جاني مبشر مسيحي شوفو وش قلت له ...(كولورادو)
مره من المرات طفشان ماعندي شي ومتكي عند باب الكليه المهم وجاني هالمبشر واحد شباب قالي انت ماذا تشعر ومن هالخرابيط وانا عطيته جوه حبيت احشره ببعض الاسئله المهم قمنا نضحك سوا حبيت النقاش يكون ودي ..ووضحت له بعض الامور عن الاسلام خاصتا ليه حنا مانشرب ولا ندخن الحشيش ولا ناكل الخنزير والله انه قال المعلومات هذي اول مره اسمعها ولازم اقرا عنها الي هيا لماذا ؟
______________________________
قلت له حنا الحمد لله كل جمعه بالمسجد انت ليه ماتنصح الامريكان الطلاب الي هنا ولا واحد يروح الكنيسه وفيهم شواذ وكذا<<حسيت اني شطحت بس ادركت الموقف بابتسامه هع ...قالي انا عارف انا قبل شوي كنت اكلم واحد انصحه ..والمبشر قام يفضفض يقولي امريكا زمان كانت افضل وقام ينتقد القوانين و يقول والناس كانت تصلي <<انا بقلبي قلت له لايكثر لاينكبنا من الحكومه
______________________________
..انا جنبي واحد جابوني مسيحي عسل والله حتى الجمعه صلاها معي مع اني قلت له خلك جالس لاتقوم تصلي بس استمع للخطبه المهم ..سولفت معه حوالي الساعه وقاعد اقوله عن الاسلام وكذا بس سبحان الله الجابوني وهو حاط الصليب على صدره يقول للمبشر انا شفت المسلميين احسن شي يسوونه انهم اذا جو يدخلون المسجد لازم يغسلون وجههم ورجولهم (قصده الوضوء) عاد المبشر والله انحرج لاان اسألتي واضحه واجوبته خياليه من اجوبته يقول المسيح والله ومدري وش الثالث واحد قلت له كيف 3 بواحد وابتسمت تذكرت بونكس 3 بواحد خخخ المهم انا مخلي النقاش ودي لاابعد الحدود وبعيد عن التعصب لااني ماابي مشاكل وداري البعض بيحسبني متهور بس انا مو اي واحد اناقشه ابد وحريص لو طلب رقمي او عنوان او اي شي يثير الشبهات ماراح اتكلم معه لاان هدفي الدراسه وتحياتي
رد: جاني مبشر مسيحي شوفو وش قلت له ...(كولورادو)
يا سلام بطل ماينخاف عليك .
أتمنى تصير لي مواقف زي كذا أتكلم عن الأسلام معهم بشكل ودي عشان إن شاء الله يسلمون .
يعني إيش إلي يمنع إننا نبدا الحوار معهم فرصه هم حتى ودودين يبغى من يجلس معهم ويفهمهم حبه حبه .
أسأل الله لي ولكم التوفيق لخدمه الإسلام والمسلمين .
رد: جاني مبشر مسيحي شوفو وش قلت له ...(كولورادو)
وبعدين,,,,وش تبي ؟ نقولك بطل يعني
رد: جاني مبشر مسيحي شوفو وش قلت له ...(كولورادو)
اما انا ما اقدرلاني ساكن مع رهبان او الامام حقاهم شكله راح يخليني مسيحي(لاحد يصدق) من كثر اخلاقة الحلوةوالله ناس ماشاء الله اخلاق وادب مايمتلكونها المسلمين والعرب
رد: جاني مبشر مسيحي شوفو وش قلت له ...(كولورادو)
اللَه يَجْزَآكْ خِير ,, !!!
مَوضُوعْ مُفِيد جِدَاً جِدَاً جِدَاً !!
لِدَرَجَةْ أَنَّهُ يُصَنَّفْ ضِمِنْ أَهَمْ مَوَآضِيعْ المُنْتَدَى لِيَنْضَّمْ إِلَى : مَوضُوعْ أُبو شَنَبْ وِمَوضٌوع أِبُو الشِبآشِبْ .... إِلَخ
أَتِمَنَى أَنْ تَتَقَبَّلْ مُرُورِي بِصَدِرٍ رَحِبْ :)
رد: جاني مبشر مسيحي شوفو وش قلت له ...(كولورادو)
السلام عليكم
والله تمام عليك ياصاحبي.........الله يوفقك
شوف هالمقطع والله سمعته 3مرات:
YouTube - ‪Know The Final Messenger of Peace - 2 of 3‬‏
ربنا يوفقنا لكل خير ويحفظنا من كل سوء
رد: جاني مبشر مسيحي شوفو وش قلت له ...(كولورادو)
انا مانقلت القصه الا للعظه والعبره والله من وراء القصد ..لااني لاحظت خوف رهيب من النقاش وتوضيح الامور للشعب الامريكي من الطلاب السعوديين وانا ماني بملتزم ولا اني بمطوع ولااني برجل دين ..الصوره عنا سيئه جدا وتحياتي واما الي يستظرف ولا يقول وش تبي هذا اترفع عن الرد عليه
رد: جاني مبشر مسيحي شوفو وش قلت له ...(كولورادو)
اقتباس:
المشاركة الأصلية كتبت بواسطة yalou001
وبعدين,,,,وش تبي ؟ نقولك بطل يعني
ليه مستكثرها عليه .. الرجال تكلم عن الاسلام
عن شرفنا وعن هويتنا .. هذا سبب وجودنا بالدنيا
نورثي .. الله يجزاك ألف ألف خير .. وان شاء الله تسلم ناس كثير على يدك
قول أمين
وايضا هذا سبب الابتعاث ..نعرف بالاسلام ..
رد: جاني مبشر مسيحي شوفو وش قلت له ...(كولورادو)
اقتباس:
المشاركة الأصلية كتبت بواسطة zamil badr
اللَه يَجْزَآكْ خِير ,, !!!
مَوضُوعْ مُفِيد جِدَاً جِدَاً جِدَاً !!
لِدَرَجَةْ أَنَّهُ يُصَنَّفْ ضِمِنْ أَهَمْ مَوَآضِيعْ المُنْتَدَى لِيَنْضَّمْ إِلَى : مَوضُوعْ أُبو شَنَبْ وِمَوضٌوع أِبُو الشِبآشِبْ .... إِلَخ
أَتِمَنَى أَنْ تَتَقَبَّلْ مُرُورِي بِصَدِرٍ رَحِبْ :)
ههههههههههههه لا تنسى موضوع الهووز
رد: جاني مبشر مسيحي شوفو وش قلت له ...(كولورادو)
اقتباس:
المشاركة الأصلية كتبت بواسطة NORTHy
انا مانقلت القصه الا للعظه والعبره والله من وراء القصد ..لااني لاحظت خوف رهيب من النقاش وتوضيح الامور للشعب الامريكي من الطلاب السعوديين وانا ماني بملتزم ولا اني بمطوع ولااني برجل دين ..الصوره عنا سيئه جدا وتحياتي واما الي يستظرف ولا يقول وش تبي هذا اترفع عن الرد عليه
يا نورثي ياغالي انت رجال وغيرك ماقدر يسوي اللي سويته بس فالح ينتقد أفعال الغير..........لايهمونك واللي همه نصيحتك فأكيد حينصحك عدل مو كلام أندم إني ضيعت وقتي في قرائته
وصدقني ما في فرق بيني وبينك وبين المطوع ورجل الدين (على قولك).......كلنا نصلي الحمدلله ونصوم ونغار على ديننا ونحب الخير وما نطيق السوء والذنوب ولكن ربنا يعيننا على إصلاح أنفسنا
يعني لانسوي مثل اليهود والنصاري.........الدين للمطاوعة؟؟!! والمطاوعة هم أهل اللحى؟؟!! هذا ما أنزل الله به من سلطان ولكل منا خطأه وصوابه
العالم نقدره لعلمه (وليس لمظهره) ولانقدسه مهما علا
ربنا يوفقك بدراستك وإيانا