تبغى الكلام يا اختي ...
صدقني محد حيقوى اللغة عندك غير العائلة ، صح انه بعض الاحيان تكون العوائل قلق و قله راحة مثل الي انا فيها ، لكن صدقيني اني من فضل الله ما احتاج اراجع قواعد اللغة الانجليزية ليله الاختبار لاني بالاصل جالس اتكلم فيها طول الشهر ، اما الي احتاج اني اراجعة و على الطاير بعد هي الكلمات !! .. الحمد لله .
نعم العائلة تحترمك اذا انتي احترمتيهم ، اعرف 2 من اصحابي واحد طردوه ( جابوا له شرطة ) و الثاني قالوا له " ماني نبي نشوف خشتك هنا مره ثانية " لانه من قله الاحترام و الهبالة الزايدة .
خذيها قاعدة .. الامريكي ما يتكلم بشكل مباشر ( و هذا الي يعلمونا هو في المعاهد ) فأنتي عليك تستنتجي وش يبي هو قبل لا يعيد الكلام بشكل مباشر و ( يعطيك بالعضم) مثل ما نقول بلهجتنا الحجازية .
ادخلي على موقع كريقليست و ابحثي عن العوائل و راح تلاقي مره كثير و رخيص بعد ، فأنتي اختاري الي يناسبك و اذا ماعجبتك اسحبي عليهم ثاني شهر .. في بعضهم تلاقي عندهم غرف ولا غرف الفنادق و البيت ولا اروع و اخلاقهم حلوه ( ولا تنسى المسبح
) . ولكن اهم شي ابحثي .
العائلة بالغالب مالهم صلاح في ديانتك او غيره ، فهم محتاجين الكاش الي بجيبك لا اكثر !! ، انا ساكن عند عائلة و بعد شهرين اكتشفت ان حضرة الاب عبارة عن ( قسيس ) بكنيسة ، حاول ينصرني بكل الطرق لدرجة اني جاب لي الانجيل بالعربي
و جاب لي منشورات مثل الي بالمسجد ( الي مكتوب عليها هدية ) لكن طفش مني لاني طلعت عينة ، كل ما جلست استخدم النت بالصاله شغلت له قران
و كل ما صليت رفعت صوتي
يعني جبت له الكفية .. و الحين صار ما يكلمني عن الديانات ابدا .
.......................
tip
:
صدقيني محد يقوي اللغة عندك غير العائلة ، الامريكان بالشارع محد بيعطيك دقيقة تكلمية الا اذا كنتي بالباص و حصلتي عجوز تتكلمي معاها ، و المعهد ما بيعطيك اكثر من 4 الي 6 ساعات باليوم تتكلمي فيها !! طيب و باقي اليوم ؟ راح تتكلمي عربي ؟
بعض السعوديين او نسبة كبيرة منهم بمعهدي ( افتخر فيهم ) عندهم كلمات كثيرة و يتكلموا ما شاء الله ، ولكن اول ما يفتح فمه و يتكلم تحصلي المدرس او في المطعم يقولوا لهم ( عيد !! او ها ؟ ) لانه اللهجة عنده تعبانة و يتكلم حتي لو تسمعية تحسية يتكلم باللهجة العربية بس الكلمات انجليزية .
فبإذن الله هم الي راح يقووا عندك اللهجة و بنفس الوقت راح يعلموك كلمات جديدة وانتي ما تدري لانه راح يقولوا لك لا تستخدمي او اليوم راح يكون في شي او شي .. وانتي لحالك راح تفهمي و راح تحفظي الكلمة .
في النهاية ..
الانجليزي مو كلمات و قواعد .. انما اكثر منها الي لهجة علشان الطرف الثاني يفهم عليك .. و مادامك رايحه مع مرافق ( اخوك - ابوك ) و منتي متزوجة ، توكلي على الله و اسكني عند عائلة لمدة 3 شهور او 5 شهور و بعدين انقلي لشقتك .. بشرط ، اذا حسيتي لغتك و لهجتك تحسنت
إياد العنزي June 19th, 2011, 02:12 AM
7 "
June 19th, 2011, 01:20 AM
السلام عليكم ورحمه الله وبركاتهانا افكر اروح عند عائله
ابي الي جربو وسكنو عند عائله ويشفون انها كويسه يفيدوني
في اي ولايه مو مشكلع المهم
ابي المكان يكون حلو
ابي العائله متفهمه اننا مسلمين ولا عندهم حيونات
ارجو الرد قريبا ..
يعطيكم العافيه