عرض للطباعة
السلام عليكم ورحمة الله وبركاته
اسعد الله جميع اوقاتكم بالخير والمسرات
ياخوان في في مدينة صغيرة جداً وادرس جامعة خلصت فترة اللغة ولله الحمد. وراسلت الجامعات قالوا مافيه الا على بداية السنه الجديدة نقبلك . فحبيت استفسر عن community colleg حاولت اني ابحث عن هالكليات لكن ماحصلت الا وحده وغير معترف فيها من الوزارة
اتمنى افادتي الله يجزاكم الجنه
من جدك تروح امريكا وتتعب وتخش كومينتي كولج = تراها كلية مجتمع وش تبي فيها واتوقع انها تطلعك دبلوم بعد لالالا يااخوي درولك على جامعه ثانية
وعليكم السلام
تقريبا في كل ولايه موجود كلية مجتمع .. تدرس فيها سنتين بعدين تطلع تكمل السنتين الباقيه في الجامعه وتتخرج ببكالوريوس
بس فيها مشكله ..
لا يمكن تنضم للبعثه وانت بكليه مجتمع
وأنا بنفسي راسلتهم
قالوا لا يمكن نضمك وانت مقبول في كليه مجتمع الا بشرط واحد
تجيب لنا خطاب من جامعه معترف فيها بأنها تقبل الساعات اللي درستها في كلية المجتمع
بالتوفيق لك يارب
الحين بفهم الكومنتي كولج المعاهداللي فيها تبع الانقلش معترف فيها او لا
وش رايكم بكابلان للغه