ابغى اكمل دراستي برى --------كيف الطريقه
السلام عليكم ورحمة الله وبركاته
انا خريجة بكالوريوس تربيه قسم دراسات اسلاميه
ابغى اكمل ماجستير بتخصص اخر مثل ادارة مستشفيات او قسم تغديه علاجيه او اي قسم تقترحونه لي اعزائي المبتعثين
السوال وش الخطوات اللي اقدم على البعثات ياليت احد يشرح لي بالتفصيل
واكون شاكره للي بيردون علي
اختكم غيوره
رد: ابغى اكمل دراستي برى --------كيف الطريقه
اذا معدلك كويس اصبري كم شهر وبيفتح التقديم للبعثات ....... وتقدمين عن طريق النت وبعدها الأمور بتمشي لحالها بيتواصلون معاك عن طريق الرسايل
واذا كان معدلك جيدجدآ وفوق..........انصحك ابدأي دراسة اللغه فورآ بأحد المعاهد الجيده لأن على مايجي موعد سفرك بتكون كملتي سنه كامله وهذه السنه كفيله ان تنهي اللغه فيها
لاتقولي بأدرس اللغه هناااك ( هذا مفهوووم غلط ,,,,,نفس تفكيري اول هههههه)
ملاحظه:
راح تدرسين بري ماستر (تمهيدي ماجستير) او راح تدرسين مقررات تكميليه (في حالة استراليا مثلآ)
نصيحتي:
ادرسي MBA وتخصصي ادارة مستشفيات (اذا كنتي تحبين هذا المجال) مع ان تخصص ال MBA فيه مسارات كثيره مثل ادارة عامه او ادارة موارد بشريه او ماليه او تسويق او ادارة سياحيه
وتخصص مطلوووووووووب جدآ .
اقدر افيدك في جامعاااات استراليااااا وتخصصاتها فقط.......اما امريكا فالشباب والصبايا راح يفيدونك اكثر...
وبالتوفيق,,,,
رد: ابغى اكمل دراستي برى --------كيف الطريقه
انتبهت انك تبي تدرسين بكندا.............ماقدر اقولك الا اذا تسمعي نصيحتي (ادرسي بالصوماااااال ولاتدرسين في كندا) تعقيد في تعقيد........قاعد يهربون من هناااااك ويجون لاستراليا وقابلت كثير
اول شي يبون توفل او ايلتس (مايعترفون بمعهد اللغه حقهم الا اذا درستي سنتين فيه)
كندا ونيوزلندا نفس المشكله والتعقيد
بريطانيا موقفه من التعليم العالي الى ساعة كتابتي هذا الرد
انصحك في استراليا او امريكا............................................ ............................
وانصحك كمان في ماليزيا بلد جميل وطبيعه ورخيص ............................................(ويصلح للدارسين على حسابهم الخاص)
رد: ابغى اكمل دراستي برى --------كيف الطريقه
كلام اخوي فادي العنزي عين الصواب
ماليزيا دولة اسلامية و رخيصة توكلي على الله
وانتبهي اختي من الخمول لان الكثير من الطلاب صار له سنتين يخطط فقط
وبعدها ضاع وقت الدراسة بسبب التردد
توكلي على الله سبحانه وتعالى
رد: ابغى اكمل دراستي برى --------كيف الطريقه
طيب وشهي الشروط حق التقديم على البعثات
وبالنسبه للتخصص كيف هل اقدر اغير
ووووكم النسبه المطلوبه
رد: ابغى اكمل دراستي برى --------كيف الطريقه
من اهم الشروط المعدل........يعني اللي تقديرة جيدجدآ ...........مضمون
3:5 من 5:00.............ينافس على القبووول
يعني هو عدد معين للقبول ويبدأوون ياخذون من الأعلى وينزلون الى ان يكملوا العدد المطلووووب
بالنسبه للتخصص...........نعم تقدرين تغيرين عادي جدآ ( لكن يطلبون منك انك تدرسين مواد تكميليه (تمهيديه) ) وهذه المواااااد متوفررره في الجااااامعه.....اما بالنسبه لل MBA >>>ماراح يطلبون منك شي لامقررات تكميلية ولا غيرها لأن هذا التخصص فيه مقررات تكميليه جااااهزه....
بالنسبه لشروط الإبتعاث بالتفصيل ( اكتبي بقوقل شروط القبول في برنامج الملك عبدالله للإبتعاث الخارجي).....لكن مو مطبقه بحذافيرهااااااا يعني اذا ماكتمل العدد ينزلون للمعدلات الأقل