك ليش انتفك انا جالس اكتب بس علشان نشوف ونسمع اراء الكل
ولكن اسمح لي اخالفك كلمت انها شركات بس الحكومه هي اللي توظف وترسل يعني راتب حكومه وراتب الشغل
ياسلام سلم بس
ادري ان فيه واحد هنا بشتغل بالتعليم العالي اصبر شوي عليه وتشوفه ينط علي ويرد كالعاده
رد: كم هو راتب مبتعث - من وزارة التعليم العالي - في أمريكا .. معاه زوجه وطفلين ؟
لايغرك واجد الراتب ترى ثلاث ارباعه بيروح ع السكن !
