ابي سكن رخيص في واشنطن

السسلام عليكم

حبايبي الله لايهينكم عندي واحد من اولاد خالي بيجي ويبي سكن مع عائلة رخيص في العاصمه واشنطن

واللي عنده معلومه عن معهد رخيص يقولي اسمه او يحط الرابط

لانه مشوار علي الروحه هناك

لآهنتـــــــمِ

شف انا اعلمك
واشنطن العاصمه ارخص سكن تلقاه 1600 واذا حصلت شقه بهذا السعر عطني خبر لان مابي اعطيك الاسعار وتتحطم
لكن انصحك بمدينة ارلنجتون
طبعا ارلنجتون مثل الدرعيه بالنسبه للرياض
واصلا انا انصدمت يوم اكتشفت انهم مدينتين مختلفتين
ارلينجتون ارخص بشي بسيط جدا
وانت تتكلم بشي بسيط جدا وانا اكلمك ساكن بـ 1300 بشقه غرفه واحده بارلنجتون
طبعا انا ادرس في واشنطن العاصمه مو ارلنجتون لكن ارخص السكن في ارلنجتون
عموما
هذا معهد رخيص جدا وله فرعين
فرع في الدي سي وفرع في ارلنجتون
وقريبين لبعض الفرعين كل واحد يبعد عن الفرع الثاني بالسياره تقريبا 15
يعني لو ما اعجبك المدرسين اللي بارلنجتون تقدر تحول الى الدي سي
http://www.lado.edu
وبالتوفيق ان شالله وترا المدينه ماصارت غاليه الا تستاهل
سواء ارلنجتون او الدي سي واللي يفصل بينهم صغير بعد مثل كبري الحراج بالرياض

تسلم ياغالي كفيت ووفيت لك احترامي