اليوم سويت المقابله بالسفارة الامريكيه وحصل ما حصل!!
بسم الله الرحمن الرحيم
السلام عليكم ورحمة الله وبركاته..
قصتي اليوم من الأول للأخير مع السفارةالأمريكية.....
طبعاً نمت الساعة 11.30باليل ومثل ما تعرفون إذا وراك شي ما تقدر تنام صح
المهم كل ساعة من النوم أقعد وأناظر الجوال وأرجع أنام
الييييين الساعة 5.00بالظبط قمت من النوم
على طول للحمام اتروش (أتحمم_اتسبح_الخ)
بعدها جلست شوي على اللابتوب اليين الساعة 6.20الصباح
وعلى طول اطلع برا وأقرب تاكسي (ما أدل بالرياض:confused:)
المهم وصلت للسفارة الساعة 6.55 قلت الحين مابلقى أحد قدامي
يوم وصلت قدام باب السفارة ولا العالم موجودين من زمان:)
المهم قعدت شوي لما جت الامريكية قالت لنا اللي موعده الساعة 7.30يجي يصف طابور
ونصف خذو اوراق وردوها لي وقالولي عطنا الجوال وعطيتهم
ودخلت غرفة التفتييش هنا صارت الكارثة:( أول ما دخلت تذكرت إني معي شفرة حديد حقت السياره داخل البوك
ولا صار وجهي يعطي الوان:(:mad: المهم قال نزل النعل اعزكم الله ونزلتها قال حط اغراضك وحطيت البوك
ولله الحمد ما إنبهت المفتشة على الشفرة معا انها واضحه وهي تعطيني البوك وأطلع برا
أول ما طلعت لقيت عسكري شكله فلبيني معه رشاش وعلى طول من الخوف طلعت الشفرة وأعطيته
وهو يقرب ويبعد ما يدري ايش اللي معي قلتلوه نو بروبلم وهو ياخذها قلتلوة احذفها ولا شفلها صرفه
اوك نو بروبلم درا اني خايف جاني الموت خخخخخ وعلى طول رحت لداخل السفارة
وأخذ رقم16 قالي بالعربي تبي قلت ايه
وانتظر شوي ويجي دوري للاجراءات ماقبل المقابله قال عطني الاي توني والتاكيد والضمان المالي والجواز
شوي قال بصم وانا احط يدي اليسار اربع اصابع وبعدين اليمين وبعدين الابهامين
وعطاني الاوراق قال انتظر المقابله شوي ويناديني للمقابله
قال سلطان
قلت نعم
قال ابوك وش يشتغل
قلت مافي وضيفه بس يتاجر بمؤسسه
قال متى تخرجت
قلت العام الماضي
قال وش درست
قلت لغة بمعهد انجلش
قال اها طيب منين لك المال اذا ما تشتغل
قلت من الوالد
قال وش تبي تدرس
قلت بكالوريوس هندسة كهرباء
قال اوك الفيزة مقبوله رح لمكتب فيديكس:D
واروح للمكتب واخلص اوراقي قال يمكن اسبوعين وتجي
قلت اوك
واطلع من السفارة بكل سرور وفرح
ولكن يبقى إنتظار الفيزة يارب ما تطول
ودعواتكم لي بالتوفيق
وهذا وصلى الله على نبينا محمد.
أخوكم: سلطان الحريري.
رد: اليوم سويت المقابله بالسفارة الامريكيه وحصل ما حصل!!
بالتوفيق اخوي ..
يعني الي افهمه من كلامك ان تعاملهم بسيط
والله يعينا ويسهل امورنا !
رد: اليوم سويت المقابله بالسفارة الامريكيه وحصل ما حصل!!
وضع طبيعي لشخص طبيعي يعني هي كذا تمشي الاجـراءات انت وش متوقع يعني ..؟
اللي اوراقه تمام وفي السليم يمشي تمام
بالتوفيــق
,,
,,
رد: اليوم سويت المقابله بالسفارة الامريكيه وحصل ما حصل!!
اكيد الامور كلها تمام وما فيه اي مشكله بالتعامل
اذا اوراقك كامله وما عليك شي
ان شاء الله تمشي امورك..
مشكوري على المرور.
رد: اليوم سويت المقابله بالسفارة الامريكيه وحصل ما حصل!!
تعطي الشفرة للعسكري؟!
احمد ربك ما اعتبره تهديد منك له!!
وفعلا السفارة اجراءاتها بسيطة.. مبروك قبول الفيزا..
رد: اليوم سويت المقابله بالسفارة الامريكيه وحصل ما حصل!!
ياأخ سلطان أولا مبروووووووووك ع الفيزا
ثانيا :حبيت استفسرك .... انت يوم رحت المقابلة كان عندك قبول لغة فقط ... وكم مبلغ ضمانك المالي..>>معلش ع اللقافه
بس ابغى اتطمن ع وضع أخويه..
رد: اليوم سويت المقابله بالسفارة الامريكيه وحصل ما حصل!!
اي والله احمد ربك ما اعتبرها تهديد
ع العموم مبروووك الفيزا اخوي وعقبال الشهاده
وترا سفارة الرياض ماتطول ان شاء الله اسبوعين بالكثير وهو عندك
موفق خير
رد: اليوم سويت المقابله بالسفارة الامريكيه وحصل ما حصل!!
مبرووك على الفيزا الله يتمم لك على خير
هههههههههههههه اما الشفره موقف لا يحسد عليه
لكن غريبه وافقوا يبتعثونك وتخصصك مو طبي ؟!!! كييف !!
رد: اليوم سويت المقابله بالسفارة الامريكيه وحصل ما حصل!!
ياأخ سلطان أولا مبروووووووووك ع الفيزا
ثانيا :حبيت استفسرك .... انت يوم رحت المقابلة كان عندك قبول لغة فقط ... وكم مبلغ ضمانك المالي..>>معلش ع اللقافه
بس ابغى اتطمن ع وضع أخوي
الله يبارك فيك
لا انا عندي قبول لغة وقبول جامعة
بس ما طلبو قبول الجامعة بس الاي توني حق المعهد
بالنسبة للضمان المالي كان 100000 مئة الف ريال
بالتوفيييق
مشكور على المروووووور.
رد: اليوم سويت المقابله بالسفارة الامريكيه وحصل ما حصل!!
مبرووك على الفيزا الله يتمم لك على خير
هههههههههههههه اما الشفره موقف لا يحسد عليه
لكن غريبه وافقوا يبتعثونك وتخصصك مو طبي ؟!!! كييف !!
الله يبارك فيك
والله عدت سالفة الشفرة على خير
بالنسبه للتخصص
انا طالع على حسابي