محتاج الاجوبه تثلج الصدر وتبرد القلب يالاخوان بالانتظار الردود

كل اوراقك كاملة اذا ظميت معها الابلكيشن اعتقد.
والله يوفقك
وعلى طاري الرفض انا اليوم انرفضت في سفارة الرياض

جرب تاخذ سياحيه ومن هناك حولها دراسيه

لا ماتقدر تحول من امريكا الفيزا من سياحيه الى دراسيه لازم ترجع السعوديه مره ثانيه عشان تغيرها نصيحه لاتجيب طاري القبول الجامعي عشان مسألة العمر مهمه انها تكون تتناسب مع مرحلة الدراسه قول للقنصل فقط انك رايح لغة لتطوير اداءك الوظيفي وبس الجامعه لاتجيب سيرتها هنا مسألة العمر يكون مالها قيمه عند القنصل بس هو راح يسألك ليش اترفضت قبل لاتقوله درجاتي ضعيفه قول ضماني المالي كان غير كافي والان وفرت المبلغ اذا قلك من فين قول اخذت قرض ولا الوالد ساعدني ولا عندي املاك وبعت منها شوفلك اي مصدر انشالله مايسألك بس خليك محضر جواب لو سألك وقله اني ابغى اطور نفسي لاني منتظر ترقيه في العمل
وخليك واثق من نفسك وخلي عيونك في عيونه ولا تحسسه انك متردد وخايف من الرفض
الله يكتب لك الخير

السلام عليكم

أخي, أولاً وسع صدرك وخذر الأمور ببساطه وخل إيمانك بالله بأنك مُسّير ولست مُخيّر من رب العالمين
ثانياً, وسع صدرك ثاني مره, ترى كثير من الطلبه إنرفضت فيزهم (يعني إن شاء الله ما تحس بكلمة "وش معنى أنا إنرفضت")
ثالثاً, الحمد لله بأنك موظف وأمورك مستقره
رابعاً, بنصحك نصيحه!!! حاول تقلل المبلغ اللي في الشهادة البنكية خله مثلاً 100 ألف, أنا أعرف واحد جاب شهادة بنكيه ب 500 ألف وقالت له السفارة (انت مادياً مرتاح وما تحتاج دراسة ولا فلوس, ثم رفضوا فيزته) لا تبالغ في المبلغ عشان ما يرفضونك. وعلى فكرة: موضوع العمر ما له علاقه بالدراسه ( أنا عمري 34 وطلعت الفيزة لدراسة مرحلة البكالوريوس من السفارة الأمريكية بالرياض وكان الوضع عادي جداً)
خامساً, السفارة الامريكية بالرياض مرنين جداً
سادساً, سجادتك , سجادتك , سجادتك (أفرش السجادة واطلب الحي القيوم بأن إذا كان فيها خير لك بأن يمنحك إياها, وإذا كان فيها شر بأن يبعدها عنك ويبعدك عنها)
سابعاً, الله يوفقك

تحياتي

الله يكون بعونك ويوفقكـ ونصيحتي لك حافظ على صلاتك ودع ربك ان الله يسر امورك وبإذن الله يصدرون لك الفيزه

اخوي ياليت تذكر لنا سبب الرفض

انا موعدي 29 الله يستر

انصحك ان تلجأ لربك وتدعيه ان يسهل لك امورك والوالده كمان ما راح تقصر وصلاة الثلث من الليل وان شالله تتسهل امورك والله يوفقك يارب

بالتوفيق ان شاء الله أخوي... لكن اسمح لي اقول لك انك على هذي الاوراق تبي تنرفض
أخوي أنت خليت افكارهم تتضارب... مايدرون إذا انت موظف ولا لا ... وتقول لهم انك تبغى تطور اللغه وجايب لهم قبول جامعه
وإذا عطولك فيزا راح تكون مدتها 6 شهور بس ...
أهم شي اخوي خلك واثق وانت داخل عليهم وأدعي ربك قبل الدخول
وعطهم كل الأوراق الي عندك من غير التعريف بالراتب ومن غير اي ورقه من جهة عملك

اخوي الحبيب شخصية مستهدفة لايهمونك ان شاء الله يتنقبل وعلى قولتكم هذي ثابتة لكن انصحك قبل شي استخير استخير استخير

والله يوفقك