الأعضاء الإشتراك و التسجيل

الملتقيات
ADs

استفسار فيه احد يدرس بكالوريوس بامريكا؟؟

استفسار فيه احد يدرس بكالوريوس بامريكا؟؟


NOTICE

تنبيه: هذا الموضوع قديم. تم طرحه قبل 2404 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية فنسنت
    فنسنت

    مبتعث جديد New Member

    فنسنت السعودية

    فنسنت , ذكر. مبتعث جديد New Member. من السعودية , مبتعث فى السعودية , تخصصى حاسب , بجامعة الملك سعود
    • الملك سعود
    • حاسب
    • ذكر
    • الرياض, الرياض
    • السعودية
    • Jun 2011
    المزيدl

    June 22nd, 2011, 03:07 AM

    السلام عليكم ورحمة الله ..
    .
    .

    .
    .
    عسى الجميع بخير ..

    هل فيه احد يدرس حاليا بكالوريوس بامريكا وكان يدرس باحدى الجامعات السعودية من قبل؟؟

    فيه فرق كبير بينهم؟ هل الدراسة بامريكا اسهل ولا اصعب؟

    اتمنى انك تتكلم عن تجربتك بالتفاصيل لان وضعي متعثر وودي استفيد ..

    انا توني مخلص السنة الثانية في جامعة الملك سعود والصراحة مستواها زي ما تعرفون مزري ..

    انا خلصت التحضيرية والحمد لله بمعدل عالي واخذت 5.5 بالايلتس لكن بعد ما تخصصت بدا المعاناة من دكاترة مستواهم

    جدا سيئ اغلبهم مب فاهم المادة ويسحب على 3 محاضرات ورا بعض وحنا اللي ناكلها والوضع ماشي بالتشبيك و لازم تجيبه

    خصوصي عندك عشان تمشي بالعربي ما فيه نظام , الغالبية يحاولون يخسفون فيك باي طريقة , المهم حملت اكثر من 3 مواد في سنة

    ووضعي في انحدار والتخرج راح يكون في 6 سنوات وتخصصي 4 سنوات فقط ..

    قلت وش حادني وودي اطلع ادرس بجامعة زي الناس بس اخاف اروح واقول ليتني قاعد , والوضع صراحة بهالجامعة لا يطاق ..

    اتمنى من المجربين يعطوني اي تجاربهم او اي معلومة تفيدني ...

    بالتوفيق للجميع ان شاء الله ...
  2. السلام عليكم ,,
    أخوي الكريم أنا تقريبا وضعي مشابه لوضعك,بس ما عندي اي شئ اقدر افيدك فيه للاسف وانتظر الرد من اصحاب الخبره..

    انا برضوا كنت في جامعه هنا وسحبت قبل الاختبارات بعد ما كملت السنه التحضيرية وترم تخصص,بس صراحه حلم الابتعاث كل ماله يزيد عندي وما أبغى أضيع من عمري سنين أحس انها عاديه جدا في تخصص و مستوى مو على طموحي,لاني فعلا اشوف الدراسه في الخارج أفضل لي,والله يخترلنا اللي فيه الخير يا رب..

    بس السؤال هنا,هل كشف الدرجات اللي من الجامعة السعودية يفيدنا في التقديم هناك؟؟بالنسبه للساعات المدروسه والمواد؟

    تقبل مروري..
    7 "
  3. هلا اخوي انا قدمت على جامعة ديبول في شيكاقو واخذت قبول مشروط بس توني اكمل لغه طبعا كشف الدرجات لو تجيب اصلي ومترجم يقبلونه.
    بالنسبة للدراسة اعتقد انها عادية ومافي شي صعب طلاب كثير قبلنا تخرجو وخلصو بس يبغالها شدت حيل شوي.
    7 "
  4. دامك كملت مستويات كمل بالجامعة احسن لك وبين اهلك

    توكل على الله وكمل بكلوريوسبالسعودية ثم تزوج وتعال ماستر ودكتوراه اذا فيك شدة

    بصراحة بامريكا شغل جامد + اجادة اللغة الانقليزية+غربة وبعض من العوامل

    والله يوفقك
    7 "
  5. المشاركة الأصلية كتبت بواسطة نحوالسماء
    دامك كملت مستويات كمل بالجامعة احسن لك وبين اهلك

    توكل على الله وكمل بكلوريوسبالسعودية ثم تزوج وتعال ماستر ودكتوراه اذا فيك شدة

    بصراحة بامريكا شغل جامد + اجادة اللغة الانقليزية+غربة وبعض من العوامل

    والله يوفقك
    من اي ناحية شغل جامد؟ اذا هي واجبات وبحوث اللي عندنا مكفينا

    الله يوفقك والجميع
    7 "
  6. المادة العلمية ليست مكثفة وسهله جدا جدا بالمقارنة مع المواد او المناهج <<مثلا بجامعة البترول او الملك سعود او الامام

    ولكن سهلة على اهل اللغة لانها فعلا تحتاج لمحادثة مباشرة مع الدكتور او تقديم بحث مع الطلاب

    واذا مصمم دربك اخضر .. بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.